سعاد راحت
ومابقي منها الا عطرها ..مكان جلوسها .. وصدى ضحكاتها يتردد في كل مكان
قالت نوف وهي تحاول تكون عادي :-ياهلا وغلا بحمودي
احمد وهو يبتسم :-اهلين نويف
نوف :-احط الغداء
احمد وهو يرمي جواله على الطاوله :-مالي نفس
قالت رنا بدلع :-حتى ورنو هنا
استانس احمد يوم سمع صوتها :-رنوووووووو
ركضت رنا لحضنه :-ياقلب رنو كيفك ياالغلا
احمد مو مصدق عيونه :-متى جيتي من الشرقيه
رنا بابتسامه :-من زمان
نوف وهي تتنحنح :-نحنا هونا
احمــــد بابتسامه:-كلكن عينتين براس
قالت رنا :-لازم تتغدى معنا ولا ماتغديت
قالت نوف وهي تغمز له :-ان ماتغدت ذبحنا فهد لانا جوعنا ولده
ثواني مااستوعب احمد والتفت لرنا بذهول :-انتي حامل
رنا حمر وجهها :-ههههههه ايه تخيل
ناظرها احمد من فوق لتحت :-انتي يالصغنونه بتصيرين ام هههه صدق من يتخيل
نوف :-ههههههههههه سبحانه
رنا وهي تحط يدها على خصرها:-تتمهزون فينا من زينكم
احمد :-لا والي يرحم والدينك فكينا لايدري رجلك
البنات :-ههههههههه
تغيرت ملامح احمد نوعآ وباين ان ضحكه زيف وخداع ...
قالت نوف وهي تغمز لرنا تلحقها :-بنحط الغداء الحين اوكي
احمد :-زين انا بآخذ شاور سريع اجل
نوف :-اوكي
وراحن للمطبخ قالت رنا وهي تمسح دموعها الي نزلت بسرعه يوم غاب عن عينها :-ياويل قلبي يانوف ماني متخيله الي شفته هذا اخوي احمد ... صاير عظم على جلد ووجهه فقد نوره
ماقدرت تتحمل نوف دموع اختها وجلست تبكي معها ...
آخر شي قالت رنا :-خلاص نوف لايجي ويشوفنا قالباتها مناحه هو مو ناقص..
نوف وهي تمسح دموعها :-معك حق احمد مو ناقص !
×
×
________________________________________
>>>بيت محمد
قالت ام محمد لولدها :-يمه زواج اختك بعد رمضان على طول لكن ظروف الجماعه ماتساعد ان قال لك خالد انه بياجل العرس لاتتردد
محمد :-افا عليك يمه ولدك رجال ولد رجال ومايهون علي افرح وغيري مكسور الخاطر
ابتسمت امه وبانت تجاعيد وجهها الي انهكه المرض والتعب :-عارفه يمه انك تعرف دروب الرجال لايلحقك شك
محمد :-الله لايحرمني منك يالغاليه
امه بحزن :-محدن دايم لاحد يمه الله يخليك لاختك يارب
تضايق محمد :-يمه عن هالكلام الي يضيق الخلق
امه :-هذا حق يمه علينا
من جده تضايق :-يمه غيري السيره ضاق صدري
ابتسمت امه :-طيب شصار بموضوعك
محمد وهو مو فاهم :-أي موضوع
امه :-موضوع خطبتك من المزيونه ذيك هي شسمها
محمد :-هههههههه هنادي يمه
ابتسمت :-طيب شصار بالموضوع
محمد بضيق من حضه النحس :-انتي ناسيه ان الي صار لها الحادث هي اختها الكبيره
ام محمد وهي تتذكر :-الا ذكرت الله يكون بعون المسلمين
محمد من قلب :-آمين
امه :-يعني بتنتظر
محمد وهو يتنهد :-ابيها يمه ومابي غيرها بنتظر وبشوف اخرها
امها :-الله ينولك الي ببالك يمه
محمد :-آمين (تذكر) الا وين الاخت ايمان
امه :-هههههههه تكلم خالد
محمد :-هههههههه ماصارت مكالمات بروح اخرب عليها
امه :-ههههههههه حرام عليك خلها تتهنى بحياتها
محمد (يستهبل) :-ما قلت شي بس بروح احرق دمها شوي
امه :--هههههههه هذا بلا ابوك ياعقاب
محمد :-هههههههههههههههه
وقف محمد وراح يشوف اخته الي مختفيه ..
×
قالت ايمان لخالد :-كيف الاوضاع عندكم بالعايله
قال خالد بضيق :-لايسر لاعدو ولاصديق
ايمان بحنان :-الله يكون بالعون ماحضروا ملكتنا صح
خالد بحزن :-يوم ملكتنا كانوا بدبي يقضون شهر العسل
حزنت ايمان :-ياقلبي تووووها عروس
خالد :-الله يعين بس
ايمان :-لازم تقف مع ولد عمك في محنته
خالد :-مافيه شك ولو ان دواماتي مو مخليتني ارتاح ولا اشوف احد
ايمان :-يهونها الله
خالد :-يااااااااااااارب الا كيف عمتي وكيف محمد
ايمان وهي تناظر الباب :-ههههههههههه بخير وبدت حركات الاخوان شف محمد واقف على راسي
محمد :-لا والله وتحش فيني وانا واقف
خالد :-هههههههههههههه ياحليله من زمان عنه ابو نسب هاتيه اكلمه
قالت ايمان :-خالد يبي يكلمك
محمد وهو ياخذ الجوال :-ياهلااااااا بالنسيب
خالد :-ههههههههههههههههه هلا وغلا ببو نسب شخبارك كيف الحال
محمد :-بخير عساك بخير انت شخبارك وش علوم الاهل
خالد :-الحمد لله كلهم بخير
محمد :-شخبار احمد وزوجته
خالد بضيق :-الله يكون بعونه زوجته راحت فغيبوبه مايندرى متى تصحى منها
محمد تضايق :-الله يعين المسلمين
خالد :-آمين يالله يبو نسب تامر بشي
محمد:-ابيك سالم وسلم على الوالد
خالد :-يبلغ يالله سلمني على امونتي ازين شي صار لي منك
محمد :-هههههههه لا ياقليل الخاتمه خذ كلم المدام لا اتهاوش معك
خالد :-يكون احسن هههههههههههه سلام
مد الجوال على اخته وطلع من الغرفـه ضايقه اخلاقه نوعآ ما
*
*