الـحــب ورده . . وأشــواك الـورود ذنــوب

وأنا ذنوبك . . اذا ماخاب مقياسي

يـامـن عــذابــه نـصـيـبـي . . وحـظـي المـكـتوب

ليتك تراعي شعوري . . وباسي . . وياسي

لـي قـلـب واحــد . . ولــك يــا زيــن عـشــر قـلــوب

ظلمتني بالغزل . . واتعبت احساسي

ان جـيــت احــبــك يـصــيـــر الـقــلــب كـلـه دروب

وان جـيـت اصــدك . . تـعـبـت صـدودي يـا قــاســي

ما ردني من غرامك لايم(ن) منكوب

وان لامـنــي قـلــت . . لـك نـاسـك ولـي نـاسـي

ما ألوم قلبي بحب الغالي محجوب

حـتـى ولـو هــو كـذوب . . وقـاسـي . . ونـاســي

الحب خلاّه في شروق غروب

ما تـغـرب الشـمـس دامـه بـيـن جــلاّســي

أنا هويته بطيبة خاطر . . ومغصوب

لـو مــا جـابــرنـي الـنـظـر . . تـجـبـرنـي أنـفـاسـي

أزيـنه بـاـشعـر . . ويزيّن لي المكـوب

ذكـره . . ويـامـا بــذكـره هــام كـراسـي

هـو خـلـقـة الحسن ولاّ الحـسـن لـه مـنـســوب ؟!

كـثـر الـتــأمـل بـاسـلـوبـه ذل هــوجـاسـي

ان مــلــت جــنــبــه شـمـال . . يـمـيـل عـنـي جنوب

وان صـرت لأجـلـه شـديــد . . يـنـقـص بـبـاسـي

أنا بلياه يا ناس . . لا ناهب(ن) ولا منهوب

الـلــه يـجــازي الـقــدر . . ولـحــظ الانـعــاســي

ان ما غدالي حبيب . . وصرت له محبوب

حـلـفـت لاحـرق قـصـيـدي . . واعـلـن افــلاسـي

من يوم شفته وحبّه قلبي المغلوب

وأنـا عـلى نــار(ن) مـا يـحـمـلـنـي لـبـاسـي

شدتني الامواج حبه .. والغرام ذنوب

واصــبـحــت غـرقـان مـن سـاسـي الـى راسـي