أتعب يا روحي اذا ما شافتك عيني

على بعادك حبيبي ماني بقادر

مهما تباعد طيوفي لك توديني

موجود على البال غايب كنت او حاضر

دموع عيني على فعلك تعزّيني

وانا ضحيّة هجوم عيونك المسافر

أسهر أراقب خيالي منك ياتيني

من كثر ما أسهر أنا سمّوني الساهر

في غفوة الخلق يوم الناس ساليني

جالس أداعب خفايا حلمي الباهر

أتخيّلك وانت يا روحي تناديني

وان كنت جالس أفّــز واقولك امــر

اسكن بقلبي دخيلك لا تخليني

من عقبك أضـيـع وانته سلوة الخاطر

بنات ها الكون عنّك ما تسليني

وان رحت عني أخلّي الكون وأهـاجـر

مالي حياتن بدونك لو تجافيني

في عيشتن عقبكم ما عاد لي خاطر

يظل حلمي ولو صدفه تلاقيني

وان مر يومي أقـول الـلـــه يا ســاتــر

عساه خير السعد منك ياتيني

اليوم مرّت وعدتني بنتظر بـاكـر

يا روح روحي وعمري وكل ما فيني

والـلـــه أحبــك حبيبي وارحم الشـاعــر