مرحبا أخواني و خواتي أعضاء االمنتدى.. حبيت اعرضلكم هالقصيده.. طبعا مب من كلماتي لكن أنا يومها كانت نفسيتي تعبانه وايد .. انتو اقروها و ردو على الموضوع... و السبب عقب بخبركم ...

وزعـو ( دعـوات عرسـك ) علـى كــل القـرايـب
وحـددو ( ليلـة زفافـك ) عقـب ( سبعـة ليـالـي )


يا كبـر صدمـة عيونـي !! .. ويـا كثـر الذهايـب !!
ويا كبر حجـم الخسـاره !! .. ويـا كثـر انشغالـي !!

أشهـد ان : فـوايـد العـالـم ؟ لعـالـم مصـايـب ؟
واااااه .. ياحـر المدامـع ؟ لاجــت بـفـراق غـالـي

كنهـم ؟ فـي وقتهـا ! .. علقـوا فـوقـي نصـايـب
أخفي الصدمه عن الناس .. واضحك من هبالـي !

مـادروا شلـي بصـدري ؟؟ مـن سمـوم اللهايــب ؟؟
ومادريـت أنـي معاهـم ؟؟ واحسـب أنـي لحـالـي ؟؟


كيف بنسى ( ضحكتك ) ؟ .. يـوم : تلعـب بالذوايـب ؟
وكيف بنسى ( دمعتك ) ؟ .. يـوم : تشتـاق لوصالـي ؟


كيف بنسى ( نظرتك ) ؟ .. يوم : كـان القلـب ذايـب ؟
وكيف بنسى ( كشرتك ) ؟ .. يـوم : تشـره لأنفعالـي ؟


كيف ابنسى أني ( تعذبت ) ؟ .. يومك : كنـت غايـب ؟
وكيف بنسى أني ( تهنيـت ) ؟ .. يـوم أنـك : قبالـي ؟


كيف بقوى ( جروح فرقـاك ) ؟ .. والفرقـا عطايـب ؟
وكيف بستوعب ! ( وداعك ) ؟ .. وطيفك هو ظلالـي ؟


صدق ؟ من قال : الزمـن لـو صفـى كلـه عجايـب ؟
واااااه ؟ .. من قال : العوض خير ؟؟ .. لو طال انعزالي ؟


من يعوضني ؟؟ عقب روحتك .. و ( القلـب تايـب ) ؟
والله أن ( ما يسكنـه غيـرك ) ؟ .. وبيمـوت خالـي ؟


ماتـصٌـور ؟؟ أنــك لغـيـري تـفٌـل الـذوايـب ؟؟
وما اقدر أتخيـل ؟؟ فـي يـوم أنـك تعاشـر بدالـي ؟؟


أدري أن .. قلبـك .. علـى حسرتـي وفرقـاي رايـب
ولا انا ؟؟ .. ياحـرق كبـدي عليـك ! وبـري حالـي !


ليـت ربـي .. جمٌـع أحبـاب ومـا فٌـرق حبـايـب ؟
ولا ليتـه ؟ .. جــاب لـفـراق محبـوبـي دوالــي


دمعـتـي بالـخـد ! .. ماسـالـت بلـيـا سبـايـب ؟
والله أنهـا مانزلـت كــود عـقـب فــراق غـالـي