((الجزء الثاني))
><الساعه 4 الفجر ><
تقلب احمد في فراشه وهو يحس بجسمه متشنج لكنه يحس براحه احسن من امس ..
هو مو متذكر الي صار له زين ..بس يذكر ان سعاد كانت عنده ماسكه يده وتكلمه وتبكي وكانت حاطه شي على راسه ..شكله يهلوس
لمس جبهته لقى عليها كماده
عقد حواجبه شكله انهبل والله العالم ..
وقف ومشى للحمام ياخذ شاور ...ناظر بجرحه لقاه مضمد ضماده جديده
"ماشاء الله على هالمستوصف ضمادتهم زينه "
نزلها ولقى الجرح ناشف وخاف ماعاد يحس فيه ..
اخذ شاور .. وطلع من الحمام ..
طاير من عيونه النوم وماله نفس ينام شبعان ..لبس ملابسه وجلس بسريره يفكر
وش تسوي الحين ..اكيد نايمه او سهرانه مع رنا !!
وهو يكويه شوقه لها ويموته ويحييه باليوم الف مره
تذكر كلامها له واتهامها بخيانته ...لها
يوم الملكه
تربع على السرير وحط يدينه تحت وجهه يفكر من كان يكلم ياترى ومن الي قال له هالكلام ..
من من ؟؟؟؟؟؟؟؟؟
جلس يمكن عشر دقايق يسترجع الذكريات ..الا ويتذكر
تهاني ....
كان يكلم تهاني ..
وقف بسرعه وراح لغرفة رنا ....
وهو بالطريق لقاها جايه من تحت ومعها عصير وشبس
قالت بابتسامه :-هلا حمودي سلامات
كان احمد مشغول البال قال بسرعه :-الله يسلمك
قالت رنا :-تعال في فيلم لتوم كروز جديد خلنا نشوفه اعرفك تحب افلام الاكشن
احمد :- رنو بسالك عن شي اعرف ذاكرتك ماشاء الله اصليه
رنا :-ههههههههههههههههه اسال
قال احمد وهو يجلس :-تذكرين تهاني متى كلمتني
رنو :-هههههههههههههههههههه اي مكالمه من مكالماتها افتح جوالك الحين تلقى فيه مليون مكالمه لها
احمد وهو يبتسم :-دايم عجله خليني احكي
رنو (وهي تحط يدها على فمها) :- تفضل
احمد :-يوم درت اني بملك على سعاد العام قبل ملكتي بكم
استغربت رنا سؤاله بس مو اكثر من استغرابها بحالته هو وسعاد يحبون بعض بس يكابرون والدليل ملكتهم الي انلغت العام
ابتسمت وقالت :-كلمتك يوم كنت في بيت عمي ليلة ملكتك
تغير لون وجهه وما انتبهت رنا
قالت :-سمعتك وانت تحاكي ابوي وتقول له انك بتروح تجلس مع سعود وتشوفون جدول يوم الملكه وتهاني كنا مخبين عليها هالخبر لانها بتصجنا من الصياح بس هي سمعتكم لانها كانت تبيك تجيب لها وجبه من ماكدونالدز وفكت علينا مناحه وبالاخير خلاها ابوي تكلمك والحمد لله هدت وقالت انك قلت انها حبيبتك ومتربعه على قلبك ومن هالخرابيط
---------- كانت سعاد واقفه عند باب غرفة احمد الي نامت فيها بدون ما تدري لانها كانت بجنبه طول الوقت خوفها عليه منعها تتركه وسمعت كل شي انقال --------------
الا وبطيحتها على الارض
صرخت رنا ورمت عصيرها والي بيدها :-سعاد
التفت احمد بسرعه وشافها طايحه مغمى عليها بغت تجيه سكته قلبيه من الخوف ركض لها وجلس جنبها
قال بخوف :-سعاد حبيبتي اصحي تكفين
رفعها ودخلها الغرفه
قال لرنا :-جيبي مويه بارده بسرعه
مسك يدها وجلس يحاكيها ويمسح وجهها بيده :-سعاد حبيبتي اصحي شفيك
وبعد شوي صحت سعاد
ماصدق احمد انها فاقت قال لها وهو يحمد ربه :-طيحتي قلبي ياشيخه
نزلت عيونها ماعاد لها وجه تقابله ماتستاهله مظلوووووووووووووووووم كان وهي الي كانت ظالمته ، كان وفي يحبها من جده يحبها بس هي كانت انانيه سطحيه وهو كان كثير عليها
دخلت رنا ورحمتها من هالضغط ..مسكها احمد وشربها المويه ..
