الله يا فكر(ن) تزايد معاه الهم == أبحر مع الهوجاس لو الناس ملتمّه

أصفق بكفيني بكم(ن) وزايد كم == واقول ليت الحظ جابلي ولد عمّه

غزال(ن)مدّلع لي سقاني بكاس السم == حلو المحيّا زايد(ن) في القلب غمّه

عينين جذّابه ورسمته لي بلسم == حلو المعنّق كله الزين هو ضمّه

واسهر على ذكراه دايم وانا اتمتم == واتخيّل اني ساهر(ن) عنده ويمه

ليته يحن عليّ وبحالتي يرحم == لان فى هواه النفس والروح مهتمه

تتكلم به العربان محشوم ما حد ذم == ولو اني شهيد الحب والله ما اذمّـه