السلام عليكم ورحمه الله وبركاته

حبيت اقول لكم مجموعه من القصص

وأول قصه هي بعنوان المكالمه الهاتفيه



بذاك اليوم وانا توني راجع من الشباب باااخر االليل

وكنت تعبان عالاخر بعد هوشه مع العيال بسبب البالوت

حطيت راسي عالمخده الا واسمع جوالي المعروف العنيد يعمل وزززوززززوزززز <<<<<<<< عالهزاز

الا بذاك الرقم الي كله اصفار وخمسات

وارد واالا بذاك الصوت

وحده تقول ألووووووو

انا من الخرعه قفلت الجوال بوجهها قلت وش هاذا <<<<< ايه ماني متعود

وحده تكلمني حدي على عبود وحمود وخلود


شوي ويهز الجوال مره ثانيه


ونفس الرقم قلت ياهو خلني ارد يمكن غلطانه

قلت هلا والله ومسهلا فضائيه مصريه <<<<<<<< من الخرعه


وتضحك البنت ذيك الضحكه الهاديه

مو حنى هاءهاء هاء تقول شاحنه مو راضيه تشتغلل

المهم قالت لي ماشاء الله عليك دمك عسل <<<<<<<<< صار وجهي قوس قزح

قلت نعم

قالت وش هالصوت الي يقط الطير من السماء

ألتفت يمين شمال ادور حد غيري مافيه

قلت يابنت الناس اكيد انتي غلطانه

قالت لي مو انت روودي

ارتبكت وقفلت الجوال

وشلت البطاريه <<<<<<<<<< دلخ

قلت وش هالبلشه

وقلت خلي الجوال مقفل الى بكره يمكن تبطل تكلمني

واجلس لك اتقلب يمين يسار فوق تحت واسبح واسبح <<<<<<<< وش دعوه طقاقات

ماني عارف كيف جاني النوم

صحيت لك على ضربه على راسي من ابوي يصحني
رووودي رووودي وعمى وش ذا النوم
قوم عمى بعينك وصل أمك للمستشفى

أقلت له أبشر


أخذت الجوال معي

الا بالطريق رن الجوال

واناظر بالرقم الا هو قلت وش هالبلشه من جد

شافتني العجوز قالت لي ليه ماترد

قلت هاذا واحد يلحقني بفلوس وماعندي اعطيه

قالت لي العجوز ايه خليه ينقلع <<<<<<<<<< فله هالعجوز


ورجعتها للبيت قلت ياخي انا مالي فهالشغلات وما اعرف اكلم سحالي

انا اكلم العجوز وانا منزل راسي تبغاني اكلم وحده

قلت مافي الا واحد هب رييحح فهالاشياء

له خبره سنين من على ايام التمهيدي

مالي الا دحيم


المهم ورحت لدحيم

ووقلت له السالفه

قال دقايق كلها كووورس مكالمتين وتطلع بروفيشنل


ويطلع جواله ويقول لي تعلم


ويكلم وحده من الي عنده



قال لها هلا والله بالي تقول ألو


قالت له اهلين

قال لها كيفك ياعسل


قالت له منيحه

قال لها دوووم حياتي

قالت له تؤبرني

قال لها حياتي والله

وقال لها يالله اكلمك بعد شويه

قالت له اوكي

قال لي ها شفت كيف

الامر سهل

بس خذ لك نفس عميق


قال لي يالله بادق على وحده وكلمها

قلت له طيب بس انتظر

قال وش فيك

قلت له بأروح اشتري لي نفس عميق

قال لي تعال يالدلخ

اقصد ان تتنفس بحريه

قلت له اها

طيب يالله كلم لي البنت

كلمها لي

قالت ألووووووو

قلت لها بابا محمد موجود

قالت لا قلت لها شكريا


قال وش فيك يالدلخ

قلت له

قالت ان ابوها ماهو فيه

قال ومن قال لك اطلب ابوها انا قايل لك كلمها هي

قلت اهااااا


طيب ويدق لك على وحده ثانيه<<<<<<<<<<<< ايه عنده كتاب ارقام

قلت لي ألوووو

قلت هلا والله بهالصوت

قالت مين معي

قلت لها الي سرقتي روحه بصوتك الرنان

قالت لي وش دعوه


قلت لها انتي سرقتيه من غير دعوه دخلتي لقلبي ومن دوون زحمه

المهم قفل دحيم
التلفون قلت له ليه

قال يلعن شكلك صار لي شهر ابغى اشبكها ماني قادر وانت بكلمتين شبكتها من فين جايب هالكلمتين

