طيب خذوا هذي القصة لواحد من العيال ولو أنه كثر الملح فيها شوي لكن بنقلها لكم مثل ماأرودها..

يقول أنا مغرم بنادي بايرن ميونخ الالماني ونفسي اشوف له مباراة..المهم ودي أسافر بس ماني لاقي فلوس..
وفي يوم جاني خبر انه طلعت لي أرض في شقراء كنت مقدم عليها من زمان وأنا اللي ابيعها وآخذ فلوسها وأحجز على أول رحلة لموينخ..سافرت هناك وسكنت في فندق قريب من النادي _الولد معه لغة على فكرة_ ويكل يوم أروح للتدريب وأشوف اللاعبين وأصور معهم وكان الدوري على نهايته والفريق باقي له مباراة ويفوز بالدوري إذا فاز فيها طبعاً..المهم يوم جااات المباراة تأخرت عن قص التذاكر وأنا اللي القط نفسي وأروح والاقي هاك الزحمة عند كشك التذاكر المهم لقيت واحد جالس في الزواية ومعه تذكرتين رحت يمه قلت تبيع التذكرة قال وهو يضحك تآخذها بمية وخمسين يورو قلت هاتها ناظر فيني ماصدق والظاهر قالها تعجيز المهم عطاني التذكرة وأنا اللي ادخل ومن بداية المباراة وأنا أشجع ومن الحماس نسيت نفسي خصوصاً بعد ماسجل الفريق هدف وأنا اللي اصيح واقوووووووووول ياكلك بلاك ياكلك وانا اللي اسمع كل اللي وراي يقولون ياكلك ياكلك..وهم مايدرون وش معناها لكن قالوا هذا المتحمس ماهوب قايل شيء شين..

خخخخخخخخخخخخخخخخخخخخخخخخخ


أتمنى أعجبتكم السالفة ولو انها طويلة وأدري إني غثيتكم بها..