في وصف رحله مع صديقي ابو ماجد .. الى جزيرة هاواي .

تخط الحروف ... ابيات شـعر... لها مضمون
مضامينها مـــرت وانا اقلب اوراقي
حكاية سفر .. لو كانوا اهـل القصص يحكــون
تفاصيلهـــا .. تملا ملفيـــن علاقـــي
لو ان العرب .. عمـا جــرى بالســفر يدرون
يشــيلون عنـا .. فكرة (المستوى الراقي)
اطـــاوع رفيقي بالمشوره .. واقول : يمون !
وخليتنا .. مع فرة الشيب .. عشـاقـي
تجننت انا وياك .. يــوم الجنــون فنـــون
انا اعقلك .. وانته تخرب لي اخلاقـي
ســقاك الحيا .. (هاواي) من ديــرة بالعون
لهــا .. منزل محفوظ في داخل اعماقي
وعسى الله يعيدك رحلة .. شيخهــا (فرعون)
تفــوق على فرعون .. لــو نذكر الباقي
معك يا رفيقي .. للسفر ... صـار طعم ولون
وعيبك وحيد .. انك على الطيب .. سباقي !!