[grade="00008B FF6347 008000 4B0082"]نرجو فيك يا غايب اتجينا

""""بعدك طال طولت الغياب

انكان نسيت نحنا ما نسينا

""""دز العذر كان عندك اسباب

انكان تقول في حقك اخطينا

""""هيت دليل واحكم بالصواب

نرجو فيك يا غايب تراد

"""" عز العمر عدا في رجاك

يكفي لوع يا غالي يسد

"""" عندي العقل ما لحظة نساك

عليا راك سية ما تعد

"""" ونا والله كا نحمل بلاك

نبني معاك وانت اللي تهد

"""" الذنب خذيت من كثرة جفاك

ما هي عيب كان قالو نشد

""""واللا يوم دزلنا جواب

نرجو فيك يا غايب اتوق

""""غايب وين حيرت الدليل

راه العين حارقها الشوق

"""" تنظر فيك كي نجمة اسهيل

كان صحيح تبيها اتروق

"""" عليها مر لو عابر سبيل

راه الصبر في مره انذوق

"""" ونا ع الصبر ما عنديش حيل

ايجيني حال ما منه انفوق

"""" انخف انجيك تبقالي سراب[/grade]