ماعـاد احبـك ابتعـد لا تجينـي=ما دام حبـك صـار كلـه مذلـه
أول غرامك أحمله وسـط عينـي=واليوم هاك الحب مـا ابيـه كلـه
لا واحسافه ما مضى من سنينـي=درب الهوى ما عاد قلبـي تدلـه
أول عرفتـك يالحبيـب تعنينـي=واخذت قلبي يـوم كـان بمحلـه
وأسهرتني ليلي وأخذت الحنينـي=على رجـا قلبـي يسميـك خلـه
ماعاد ابي حب(ن) يـزوّد ونينـي=ولا عاد ابي حب(ن) يجي فيه علّه
ماعاد اذكر مامضى منـك زينـي=هذى الزمن يمضي علينـا نملـه
ترسم ورود الحب لمسـة يدينـي=والوعد لامن جات ريح(ن) تشلّـه
شفت العجب مادار بينـك وبينـي=تخلف بوعدك يالغلا كان من لـه
ماكنت اعرف انك تلاعبت فينـي=بيحت مكنوني مـع النـاس كلـه
كنت الحبيب اللي سكن وسط عيني=والان ماضي صار ماهـو بحلـه
تركت حـبٍ كـان فينـي دفينـي=وصدمت قلبٍ بالهوى كنـت خلـه