السلام عليكم ورحمة الله وبركاته

مسجات مجمّعه من كل حدب وصوب..

عسى تعجبكم..واذا بعضها قدييم إعذرووني..

= = = = = = = = = = = =

ضميت طيفك و كنت انت محل الطيف ..
محال انّي أضم الطيف و آضمك ..
لوكان بيني و بينك مثل حد السيف ..
بحط عنقي عـلى حد السيف و آشمك ..
ما ردني عن لقا وجهك شتا أو صيف ..
البرد بعدك و كم كان الدفا يمك ..
و يوم البحر قال انه يشبهك يا حيف ..
له قلت اسكت تأدب و " احتــرم عــمك " ..

¤*¤

يا ليت الزمن يرجع و إلا الليالي تدور ..
و يرجع وقتنا الأول و ننعم في بساطتنا ..
نروح المدرسه بدري و نضحك داخل الطابور ..
نحاول نزعج العالم بروحتنا و جيتنا ..
كـبرنا و صـارت الدنيا تصف أحـزانـنـا بالدور ..
و كلٍ غـارق بـهمّه و بالآخر تشتتـنا ..

¤*¤

جا يودعني يحسبني قد الوداع ..
هو بقى بي حيل حـتى أجمعه ؟ ..
شب في روحي جنون و اندفاع ..
و مدت عروقي يديها تمنعه ..
قـال أحـبـك ،، و ابتدا الغيم اجتماع ..
قـلـت أحـبـك ،، و المطر في أضلعه ..
ترشف عيونه دمــوعي بالتياع ..
و تعطش عيوني و تشرب أدمـعه ..
يوم قفا و انطفـى ذاك الشعاع ..
طـــار قلبي من ضلوعي يتبعه ..
قلبي اللي كل ما يلقاه ضـاع ..
كل ما يغفـى بحضنه روّعــه ..
ويــن أوجــه ؟ كـــل وجهاتي ضياع ؟ ..
كـــل أحاسيسي تـوجهني معــه ..

¤*¤

أحـبك حب صقـار لطيره ..
يعاف النوم لو ريشه تثنـى ..
و أحبك حب شاعر للقصـيده ..
إذا جت ون و إن عيّـت يوّنـى ..
و أحـبك حب فـنان لـفنه ..
عـصر روحه على شانك تغنّـى ..
و أحبك حب هاوي للهوايه ..
قـضى عمره و لا أدرك ما تمـنّـى ..
و أحبك حب من يفـداك عمره ..
فتح قــلبه و خلاك اتحــنى ..

¤*¤

يا وش بقـى باعطيك منّـي و لا جاك ..
ما باقي إلا روحي أحـيا بها لـك ..
أوصف جمالك كل ما أنشدت و أهواك ..
و أزيّـن أيامي بجلسة خيـالك ..
يالغـايب الحاضر بقلبي و لا ألقاك ..
أقـرب من عيـوني و صعـب منالـك ..
شـالك زماني عن عيوني و وداك ..
لا شك وثّـق في ضلـوعي حبالك ..

¤*¤

مـن ويـن ابتـدي ..؟
إحساسي من يمك غريب ..
عندي شعور بحيرتي ..
وتغلبني مره غيـرتي ..
ودي اجي مثل الطفل ..
" أحضنك وأنسى دمعتي " ..
ومـــرات ودي املكك ..
ومـــرات ودي أعشقك ..
ومـــرات ياخذني الــوله ..
" مــن كـل قلبــي أفقـــدك " ..

¤*¤

ما ينسـى يا نسل الأجواد شـرواك ..
و صعـبٍ تجيب البيـض منهـو مثـالك ..
مثلـك مثل تاجـنٍ عـلى الراس مرساك ..
و كل الفخر للراس لا صار شالك ..
يحن قلبي ليا جت طرياك ..
و أكـــره زمـــاني يوم يقطع وصـالك ..

¤*¤

لا يـطول غيابك ثم آخذ عـليك ..
لو تخليت عـنّي عنك قلبي تخـلى ..
العذر و الحكي و التعلل ما نبيه ..
من تحرك فواده بالهـوى ما تغلى ..
طـبـعـي الــــصبر لكن وش عليه أرتجيه ..
من طويل الصبر يعقوب و أيوب مـلا ..
دامني حي عطني وش بقى نحتريـه ..
مـابي دمـوعـك اللي عـقب مـوتــي تهلا ..

¤*¤

بسقيك من نهر الهوى لين تروى ..
و أبخر ثيابك بعطري و أسليك ..
و لا قلت كافي قلت باقي تقهوى ..
و شلون كافي و " تووووفي " اللي تقهويك ؟ ..

