السلام عليكم ورحمة الله
كيف الحال اخوانى وخواتى
اليوم بقولكم قصتى مع الاخت بنت الشاطي
وانا اعترف انى غلطان
وحبيت انى اعتذر لها اما الجميع والجميع يشهد بانى غلطان وحبيت اعتذر
لانى لحظتها كان ضميري ميت
وقلت اصحح غلطتي وانتو تحكمون
فى يوم من الايام وليس ببعيد
انا اتصلت بالاخت بنت الشاطي
والاخت ما قصرت فيني وردت علي وسلمت ورحبت فيني يوم عرفت انى مضايق وطلبت منها انى اروح لها البيت
وقالت لى حياك الله اخويه تعال بجهز لك الحلوى والقهوه
قلت لها ما يحتاج لانى ما بدخل البيت
لكن عندي طلب واتمنى انج ما ترديني
قالت لى : افا عليك ...... لو تطلب المستحيل بلبي لك فى سبيل انك ما تكون مضايق
قلت لها انا بوصل البيت ويا ريت لو تعطيني صورتج احطها عندي ذكرى
طبعا الاخت ترددت فى البدايه وبعدين بما انها وعدتني انها تسوي اى شي فى سبيل انها تشيل الضيقه مني وافقت ..... لكن بشرط
الشرط هو ان لا احد يشوف الصوره وتظل عندي ذكرى
وانا طلعت نذل وقلت لازم انزل الصوره فى المنتدى عشان الجميع يشوف جمالها الفتان
والحين ابغيكم تحكمون على اللى انا سويته وتحكمون وتعطونى رايكم فى جمالها الباهر واللى ابهرنى لدرجة انى ما قدرت اسوق سيارتى وطول اليوم والليل اطالع فى الصوره حتى نسيت اكل واشرب من كثر ما كنت منبهر فى جمالها
والحين اخليكم مع الصوره
صورة الاخت بنت الشاطي
سامحيني يا بنت الشاطي انى ما كنت عند حسن ظنج وسامحيني انى نزلت صورتج على النت