هذي بعض حقايق عن الاسنان..احمدوا ربكم ان عندكم اسنان..طبعا اكيد بعضكم يقول يالله ياليت عندي سنون مثل الناس..بس لا احد يشتكي الهم عندنا بعض الحلول


اقوى اسنان في العالم عائدة الى جون ماسيس من بلجيكا , اثبت ذلك من خلال سحب شاحنة تحمل سيارات زنة 80 طن ممسكا الحبل باسنانه, ولكن تذكر ان اسنانك خلقت للاكل ويجب ان لاتستخدم لغير ذلك
( بس اتوقع مايقدر يجر طياره؟ يمكن..او حتى عراوي رايح راعيه يطعس و..غرز..ومعه ربعه وكل واحد وعنده اقتراح الى ماطاح العراوي ولا فيه امل يطلع ولا بطياره حتى..وطبعا بمثل هالحالات لازم يكون معك جيك ماء يمكن تقسى الارض بس بيني وبينكم صارت محلوله الان وبنرفع شعار لا للغراز..انا باستقدم هذا ابو سنون بفيزة شغاله واستخدمه بالبر وافتح لي خيمه واسميها الخيمه الفولاذيه لاأبو سنون ورديه..اخي راعي الددسن..غرز ولا يهمك..ولا تحرق دمك.. حنا نشيل همك.. وبسنونه نخمك )


الحوت الازرق الذي له فم كبير بحيث يستطيع رجل بالغ الوقوف فيه رافعا يديه ولكنه لايستطيع ان يبتلع شيئا اكبر من جمبري صغير وهو يتغذى على العوالق البحريه
(يعني فمه بس مستخدمه للحش بخلق الله..هذا اذا فمه هالكبر اجل براطمه كيف؟ يمكن لو صدت حوت اقدر اسوي منها شراع لسيارتي عن الشمس ..او يمكن اسوي منه الخيمه الفولاذيه..اقول شباب ابي اروح اصيد حوت ..احد يخاويني؟)


حيوان المدرع له عدد اسنان كبير بحدود 140 سن اكثر من اي حيوان يعيش فوق الارض
( فرصه للي سنونه طاحت ..يربي واحد مدرع..وبعدين يعني دكاتره الاسنان احسن منا..احسن شي اربي لي كم واحد مدرع وافتح لي دكان عند حقين قطع الغيار..واسميه الاسنان المدرعه لكل عجوز معمره..وحتى انتي يالمدرعمه..واختها المثرمه..تعالوا للاسنان المدمره
)

االجرذان لابد ان تستمر بالمضغ والقطع حتى تظل الاسنان الاماميه بطول طبيعي واذا حدث ان فقد سن امامي علوي فان السن السفلي المقابل يستمر في البزوغ والتطاول حتى يصل لدماغه
(الحمدلله ان سنوني لبنيه تطيح من غير شي ولا يطلع مكانها سن جديد..لكن بالله تخيل معي واحد سنونه تطول مثل الجراذي..اكيد راح نشوف اناتل ترفع العقال فوق..ويمكن حتى نستخدمها نقوي ارسال الجوال..وحتى ذاك الرادو حتى يجيب افم ام..ويمكن نركب عليه لمبه سهاريه..والا وش يدريك يصلح نخليه سكانر يجيب لنا المكالمات والدوريات..بصراحه اشياء كثير تقدر تسويها بهالسن..يمكن احسنها اذا جبت الثوب من عند الغسال تعلقه فيه حتى لا يتصفط)


الحلزون له فم صغير كرأس القلم ومع ذلك له اسنان بحدود 25600 سن
( بس ابي افهم..من هذا اللي قعد يعد كل هالسنون من جد فاضي..ابي بصراحه اتصل فيه واخليه يعد شعر راسي انا حاس اني فاقد كم شعره مادري وين راحت..بس اتخيل لو انها سنوني وابي اركب اسنان ذهب..كم يبي لي من قروش..تهقون توصل عشرة الآف؟ والا لو هي سنون شايب وطاحت..كيف يسوون له طقم جديد الله يعينه بس)


البشر لهم اربعة انواع من الاسنان القواطع لقطع الطعام الانياب للتمزيق وخاصة اللحم اما الضواحك والارحاء فهي لطحن وسحق الطعام ليتم بلعه
( عاد انتم انتبهوا لا احد يستخدم اسنانه الا كما هو موضح بعضها للقطع وبعضها للتمزيق وبعضها للسحق يعني مافيه شي للضحك ولا يغركم اسمها ضواحك وترا مافيه شي للعض..يعني لو كلنا التزمنا ..مهاوش بعض الحريم كيف تصير..وهذاك اللي فاغر فمه دايم كيف يضحك.. )



هل تعلم ان مقدار الضغط المطبق عند المضغ على الاضراس يمكن ان يصل الى 200 كغ \سم2 وهذا مايفسر ان الاسنان تستطيع سحق الاشياء القاسية
( انتبهوا احد يطيح تحت ضروسي)

ملطووووش