ويــن المشكلة اذا حطيتي خطة او خطوات معينة عشان تجذبين زوجك..

وتخلينه يعشقج أكثر وأكثر .. وحياتكم تصير حب على حب

..

وين المشكلة اذا حطيتي في بالج تتبعين هالخطوات وتحطينهم بعين الاعتبار...
هذي كم نصيحة أقدمها لحــواء ومتأكدة انهم مفيدين وايد وايد

وعسى ربي يوفقك الجميع
.
.
.



1. زوجك ليس ندا لك .... زوجك رجل ... له كرامة وكيان وشخصية تمتلئ بالشموخ والكرامة وعزة النفس ...
فلا تكوني ندا له ..... وين المشكلة؟




2. بيتك جنة .... وأطفالك هم عصافير الجنة ... فلا تجعليهم غربان تحوم حول الزوج حين يحتاج للهدوء ....
الانسحاب أحيانا مفيد جدا .... وين المشكلة؟




3. خليه يفتح موضوع جدي معاك ... اتركيه يناقش حتى النهاية ... اذا قرب يخلص قولي العبارة التالية : بس في نقطة مهمة نسيتها ...
راح ينتبهلك ... وأكيد راح يسأل : وشهي؟ ..... قولي: إنا أموت فيك ...... وين المشكلة؟





4. كل الأمور تحلينها انتي؟؟؟ برافو ... كفو والله وعساك عالقوة .... بس مو ضروري تعيرينه...
دعي له مساحة يتحرك فيها ... شاركيه بالقرارات ... ارجعي له دائما ... حتى في الأمور المحسومة سلفا ....
خليه يحس ان له دور مهم .... مو سبير طايح ..... وين المشكلة؟



5. دائما دعيه يشعر انه القوة الكاملة في البيت .... دعيه يشعر انك ضعيفة .... مو بشخصيتك ...
بل بجسمك ... الجأي له مثل الأطفال ... حتى لو اصبعك انجرح ... عطيه بلاستر وخليه يلف اصبعك .... وين المشكلة؟




6. خليه دايما يحس انك بحاجته ... وان عداداتك وبوصلاتك ما تشتغل الا بوجوده .... وين المشكلة؟



7. أشعريه ان شخصيته هي الأقوى... حتى لو كنتي كونداليزا رايس .... وين المشكلة؟



8. العطور ثم العطور ثم العطور...... اجعلي بيتك مريحا للأعصاب ....
حواس الأنف مفتاح الدماغ .... راقبي وجهك اذا مريتي عند زبالة صارلها سنة مقطوطة ....
حتى لو كنتي في قمة سعادتك بتنقلب مزاجاتك ..... شلون يقدر يعصب والدنيا ربيع والجو بديع ....
وقفلي على كل المواضيع ..... وين المشكلة ؟



9. يقولون الرجل طفل .... انا اقول الرجل جنين وليس طفل .... الطفل ممكن ينزف ... ينطق .....
بس الجنين محمي بحنان رباني ... بعالم هادئ .... بتدليل أمومي .... الرجل مهما لقى من صفات رائعة في زوجته ..... دائما يبحث عن حنان أمه فيها .... والحنان....يلين الصخر .... وين المشكلة؟



10. كوني له أمة يكن لك عبدا ....نعم .... صيري صديقته وقت الضيق ... أخته وقت الفزعة ... أمة وقت الدمعة ...
حبيبته لما كل الدنيا تخليه .... زوجته لما يضيع ... بنته لما يحتاج يحس بالألفة .... كوني له كل نساء الأرض ....
وين المشكلة؟



11. تتضايقين من نظراته لمذيعات القنوات اللبنانية وهيفاء وهبي؟؟ قهر مو ؟؟؟؟ غلطانه....
اسألي نفسك سؤال واحد .... ليش ما تصيرين انتي الأحلى! !!!!!
.... قصة شعر؟ ريجيم ؟ صبغة حلوة ؟
ابتسامة جميله ؟ تدليع؟؟؟ وين المشكلة؟؟؟





12. دلعيه .... ثم دلعيه .... ثم دلعيه .... حبيبي ... قلبي ... حياتي .... مافي منك ... مشكور ...
عساك عالقوة ... صباح الحب .... مساء الورد .... تصبح على حب .... عيوني لك ... انت تامر ....
واغزلي من عبارات الحب جمل أكثر .....
يا ستي اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة؟



13. لا تنتقدينه ........ أبدا .... حتى لو كان من راسه لساسه عيوب .... حتى لو كان صباااااااااااار كله شوك ....
الصبار ترى داخله مويه ... وعلشان توصلين للمويه لازم تشيلين الشوك .... جربي شيليه بسرعة ومرة واحدة ...
ما تجنين الا الألم ..... بالحب .... والحنية .... والصبر .... كل شي يصير ... حتى لو طولتي تشيلين الشوك ....
راح يجي وقت تلاقينه هو يشيل معاك .... من كيفه .... وين المشكلة؟



14 . إياكي وإياكي وإياكي أن تظهري عيبه أمام الآخرين ... الرجل ما ينسى ....
والشعور بالإحراج يخليه يدفن بقلبه ضيق عليك ما يروح بسهولة ...... خليك ستر وغطا على عيوبه ...
حتى لو تافهة وعادية .... وين المشكلة؟



15. خلي يدك بيده.... قبلي أصابعه بعز المسلسل .... خليه يحس انك مستانسة لوجوده جنبك ....
مو تنتظرين الساعة اللي يروح فيها برا ... وين المشكلة؟



16. طلعي الشغاله برا .... أظن الدوام الجزئي كافي ... هذي مملكتك ... لا تتنازلين عنها ..... وين المشكلة ...
الواحدة منا اذا حبت شغلها تكرف فيه بدون حساب .... وبابتسامة .... مو بيتك أدوم لك؟؟؟ وين المشكلة؟



17. عطيه حريته ... خليه يطلع الشاليه او المخيم مع الربع .... خليه يتنفس ...
وراح يرجع لكم مشتاق ... وممنون..... وين المشكلة ؟



18. تعلمي الابداع بالطبخ ... نوعي بأكلاتك .... حسسيه ان ذوقه مهم عندك...وين المشكلة؟



19. جددي بنفسك .... خليك أنيقه ... كشخة ... شبعيه علشان ما يجوووووووووووووع ..... وين المشكلة؟



20. تذكريه برسالة على الموبايل..... قوليله كلمة واحدة بس ....
اشتقتلك .....أحبك... .. وين المشكلة؟



21. لا تعاندييييين .. أبدا أبدا
العناد لايودي ولا اييب .. بالعكس..اذا عاندتي رح يعاند اكثر ويفرض رجولته عليج
وبتصير مشكلة!
طيعيه .. ودلعيه وقوليله كلام رقيق بدل العناد والكلام الحاد..وين المشكلة؟؟
.
.
.

أتمنى انكم استفدتو من الموضوع ... للمتزوجات وحتى حق اللي مو متزوجات
مافيها شي اذا تعلمتو وخذيتو فكرة من الحين
ويــــن المشكلة !