¤*¤

اللهم اجعلنا نمشي في روضك ..
و على حبك ندرج ..
و على ذكرك نقعد ..
و على قرآنك نحيى ..
و على شهادتك نمــوت ..
اللهم بارك لنا و لوالدينا في هذا اليوم المبارك ..
و ارحمنا برحمتك يا أرحم الراحمين ..
.. ~ آمـيـن ~ ..

¤*¤

بعض العرب حبي لهم تقضية وقت ..
و بعض العرب حبي لهم حب عادي ..
بعض العرب لاقابلوني تضايقت ..
أهل الخطايا و الكبر و العنادي ..
و بعض العرب لا غاب عنـّي تشوقت ..
شوفه على ما قيل غاية مرادي ..

¤*¤

كانك لقيت اللي يعوضك عنا ..
حنا تعبنا و ما لقينا بديلك ..
كتمت صوتي لين صمتي نطقني ..
اشتقت لك و اللي خلقني اشتـــــقت ..
أبختصر عذب الكلام ..
أبختصر أحلى الشعور ..
أبختصر كل الحروف بكلمتين ..
" ويــن انـــت ؟ " ..

¤*¤

لـو للزمن قلب و ضمير و ذمه ..
ما كان نزل دمعة البكم و الصم ..
يا ليت لي جرحٍ و ينشاف دمه ..
مـيـر البلا من جـرح ما سـال له دم ..
لو كل من صاح أيقظ العدل فمه ..
غديت كـلّي للمظاليم أنا فـم ..

¤*¤

حبيبي يا بحر عيني شواطيها و مرافيها ..
ترفق بي على هونك ذبحني البعد و الحرمان ..
ألا يا مالك روحي و كل نبضه تدق فيها ..
تعال اشفي جروح قلبي و خفف وطاة الأشجان ..

¤*¤

لاكتبت اسمك تزين لي الحروف ..
ولانطقته صارفي لساني حلا
صدق انااحبك ولكن فيني خوف ..
خوف نتفارق بعدذاك الغلا
ولاتقابلنا يسكناالكسوف ..
وضاعت الكلمات مني يالغلا
كانت الكلمات في لساني ألوف ..
ويوم شفتك ماذكرت إلاهـلا

¤*¤

يا من سكنت القلب والقلب مغليك..
يا من لعمري صرت كل الاماني ..
ولعتني بك وصرت أناديك ..
انته حياة الروح وانته حناني..
في قلبي اخفيك وفي عينياراعيك..
دايم على بالي ومنطق لساني ..

¤*¤

لولا أحس بداخل الصدر دقات
ماكنت أصدق أن قلبي محله
أستغفر الله شلون ذا القلب ما مات
وشلون ينبض بعد ما راح خله
آخر مصيبه زادة الطين بلات
فرقا الحبيب اللي له القلب كله
قصة حياتي أصبحت شبه مأسات
قصه حزينه والنهايه ممله

¤*¤

خلني اعيش حبي الوحيد
خلني أحبك من بعيد
حتى لو قلبك,,لغيري تمنحه
حتى لودمعي,,في عيوني تلمحه
خلك سعيد بدنيتك
وأنا سعيد بشوفتك
بس الرجــــا كل الرجــــــــــا
قلب المحب " لا تجرحه

¤*¤

أبسألك ليه انتظر وانا ادرى في حالتي
مالي امل لو انتظر طوووووول العمر
انك تجي وماتحس بلهفتي ولا تمر
ليه انتظر واخفي بعيني عبرتي واختنق
واحاول القى سبب يوم اننا نفترق
ليــــــه الفراق ؟
كان يمكن نوصل لاتفاق ونتفق
كان تعطيني سبب واحد ولا تخليني
احتـــــــــرق

¤*¤

افترقنا وانكسر خاطر وخاطر
وانت قلبك ما رحم قلب عليل
في عيوني كم ألم خافي وظاهر
والرضا في بسمة شفاتك دليل
بالسلامة روح يا خاين وغادر
وين ما حبيت وانويت الرحيل
دام قلبك صار عالنسيان قادر
القدر محد يرده مستحيل

¤*¤

يا كبر فرحة حبيبك يوم جيتيني
أي والله اللي بشوفك زانت أحوالي
أقسم بربي قسم أنك وحشتيني
حولي جماعه وكني قاعد لحالي
من فرحتي فيك ماني مصدقن عيني
هو أنتي وإلا من اللهفه يورالي




عجبتني فامحبيت أبخل فيها على أحد