قالت رنا :-بسم الله عليك يا سعوده هذا كله بسبب الارهاق ومقابلتك لاحمد 12 ساعه متواصله لانوم ولا اكل ولا جلوس مثل خلق الله ولاشي
ناظرها احمد بقوه اجل ماكان يهلوس وفعلا هي كانت معه ..وكانت ترعاه
بس ليه ...
بعد ظنها فيه بيكون في قلبها له شعور ..باقي
انتبهت لنظراته اما رنا فطلعت من الغرفه مالها داعي قطة الوجه ههههههههه
قال احمد :-اجل انتي كنتي موجوده وانا ما اهلوس
عدلت جلستها وقالت :- احمد بقول لك كلمه
احمد :-كلمه
هزت راسها
ناظرته بعيون فيها دموع لمحة بصر الا وهي نازله
سعاد :-طلقني
انصدم :-هاه
وقفت وهي دايخه :-طلقني
عصب هذا جزاه
قال وهو يوقف ويناظرها وبعيونه وجوفه ناااااااااااار:-قلت لك انا طلاق ما اطلق
مسكها مع يدها وجلسها :-انتي نامي الحين وبكره نتفاهم
كانت من جد هلكانه ودايخه ..
سمعت كلامه لان مافيها حيل للنقاشات وخصوصا مع احمد
دخلت الفراش واول ماحطت راسها على المخده نامت ..
غطاها احمد ..
وراح ثم جلس على الكرسي الي مقابل لها ...
فكر "شلون اطلقها انهبلت هذي ؟؟ ماتدري انها حياته"
،
،
*
،
،
في نفس الوقت -------->>
>في غرفة دانه <
قالت هنادي :- دندون صح ما قلتيلي شصار اليوم بالمطبخ
اكتئبت دانه (قالت بهمس عشان ماتصحي راكان النايم ) :-عساها الماحي تخيلي ماصدقت خبر اروح مع امي الا وهي رايحه للمطبخ ركض
هنادي (حاقده من قلب ) :-يامثبت العقل والدين
دانه (كانت ماسكه سلك التلفون وتلويه على اصبعها وتتخيله رقبة سوير) :-كانت تقول له احبك والحب يعمي
طلعت عيون هنادي وكأن دانه تشوفهم قالت هنادي وهي متنرفزه :-ياويلي فضيحه وش قال لها
دانه (ضحكت بشماته) :-قال لها عساك العمى الي يعميك
استانست هنادي :- ههههههههههههههههههههههه يبيله حبة راس على هالرد
دانه (اشتغلت الغيره ) :- احمممممممممممم
فهمت هنادي قصدها :-هههههههههههههههههههههههههه لاحول محد بريء عندك
دانه :-ههههههههههههههههههههه ايه محدن بريء
تحمست هنادي :-هاه وش قال رجلك لها بعد
دانه (تعرف سوالف هنادي المفضله ) :-هههههههههههههه قال لها انا متزوج واحب زوجتي موت ومالغيرها مكان ابد وبالذات انتي حطيها في راسك للابد وياليت لو ماعاد تطبين هالبيت ابد ومادامني حي
ماتت هنادي من الوناسه :-هههههههههههههههههههههههههههه كرشها من البيت فديته والله
دانه :- احممممممممممممممم
هنادي :-هههههههههههههههههههههههههههه فهمنا طيب وانتي وش سويتي لها
دانه (بعد ماراح تاثير الصددمه استانست بعمرها يوم كفخت ساره "فيها حره من يوم عرسها واخيرا طلعتها" ) :-عطيتها ذاك الكف
انهبلت هنادي :-كفففففففففففففففف
دانه :-هههههههههههههههههههههههه تخيلي
هنادي :-اخس اخس والله وما انتي بسهله
دانه :-اعجبك هههههههههههههههههههه
هنادي :-طيب ليش كف انا اعرفك ماتحبين العنف ابد اكيد مسويه شي كايد
يوم تذكرت دانه ان ساره لمست راكان لمس حتى لو كم ثوبه ولعت نيران الغيره
قالت بحقد :-تخيلي ياهندود بس تخيلي تجرأت تمسكه
هنادي صررررررررررخت من الصدمه :- هااااااااااااااااااااااااااااااااااااااا
سدت دانه سماعة التلفون بيدها :-قصري حسك صحيتي البيت
تخبلت هنادي (ماتنلام) :-دانه تلوميني هذذذذذذذذذذذذذذي فضيحه
دانه :-عارفه
قالت هنادي بقهر :-ياليتك واطيه على رقبتها
دانه :-والله تمنيت هالشي بس لي برستيجي
هنادي :-ههههههههههههههه اموت في البرستيج واهله
دانه :-ههههههههههههههههههه خبله
هنادي :-هههههههههههههههه ماعليك زود
دانه :-من جد لما افكر في موقفي اليوم اتعجب من نفسي ماتوقعت هالشي يجي مني
هنادي :-شوفي قلبي انتي مريتي بتجربه شينه والحمد لله طلعتي منها واستفدتي اشياء مهمه منها الاراده والقوه انتي تدافعين عن حقك عن زوجك انتي فيك قوه عجيببببببببببببببببه ماتطلع الا بوقت الشده
دانه :-صدقتي
سكتت هنادي فجأه ...
