يا حبيب الأمس يا القاسي نعم == أعترف .. غدرك سهومه محرقه

كـل يوم(ن) أشتعل فيها ألــم == وأنتـظـر روحـي لجـسـمـي تفرقه

وانت لا ترحم ولا قلبك رحم == كـل سـاعـه سهم فيني تلحـقـه

كأن قلبك للأسف من صخر صـم == لا يحـس ولا يـراعـي مـوثــقـه

وين وعدك .. وين عهدك والقسم == لو تموت اسم الجفا ما تنطقه

لا حشا والله ما كان العشم == من عطاك القلب بايــدك تــزهـقــه

ما افتهم لي قصدك والله ما افتهم == حـبي العـذري يـهــون وانـت تسـحقـه ؟؟؟!!

بعد انا ما كنت غاليك الاهم == قـبـل زيـنـي شـين شـينـي تعشـقه

من له اشكي وانت خصمى والحكم == وانت مـوتـي والحـيـاه المـشرقـه

يا ظللـوم(ن) ما احد مثلك ظلم == فـي الهوى عـاشـق ولا هـد الثــقـه

شكوتي لـلـه أعدل من حكم == بابه المفتوح ماحد(ن) يـغـلـقــه

ودعـوة المـظـلوم تسـري فى الظلم == حـسـبـي الـلـه كـل ظـالم تحــرقـــه