عمري ما بينت انهزام.. وكنت أقوى كل ما خيّم ظلام..

يمّـه..

كل هذا حـب ...! كل هذا خـوف ...!



معقول ..

بعد هالعمر كله ما زلت صغيرتك.. دلوعتك اللي ما رضيتي بكبرها...!



وقت المرض كنت لك راحتك وما بقلبي يا يمّـه غير همك..

وقبل موتك كنت أنا وصيتك وغير اسمي ما نطق فمّـك...!



يمّـه..

ليه كل من عزاني فيك شافك بعيوني وبكى...!

ليه أنا...!



كان عندي لك أكثر .. يوم كنت أعاند وأتذمر..

ندم لا يردك لي ولا يأثر...!



رحلتي.. ووصيتك أنا...!

وعرفت بوقتها كل حزنٍ كساني قبل حزنك كذب..

وفراقك الوحيد كان علي الصعـب..



يمّـه..

هذا صوتك يصحيني.. وهذي يدينك تواسيني..

وأنفاسي إلين اليوم وهي عطرك...!



يمّـه..

أبوي اللي كسى راسه الشيب دموعه عيّـت تجف..

وحتى وهو بأقسى مراحل حياته..

نساني همّي.. لأنك أمي.. ولأنه بيوم كان لك حبيب...!



رحلتي يمّـه.. ووصيتك أنا..

وأنا ما بقالي غير ذكراك وهم هالبيت...!