قلت له من اخوي فهوود سامعه يكلم وحده <<<<<<<<<< اخوي الاصغر مني بخمس سنوات

المهم قال خلاص الحصه انتهت

وشوي وتجيني مكالمه من البنت

قلت له دحيم البنت البنت

قال رد مع راسك

كلمتها وقالت انا ودي اشوفك بالشاليه الفلاني
قلت لها كيف اعرفك

قالت راح تعرفني على طووول

قلت لها كيف

قالت جسمي جسم نانسي

وطولي طول باسكال مشعلاني

وعيوني عيون هيفاء وهبي

وعبايتي الفراشه عالموضه

وانا راح تعرفيني
على طوووول
جسمي جسم
وائل كفوري ولوني لون عبد المجيد



وقلت لدحيم

تعال معك سياره قال ايوه
سياره الوالد
قلت له يالله عالشاليه

ونطلع
لك الا ويطلع الشاليه عوائل قلت دحيم وش السوات

قال ما اعرف

شوي والاقي عبايه بسياره ابو دحيم قلت له دحيم

تكفى ألبس العبايه

قال لي من جدك انت

قلت علشاني بس دقايق خلني اشوف البنت

المهم ويلبس العبايه

وشكله طالع غلط بالعبايه <<<<<<<<<<<<<< تمساح ولابس عبايه
وندخل لك من عند البوابه

والسكورتي شاك بالوضع

وألف لك الشاليهات لف وأدور جسم نانسي

مافي الا اجسام انتصار الشراح ومنى شداد

شوي واجلس لك عالكرسي اريح

ودحيم جالس لك متسند على الشجره ينتظرني

شوي والا ريحه اعوذ بالله جايه من وراي

قلت وش هاذا وألتفت
الا واشوف لك بنت لابسه كيس زباله

تقول ديناصوره

ومدربحه تقول دبه غاز

والعيون اغضوض ابره

الا واشوف لك دحيم طااااير

تقول سوووبر مان والعبايه وراه

ويقول رووووووووووووودي رووووووووووودي

شوي واشر له

قلت تعال هنا

شوي والا الديناصوره تلف وجهاا

وتقول لي انت رووودي

قلت وش دعوه كل البنات يعرفني

قلت لها نعم مين

قالت لي وووين الي جسمك جسم عاصي ولونك لون عبد المجيد

قلت لها وانتي فين جسمك عن جسم نانسي

والا طووول بسكال وعيون هيفاء

ويجيك دحيم على راسه الا طلع السيكورتي وراه صاده وهو رافع رجله ويحق بساقه

الا بالسيكورتي ماسكينا

قلت وش هالبلشه يادحيم

قال انا مالي شغل

ويكلمون لك ابهاتنا

ويوصل ابو دحيم وابوي

ويمسك ابو دحيم دحيم ويطيح لك فيه طق

طااااااااخ طيخخخخخخخخخ
طوووووووووووخ

وانا اضحك عليه خخخخ ههههيههي خخخ

ويشوفني ابوي اضحك قال بس دحيم ينطق

تعال وطاح فيني طااااااااااااااااااااااااااخ
طيخخخخخخخخخخخخخخخخخ

قلت له خلاص اتووووووووب مافي مكالمات بعد الان

تكفىىىىى خلني


قال لي اي مكالمات قووووووووووم يالله الدوام راح يبدأ بالمدرسه

قلت الحمد لله انه كان حلم


ههههههههههههههههههههههههههه

اتمنى انكم استمتعتوا بالقصه البايخه:sm285:


أخوكم روودي