سبق واني نزلت موضوع كامل عن تايلاند وتكلمت فيه عن بانكوك وهذا ماجاء في تقريريري

رحلات إلى بانكوك..

يقول أحد زوار بانكوك..

بالنسبة لبانكوك حلوه تريحون يومين فيها اول ماتجون بعدين تنطلقون لشانغ ماي بشمال تايلند عبارة عن طبيعه وجوها حلو امطار وبراد فيها رحلات حلوه وتركبون فوق الفيله وتمشون وسط الغابات والأنهار 000000 الخ
يكفيكم أسبوع
بعد ذلك روح رحلات للأماكن الزينه القريبه من بانكوك مثل الشلالات والحدائق باختلافها للحيوانات وللفراشات وللزهور.....وغيرها كثير..
بالنسبة للأسواق عندهم سوق كبير كله ماركات اسمه (طوكيو) بس انه غالي اشوي
وفي سوق عندهم يفتح بس يوم الأحد "sunday market" شعبي بالمره ورخيص بالمره

بالنسبة للأمن عندهم عمري ماشفت أمن مثل الي شفته عندهم لأنهم حريصون على الأمن والمحافظه على جميع السياح لأن السياحه لو اهتزت ماتو من الجوع.

بالمناسبة لاتنسون شي مهم عندهم بالمره وهو الفواكه ( المانقو + الأناناس ) حلوه ورخيصه بالمره

ملاحظه : اهم شي لاتأكلوا من اللي يبيعون اكل بالعربات
طبعاً فيه عربات تحتوي على ثعابين وعقارب وصراصير وضفادع ودود وكل شي!!

سعر الصرف عندهم ( 100 دولار = 4100 بات ) ممكن ترتفع وتنزل ....

استمتع بشوربتهم العالمية ( توم يام كنج ) و اشرط عليهم أن يكون الفلفل قليلاً و لا تنس الاستاكوزا أكيد رخيص عندهم و أتمنى أن تجد شاورما رائعة مثل شاورما كوانتان الرائعة

ويقول آخر:
انصحك بالآتي ..
عند قدومك لبانكوك وبحكم ان السفريه عائليه .. يفترض بك ان تسكن في (باتوناما بارك) pratunam park يميز هذا السكن عده أمور:
1- لايوجد به مسبح ولا بار ..
2- أنيق ومتميز جداً وكبير
3-يقع في مكان مزدحم جداً بأسواق الملابس والمستلزمات الجميله جداً والرخيصه واسواق متقاربه فيه جداً .. سوق رائع بالفعل
4- يقع على مسافه قريبه من شارع نانا (شارع المطاعم والسكن العربي)
--
في بانكوك اطلب رحلة الألعاب المائية وهذه غالباً تجدها في مراكز السياحه هناك ارخص واحسن .. وعندهم في بانكوك لعبتين مائيتين تبعد عن بانكوك تقريباً ساعه ونص بس ممتعه لا تفوتها

عندك ثلاث فنادق لا تتعداها , الأول شانغريلا , الثاني بنيان تري ,الثالث الأنتركونتننتال...
كلها الثلاثه فخمة ولكل واحد ميزة ...
الأنتركونتننتال هو الأقرب الى الأسواق, بمعني انك اذا سكنت فيه راح توفر مصاريف التكاسي (على فكرة التكاسي جدا رخيصة ومكيفة والمشاوير عادة تكون بحدود 5 ريال الى 10 ريال كحد اقصى).
شانغريلا يتميز بفخامته وروعته , وهو يطل على النهر وخصوصا اذا اخذت غرفة تطل على النهر (اعتقد اغلب الغرف فيها بلكونات )....وعموما الفندق مو بعيد كثير عن الاسواق يعني ابو عشر دقايق...
ثالثا بنيان تري هذا الفندق عباره عن اجنحة ولاتوجد غرف ,يتميز بالفخامة والروعة واغلب روادة عوائل (كل الثلاث فنادق اغلبها للعوائل ورجال الاعمال) .عيب الفندق انه غالي شوي , يعني ممكن يكون سعره بحدود 125 دولار الليلة...
يوجد في هذا الفندق مطعم في الدور الأخير (الدور 61 ) وهذا المطعم مذهل...حيث انه مكشوف وفوقك السما على طوول ...واذا ماسكنت في الفندق على الاقل لاتترك فرصة المرور على هذا المطعم...

نصائح من مجربين أتمنى تكون أفادتكم..
ورحله سعيده..

__________________
تسلم أفكارك لنا ياحور الشارقه والي يروح لهناك يجيب لي عود ودهن عود