قبـل لاتاخـذك دنيـا وقلبـك عنـي يتباعـد
قبـل لاتذبحـي حلمـي تخلينـي ألـم إنسـان
تعبت اعشق تعبت اكتب تعبت لأجلـك آجاهـد
رحل كل مابقى فيني بـلا موعـد ولا عنـوان
ياكثراحلامي واحلامك وكانوا حلمنا الواعـد
جبرنا هالزمن يوفي ولايصبح أبـد خـوّان
عشقتك ما لمست ايدك طفل مشتاق لك واجـد
ويسمع صوت مياده تغنّي ( الحب ياللي كـان )
ينام وتسأله بالحلم حبيبي نايـم او قاعـد
ويصحى مايلاقيهـا طلـع بالغاليـه حلمـان
حكاية عشق مليانه طهاره عاشـق صامـد
يبي محبوبته لكن نصيبه كاتب الحرمـان
سمعتي كل ماقلته وحكايـة حبنـا الخالـد
عرفتي ماصبر كثري على ظلم القدر انسـان
تعالي جرّحـي قلبـي ولانـي بالحـزن ناشـد
تعالي .. ضيّقي صدري بكثر اللوم والأحـزان
اذا هذا العمر فاني و اذا هـذا الزمـن فاسـد
أببقى العاشق الوافي .. واكون اللي لقلبك صان
مدام انّا بغينا بعضنـا ولحـد ٍ يبـي يساعـد
مدام ان الزمن يضحك على دمعة طفل زعـلان
دخيلك افتحي باب الفراق .. وحبنـا شاهـد
بانـي يـوم ماخنتـك ولا فكـرت بالنسيـان
ولكن قبل هالفرقـا أبـي مِنّـك طلـب واحـد
أمانه لـو تزوّجتـي تسميـن ولـدِك سلطـان