عندي مداخلة ممكن!!؟؟
طيب

إذا هو زي ماقلتي يحب الكهرب والكهرب فقط
فما عليك إلا تمرين على ساكو على طريق خريص إذا بالرياض وإذا غير الرياض شوفي أي محل لهم ولا لغيرهم متخصص
راح تمسكين راسك من المزايا اللي فيها

يعني واحد حالاتي رحت باخذ لي دريل كهربائي على الشاحن حق البيت يعني ... تحسفت أن ماعندي فلوس

كان ودي أشتري المحل بكبره

لأني توني مخلص البيت حقنا ومتأثر شوي بالكهرباء والأدوات الصحية والنجارة والأثاث والديكور وشغلات البيت بشكل عام

عموماً إذا هو كهرب فقط .. معناتها فيه أدوات وقطاعات كهربائية تستعمل بشكل فني وسعرها بحدود الميتين لأنها لكل أسلاك الكهرب والتلفون وحتى كيابل النت

وإذا ممكن غير الكهرب بقول لك نفس الدريل الي انا اشتريته لأني ماتحسفت بقيمته 850ريال .. يخدم كل زاوية بالبيت .. مو حفر وبس ربط وتركيب ومقاسات وعده خيالية من ماركة Bosh

وإذا إلكترونيات - كهرباء صغيرة ومعقدة - خوذي له لحام بارد مع أسيامه بعد (اللي يلحم فيها) اللي هو حق الدوائر الالكترونية
أنا شخصيا أستخدمه من فترة لفترة للريموت كنترول وتجاربي العاديه وحتى الربط بين كل الالكترونيات والأسلاك وبعض الاسلاك بالأجهزة
يخدم كثير الي يحبون هالنوع

ياليت كنتي وضحتي لنا هوايته
عشان أدخلك بقلبه عرض وياخذ له عقدتين بعد (تفحيط يعني)


وإذا على الشي الرومانسي
ماظن شي أحلى من الكلام الصادق
يطلع من قلبك ويدخل بقلبه مع نص هديه - حتى لوكانت وردة حمرا بـ 3 ريال - أحياناً لها وقع بالنفس خيالي
وغيري ماقصر بالإفادة من قبل


أخوك عبدالله