الجزء الثالث من مغامرات روودي

روودي ودحيم
واللقاء الاول بالعميد

اليوم : الاثنين
التاريخ: 15\10 \1427
الوقت : 4 عصرا

كنت انا ودحيم جالسين لك نفر لك بالسياره بالحواري

نوع السياره كابرس 92

ابواب بي ام 2005

جنوط اودي 2004

وانا كنت السواق بذاك الوقت

قلت لدحيم ماطفشت انت تراني مليت من الدواره خلنا نطلع للديوانيه نشوف لنا فلم اصرف

قال ياخي لف اخر لفه يمكن نشوف سحليه طالعه بالغلط

قلت له سحليه مين انت وخشتك تطلع بهالوقت مافي الا انا وانت والشمس فوق راسنا

انشوينا بالسياره

الا ونمر على حادث كان الحادث أليم

شاحنه مع فياغرا 2005

قال دحيم الحق الحادث
قلت ايه والله خلنا نشوف عسى ماصار فيه شئ السواق

ونوقف السياره بنص الشاره<<<<<<<<<< يعني فزعه العيال

ونشوف راعي الفياغرا رايح فيها ونقول له سلامات سلامات ماتشوف شر

رد وقاال هااااااااء وث تقول انت

ناظرت فيه الا واسنونه بحظنه وشفايفه اكبر من شفايف عتااااب
قلت لا حووول تعال معنا خلنا نوديك للمستشفى

وادور لك دحيم الا واشوفه جالس يحاول ينتف لك المسجل

قلت يلعن ابو شكلك مو وقته

ونركب الرجال بالسياره ونطير لك
عالمستشفى خليت دحيم فوق التنده ويغلد صوت الاسعاف

واااااااااواواواوواواووواواواااااااااااااوا

وصلنا ودخلنا الرجال

ودخلت معه

اعملوا له خياطه لشفايفه

اما اسنانه الله يعينه عالتركيب

طلعنا من عند الدكتور الا واشوف لك دحيم فاتح لك فمه وسعابيله تقطر

قلت له دحيم دحيم

قال لي ان الرقم الذي طلبته غير موجود حاليا فضلا اتصل عليه في وقت لاحق

قلت له طيب واعطيه كف على مقفاه

قال لي وش فيك خرعتني

قلت له انت الي وش فيك

قال لي ناظر ناظر

قلت وشو قال شوف النيرس القمر

قلت ايه والله

المشكله انا الي ناظرت والرجال الي معنا هو الي داخ وطاح مغشي عليه

صحيناه و اخذناه معنا

في الطريق سألته مين معي قال لي معك عميد البحر الملقب بالعميد

قلت له والنعم والله معك روودي

الا وشو ينط لك دحيم وهو يقووول ياكلك اكل البرشومي ياكلك حبه حبه

قلت له اقول لا يكثر والدلخ هاذا دحيم خويي

قال والنعم فيكم والله

تثلمون والله

مثكورين وماقثرتوا

قلت له المهم هاذا رقمي واذا احتجت اي شئ عطني ألو

قال لي ثار

وصلنا العميد لبيتهم

وحنى راجعين طووول الطريق ودحيم ساكت وماهي على عوايده

قلت له وش فيه القمر ساكت عسى خير

قال اسكت القمر الي شفتها اليوم بالمستشفى

قلت له النيرس

قال لا والله البراده

ايه النيرس وانا وش احكي من الصباح

قلت يعني وش بتسوي انت هي نيرس لا راحت ولا جات

قال لي لازم اتعرف عليها

قلت المهم انا بأروح للبيت اريح واشوفك بكره

قال لي اوكيه


وانا نايم بسابع نومه<<<<<<<<< دائما يقولون كذا ليه ما ادري وهاذا يدل على انك خاش جو بالنوم

