لا ما ابيك تشرح .. شفت وعرفت قدري
كـل شـي واضـح ومـا يـبـي لــه اي تـفـسـيــــر
صدقت كلمة قلتها : ( انت عمري)
واقـنـعـت نـفـســي بـالـوهــم دون اي تـفـكـيــــر
كنت احسبك بدري .. وشمسي .. وفجري
وأثـر الاســــم لــي .. لـكـن النـور لـلـغـيــــــر
عذرك معاك .. مادامه الحب مغري
مـا ألـوم قلـبــك لــو طــرا فـيــه أي تـغـيـيـر
كل شي توقعته .. سوى منك غدري
ذنـبـك كـبـيــر .. ومـا يـكـفـيـه أي تـكـفـيـر
عذرك قبلته .. واقبل اليوم عذري
أنـا الـسـبـب فـي كـل مـاصـار . . وبـيـصـيــــر
أدري .. وتدري .. وما ابي الناس تدري
واســف لــو بـــدر مــنـــي ي تقـصـيـــــــر
وفّر دموعك .. والحق الليل واسري
واحــمـل مـعــاك مـنـي كـل تـحـيـه وتـقديــــر
يا صاحبي .. ادفن همومك بصدري
خـــل السـهــــر لاجــلــي .. وانــت تـصـبح عــلى خـيــــــر