السلام عليكم ورحمة الله وبركاته

السلام عليكم ورحمة الله وبركاته::

منو منكم ما يحب (cinnabon) عرفتوا وش اقصد (السنابون) بصراحة انا امووووت عليه
بس امانه تجربونه تراه سهل وكل اهلكم واقاربكم بيطلبون منكم تسووونه كل مره يدخلون فيه بيتكم ( زبده الكلام )

المقادير:
- 2 كيسة خبز صامولي ( دلتا ) ( وعلى فكرة دلتا احسن شي )
- 1 علبة حليب مركز ( نستله ) كبيرة
- 4 ملاعق اكل (قرفة) او على حسب منتطقتنا الشرقية نقول ( دارسين )
- 4 ملاعق اكل ( حليب مجفف )
- 4 ملاعق أكل سكر
- 4 بيضات
- كأس إلا ربع مـــــــــاء
- كأس إلا ربع زيــت
- شوية فانيللا
- 8 حبات جبن ( كيـــري)


الطريقـــة:

- في الخلاط تضيفون ( القرفة/ الحليب المجفف/ البيض/ الفانيللا/ الزيت/ الماء ) طبعا على حسب المقادير المذكورة سابقاً

وتخلطونهم زين وبعدين تحطون الخلطه في صحن غزير لان الخلطه بتصير سائله مثل الماء

- تاخذون بعدين الخبز الصامولي وتقطعون كل خبزة صامولي (3) اجزاء
وتاخذون كل قطعة وتغمسونه في الخلطة وبعدين تصفونها في صينية زجاج علشان راح تدخل الفرن

- وبعدين تاخذون الخلاط وتحطون فيها الحليب المركز ومعاه الجبن الكيري وينخلط زين في الخلاط

وتصبونه على القطع المغموسه المصفوفه في الصينية وتدخلونه في الفرن لمدة عشرة دقايق وتطلعونه من الفرن وتذوقونه وبالهناء والشفا

ادعوا لي اوكي تراها تجنن امانه تجربونها