الا وجوالي يرن

قلت عسى خير مين مكلمني بذا الوقت

وارفع الجوال الا ويطلع دحيم

قلت هلا عسى ماشر

قال لي رودي انت فيك شئ

قلت لا والله خير وش صاير

قال لي متأكد مافيك شئ

قلت ايه والله مافيني شئ

وش السالفه

قال لي بس افتكرتك مريض وقلت راح اوديك للمستشفى

قلت ليه جازت لك الجلسه فوق التنده وتقليد صوت الاسعاف

قال لي لا والله الي جاز لي النيرس

قلت يلعن ابو الفاضي بس

قال لي تصدق ان كل الربع صاحيين ومافيهم حد مريض

قلت اعنبوا دارك مكلم كل الربع علشان تسعف واحد فيهم والله منت صاحي

قال ايه والله من الي شفته

قلت لك تعوذ من الشيطان وروح نام

قال لي ان شاء الله

صحيت اليوم الثاني

الوقت:10:15

افطرت وطلعت اشوف عيال الحاره

الا اشوفهم متجمعين على بيت دحيم

قلت لا حووول ان شاء الله مافيه الا الخير

رحت عندهم واسأل واحد من العيال وش السالفه

قالوا دحيم تعبان

قلت من جدكم تو كان معي امس

قالوا ايه يقولون تسمم

قلت الله يعين وهو فينه ذا الحينه

قالوا شاله الاسعاف للمستشفى

طلعت له عالمستشفى قلت له سلامات ماتشوف شر

قال الشر مايجيك

قال لي تعال بأقول لك في اذنك

قلت له وشو

قال لي انا متعمد علشان اقابلها

قلت انت صاحي

قال لا من الي شفته

قلت له الله يشفيك

وطلعت من عنده الا بمكالمه من رقم غريب

قلت هلا والله

قال لي الثلام عليكم

قلت له وعليكم السلام مين معي؟

قال لي وث دعوه بثرعه نثيتني؟

قلت والله رقمك ماهو مسجل عندي

قال لي معك العميد

قلت هلا والله وغلا طمني عليك

قال الحمد لله على كل حال احثن من امث

قال لي المهم انت وينك

قلت ابد بالحاره

قال لي خلاث خمث دقايق وانا عندك
قلت لك حياك بأي وقت

شوي الا ب انفينيتي يوقف عند بابنا

قلت وش يبغى هاذا

اكيد يسأل عن مكان قصر الافراح

وينزل النافذه

قال لي هلا رودي اركب الثياره بثرعه

قلت هلا والله بالعميد وانا انواع علامات التعجب والاستفهام فوق راسي

قلت اعنبوا داره هاذا كل انواع السيارت الكشخه عنده

قال لي والله ودي اروح ابيع ثيارتي للتثاليح

قلت له اي سياره

قال لي الي عملت فيها حادث

قلت له ليه هي ماجاها شئ جامد

قال لي لا والله خلاث ماودي فيها

قلت على راحتك

الا و يدق علي دحيم

قلت له وش فيك

قال لي مليت من المستشفى وطلعت النيرس اووف ماتداوم الا بعد كم يوم

قلت له احسن

قال المهم وينك قلت له توني راجع مع العميد من مشوار

قال خلاص مروني

خذنا ايام والعميد صار من اخويانا

بس الصرفيه الان كلها على مخ العميد ماسوت عليه ان حنى سعفناه

وهو مو مصدق ان في حد يتقبل سوالفه

جاء دحيم وقال لي النيرس تداوم اليوم

قلت له وانت مانسيت

قال لا والله لازم اتعرف
قلت طيب وش تبغاني اسوي

قال لي اضربني بلوح

قلت له من جدك قال من جد

قلت طيب

واضربه ضربه على مخه<<<<<<<< مو مصدق لان وده يضرب دحيم من زمان

المشكله ماصار شئ

قال لي بقوه يالدب

قلت له ابشر وطراااااااااااااااااااخ

وينكسر اللوح ويطيح دحيم

خفت ان صار فيه شئ

قلت دحيم دحيم

قال اي الله يلعن شكلك تعور

قلت له وش رايك

قال ماطلع دم قلت له لا قال مافي فايده

قال طيب شوف بأمسك الفيش تبع الكهرباء وهو 220

اذا صعقني شيلني بسرعه اوكيه

قلت له صار

قال يالله وااحد ثنين ثلاثه

ويمسك الفيش

ويويويويوويويويويييويويويويو
قلت له وش تقول

قال

ياياياياياثثووووووور ششششلليييليليلني

ومن الدلاخه مسكت فيه واتكهرب معه

الا وشويه تنطفى الكهربه لان صار فيها اوفر لود و وقف شعر دحيم صار لك افروا وانا سبايكي

ودخل علينا العميد وقال وث فيكم

كذا توكم جايين من الهلويين بارتي

صحصحنا بعد نص ساعه

قال لي دحيم الا اخش المستشفى

قال العميد بثيته

ثوف لك ثاحنه واثدم فيها

قال دحيم فكره والله

بس من وين السياره

قال االعميد لاتثيل هم خذ ثيارتي

قال دحيم خلاص

ويشوف لك شاحنه ويصدم فيها
انشرخ راسه وانكسرت يده
ونقوم ونسعفه

بس هالمره خليت العميد فوق التنده ويقول

وثوثوثوثوثوثوثوث وووووووووووثوثوثوثوثوث

وصلنا للمستشفى

ودخلنا عالدكتور الا النيرس المقصوده موجوده مع الدكتور

قال لي دحيم خلاص انا شفيت
قال الدكتور اعرفكم على زوجتي

هنا دحيم تغيرت ملامح وجهه

وانا اناظر فيه واقول راح الموتر يادحيم قصدي موتر العميد

قال دحيم يلعن ابو الحب وسنينه

قال العميد اخ بث اخ لو اني ماثدمت بذاك اليوم

وهاذه نهايه القصه

تحياتي

روودي