بعض الغلا لا صار صد وتغلي
ينعاف لو راعيه بالحيل فتان
الحب ماهو شيء عابر يولي
الحب يبقى صامد طول الأزمان
لا تحسبن البعد عنك تخلي
وشلون باتخلى وأنا وأنت خلان
من لك إذا سافرت عني ومن لي
غيرك إذا زادت على القلب الأحزان
أنت وحيد القلب ياكل كلي!!
وأنا بدونك ضايع الفكر حيران
أشوف حبك في لظى الوقت ظلي
وأشوف كل الكون لاخنت خوان
أقول لهمومي كفى واضمحلي
خلي سجين له من الوهم قضبان
وأقول للعبرات تكفين هلي
عساني لأطفي من عنا الوقت نيران
عساني أداعب عيوني وأسلي
قلب على وصل المحبي شفقان