أبيع عمري بالدقايق والثواني

وأشتري قربك

لأن العمر بدونك فاني

,إن ماعصيت قلبي بمحبتك
قلبي بحبك عصاني..

وإن التاع بصبرك

بيصبر لجلك عمر

لو انكتب له معاك عمر ثاني

بيذوق مرك

بيتحدى زمانك

وبنبضه يخط"أحبك "لو كان يعاني..

----------------------------------

رضيت بكل شي لجل عينك

حتى لو يمسحون اسمي

ويضيفوني لعناوينك

بس أفهم أسباب صدك وحنينك

قساك ولينك

و ورود تزهر

و ورود تذبل في بساتينك

والقلب منشغل فيك

مع كل نبضة يسألأ وينك؟؟

اللي يعين قلبي وقلوب كل محبينك..

----------------------------


جيتك بنسا جرح مضى

وحط قلب بيدك

ارتاح لقلبك ومارفضه

جيتك بسمع نبض قلبك

وأعرف وش مطلبه

تدلل تأمر طلبك ما ارفضه

لو طلبت قمر ونجوم

أصير لك قمر ونجوم وفضا..

--------------------------

قلبي لك ديرة

لو كنت عنها مسافر

أو لها هاجر

وان غبت عنها اليوم بيترجع لها باجر

يعني لي متى بتسافر؟

او لي متى بتهاجر؟

مثل الطير مهما بعد أشهر أعوام لعشه مايهاجر!!

---------------------------------

لو خاني النظر

وفقدت البصر

بسمعي أسمع صوتك صداه واتبع الأثر

وخاني السمع بعد البصر

أتنفس عطر

أتنفس أنفاسك اللي أحلى من مسك وعنبر

لو خانتني حواسي

قلبي مايخوني أو يخونك يا أغلى البشر

معقولة بينسى اللي فيه إنأسر!

-------------------

كل الناس لها مكان بقلبي

لكن أنت لك القلب كله

وان بدلتك فيه وربي

ما اندم لو بتعيش مكانه العمر كله

وليش أندم دامك حبيب قلبي

وسيده وخله..

---------------------------

تدري يوم أوصفك أتضايق

أحس إني قصرت بوصفك

أو ساويتك فباقي الخلايق

وإنت عنهم بكل شي فايق

ووماطيبك طيب معدنك

ماكنت أنا لوصلك لحبك شفايق

ألا يارمش سليل سلني

وريح المسك منك عابق

حبيبي

إنت الحلا

والحلا عنك بشي أبد موفارق!!

--------------------------

ضما قلبي من شوقه

ولا من وصلت رجع عطشان

وجف نهر دمعي يوم بكيتك

ولا من شفتك سال من كثر ما أنا ولهان

أشقيت نفسي قلبي عيني يوم هويتك

لعن أبو قلب(ن) حبك وما خان

لا تحسه ضعف يوم رجيتك ولا شكيتك

ولا احسبه"أحبك" وبحبك ما همني أي كان..

-------------------------------

لو الغلا غلاة فلوس

بعت كل يوم فعمري

وشريتك بثمنه

بس الغلا غلاة نفوس

واغـــــــلـــــــيك

بكل نفس أتنفسه!!

---------------------

كل ما أذكرك

ترتسم على الشفة بسمة

تسكن وسط محجري دمعة

كل ما أبعثرك

في خيالي أوراقي

تبعثرت كلمة احبك في ورقة

كل ما أذكر بعادك

تشتعل في صدري آه نار وحرقة

كل مانويت بنسيانك

طيفك رجعني ليوم اللقا والفرقا


--------------------------

شيل عنك أفكارك وظنونك

من يستاهل لجل عينه اخونك!!

حبك بقلبي ساكن

والناس عليه يحسدونك

طيفك بعيني وجفني ورموشي
كل لحظة يضمونك

لا تسمع حجي من قال غايته

بحبنا يعذلوني ويعذلونك

حبيبي ألحف لك بالرب والقرآن أبد ماأخونك..

---------------------------------

مات حبك داخلي وأنا حي

وأعلنت سما حبنا كسوفك

وشمس حبنا ضي

ما راح أنتظر ياقاسي حسوفك

خلك على قرارك الأولي

حسبي عليك شتتني ضيعتني

ودفنتني بقبر وأنا حي!!

----------------

مهما بان لك من حبي قليل

وربي شاهد علي

وحزني بفرقاك هو الدليل

لاتقسي علي

ارفق بقلبي ترى قلبي عليل

ارح قلب شرى حبك شراك

حتى لو بوصلك بخيل!!

---------------------
لو للحب أسباب

كنت بذكرها وبدون عدد

لو بعدها و أكتبها بكتاب

تتوقع سبب حبك أي عدد؟!

---------------------------

بكلامي احبك وبصمتي أحبك

ولو عجر لساني عن الكلام

قلبي ماينبض إلا

(بحبك)!!

-----------------------

لا تحسب حبي لك بيزول ماهو باقي..

حبي لك بيبقى لو بصدي وفراقي

حبي لك حقيقة موكلمة أزين فيها أوراقي..

حبي لك صادق وخالص من أعماقي

والدليل لهفتي و أشواقي..

------------------

لو ما تعتذر

تنعذر

بس ليتك تعرف بقلبي غلاك وش كثر

لو ماتعتذر

تنعذر

واحفر لك الأرض من الميل للشبر

واخلق لك بدال العذر مليون عذر

بس تعرف إنك أغلى البشر