--------------------------------------------------------------------------------

والله شباب وبنات عندي لكم موضوع ساخن كل واحد
يجيب
البيز معه علشان لا تحترق أصابعه


مرة نمت في الليل وقمت الصبح >>>>>> فاضي

مسكت معي أروح أشتري فطور من بوفيه (عمو حمود)

البوفيه في راس طلعة يعني الشارع جاي على شكل دحديره

المهم وقفت السيارة....ونزلت

شوي الا يوم جاء راعي صالون (جمس)

وقف ونزل راعيه بسرعة مستعجل

وكان الصالون مليان عائلة

بدا الصالون يدحدر.... والبلشه في آخر النزلة تقاطع خطر

المهم جاتني الفزعة

ودحدر الصالون ابي الحق ووقفه قبل لا يروح وتروح العائلة فيها

فتحت الباب وطمرت في الموتر .... وما أ مداني أجلس على المرتبة

الا العائلة يوم قامو يصارخون ويقولون : حرامي!! حرامي !!

ارتبكت وضيعت مكان البريك

ومادريت الا يوم انقزت علي وحده وخنقتني بشيلتها

وثبتت رقبتي على المرتبة

واستغلت الموقف الي جنبي وصفقتني بترمس الشاي على وجهي

وانكسر وانكب الشاهي في حضني

الله لا يوريكم قمت اطامر مكاني

ابي الفكة..... ومازالت السيارة تدحدر

وانا أدور محل البريك ...

انقزت عجوز من المرتبة الخلفية قصدها الفزعة وتعضني في رقبتي

مالها الا سنين.. الله لا يوريكم تقول حية

أنا ماهمني عضتها ..بس يوم تقبصني ليه ؟؟؟

هم كانو طالعين كشته ماتركو شي الا مارموني فيه

بريق شاي,قدر ضاغط ,ملاسة كبيره , منفاخ جمر ,قواطي الصلصه

من زود النذاله!!واحد صغير شعره مقرعط

جايب كيس البهارات ويحشي خشمي وفمي

وأنا وسط الهوشة قاعد أعاطس

وفي اللحضة ذي ..جت رجلي بالغلط على البريك وقفت السيارة

يوم جيت أبي أنزل الا أربعين بزر متعلقين في شعري

أدور فتحة الباب الا كيس الرز مسكر علي

ياجماعة الخير صدقوني ما أبالغ

والحمدلله وينفتح معي الباب

ما أمداني أنزل طبعاً مأشوف من البهرات الي مالية عيوني

الا ذاك العربجي الي يلحطني بالعقال

ويقومون معه كذا واحد طبعاً ماهو لله علشان البنات اللي بالجمس



وأنا خلاص صار ماعندي إحساس

تضرب ولا ماتضرب ماعاد أحس... ويفكني الله بالدوريه الي جت ....

فرقنا الشرطي وقال وش السالفة

قلت: ياحضرة الضابط ؟

قال : تنكت انت وخشتك ؟!!أنا رقيب

قلت : أعذرني ماأشوف .. السالفة أن الصالون دحدر

ونقزت أبي أوقفه وصار فيني الي تشوف (خيراً تعمل شراً تلقى)

بإختصار رحت البيت

شافتني الوالدة قالت : من اللي داعسك

وامضيت رحلة علا ج لمدة اسبوع وراحت كل الاضرار

الا قرطة العجوز أم سنين ( الله يكسرها )

وحروق في منطقة البطن وتوابعها

منقووووووول