بقولها بالعامية لأن الموضوع مايبيله فلسفة(فيها سوق غنم الدعوى)
واحد عنده فحل نعيمي وبنفس الحوش عنده برابر (بربري يعني)
المهم البربرية أضرعت من هالفحل وجاه طلي نجدي ؟؟؟؟؟؟؟
تصدقون؟؟

المعجزة مهيب هذي وبس!!

الطلي النجدي لونه أسود وراسه أبيض
ومكتوب عليه من الجهة اليسرى عن راسه لفظ الجلاله ( الله )
ومن الجهة اليمنى ( محمد ) وتميل للخط الكوفي في كتابتها

سبحان الله العظيم

أما لفظ الجلالة فإذا كبر الطلي راح تكون بخط كبير وأوضح من عين الشمس وفيه فن في كتابتها

راعي الطلي سامه واحد منه بألف أمس العصر وزاد عليه خويه الثاني وقال ألفين
أنا جيتهم بعد العشاء بشوفه لقيته يسام بثمانين ألف(80.000) ورفض بيعه وراح يعرضه على قناة المجد قريباً
ورفضني أصوره وقال أنه أعطى حق النشر لواحد من الشباب قبل شوي ووعدته ماحد يصوره إلا بعد بيعها على مواقع بالنت (يسمع بالسالفة حقت السمكة اللي في بريطانيا باعوها بسبعين ألف دولار(70.000)

هذا الكلام شفته بعيني ماقالوا لي عنه

المكان : الخرج - حي الخالدية

خبر له السبق في المنتديات وراح يكون له صيت بعد أيام ....

أخوكـــــــــــم
عاشـ الريم ـق