عرفت دانه ان هنادي فيها شي
دانه :-هنادي شفيك
هنادي (كانت من قلب مكتئبه ) :- مدري دندون بس اووووووووووف هالنوف ما ادانيها
غمضت دانه عيونها من القهر :-الشكوى لله لازم تتحملين خصوصا وانها بتسكن معك
هنادي :-سكنها جني ان شاء الله
دانه :-آآآآآآآآآمين
هنادي :- من جد ودي اموتها
دانه :-كلنا نفس هالشعور الماس وسعود مايستاهلون هالمصايب
هنادي :- اخ يادانه لو تشوفينه تقولين بيعدمونه لا والعرس بعد اسبوعين
سالت دمعه من عيون دانه وقالت :- حسبي الله عليها الله لايهنيها
قالت هنادي بقهر :- لا وابوي معطيني انا ومنال بطاقة اعتماده يقول اشترن فساتين للعرس بالقيمه الي تبغن
انبطت كبد دانه من عمها فرحان هو ووجهه
قالت هنادي :-يارررررررررربي امي تقنع في ابوي يكون العرس للرجال بس
دانه :-وش قال
هنادي :- مدري للان تحاول فيه
دانه :-يارب يوافق لانه ان ماوافق تورطنا ولازم نحضر عشان ما ننفضح قدام الناس
هنادي :-معك حق يارب يوافق
قالت دانه تبي تونس عمرها وعمر هنادي :- يالله على الاقل زواج فهد ورنا شي يونس
استانست هنادي :-فديتهم كلهم ونااااااااااااااااسه اليوم رحنا وشفنا بيته جناااااااااااان والاثاث على وصول
دانه :- هههههههههههههههههههههه ماشاء الله عليه فهود متحمس
هنادي :- هههههههههههههههههه الله يوفقهم
دانه :-يارب ، سبحان الله هنوده اختين من بطن واحد لكن الطبايع فرق الارض عن السماء
هنادي :-صادقه دندون الشي الي يبكي ويضحك بنفس الوقت ان امي متحمسه موت لزواج فهد ومتكدره من زواج سعود ولا اهتمت به مثل سعود ،ابوي شوي ويقطع شعره لان الغرفه حقت جناح الشينه محدن فكر يشريه وغرفة جناح الماس واثاثها كله وصل
دانه (مقهوره شوي في وصف شعورها) :- اخخخخخخخخخ ياقلبي عمي من جد وش اقول ---------
حزنت هنادي :- ولو بعد مليوووووون سنه تفكير كبارنا ماراح يدخل مزاجي
دانه :- ياويلي عنك ياسعود
دمعت هنادي وقالت من جد :-اه يا دانه سعود كسيررررررررررررررررر
شهقت دانه وبكت غصب عنها
بكت هنادي معها
قالت هنادي من بين دموعها وهي تدور مناديل في درجها :-لا وامها بتجي تحط ملابسها في جناحها قبل العرس بكم يوم بموووووتها لاشفتها ان ما فزع لي سلطان وطلعني من البيت
دانه :-مانبي فضايح هنادي الله يخليك
هنادي :-هذا الي قاهرني يعني لازم انطم
ناظرت دانه في الساعه وقالت :- هنوده انتي فالتها وماعليك مسؤليات وانا بنت متزوجه
هنادي :-هههههههههههههههههههه يعني اضف خشتي
دانه :-سبحان الله محدن يفهمني غيرك
هنادي :-ههههههههههههههههههههه فالحه افهمك بالتصريفات بس
دانه :- ههههههههههههههههههههههه فديتك والله
هنادي (تستهبل عشان تخفف احباطها بسبب زواج سعود) -حمرت خدودي
دانه :-ههههههههههههههههه بالحيل
هنادي :-ههههههههههههههه يالله تامرين بشي
دانه :-سلامتك
هنادي :-الله يسلمك
&