بيت ابو سعود
نادت ام سعود :-يا هناااااااااادي
نزلت نوف من الدرج :-سمي عمه تبغين شي
ام سعود :-سلامتك يمه بس الشغاله عساها البلا حايسه المطبخ فوق تحت
نوف :-انا بروح اساعدها
ام سعود :-انتي حامل شلون تساعدينها تعب عليك
ارتبكت نوف وتذكرت انها قايله لام سعود انها حامل :-هااااه ايه ياعمه انا بساعدها ماراح اموت من الشغل
نزلت هنادي :-هلا يمه ناديتيني
امها :-ايه روحي ساعدي الشغاله بتجهيز الفطور
هنادي :-ابشري يمه
وعندت نوف وراحت للمطبخ معها
طبعا هنادي للان ماتطيق نوف رغم انها لاحظت تحسن كبير باخلاقها لكن سبحان الله صعب الشعور الاولى يزول ..
قالت هنادي وهي تحاول اكون وديه معها عشان سعود ع الاقل ك-نوف تعرفين تلفين السمبوسه
انصدمت نوف هنادي تحاكيها شخصيا لا وبلهجه وديه :-ايه اعرف
هنادي :-طيب لفيها وانا بصلح البيتزا
نوف بفرح :-ان شاء الله
الا وابو سعود ينادي هنادي :-ســـــم يبه جايه
مسحت يدينها وطلعت من المطبخ تركض ...
كانت الشغاله بالطرف الثاني من المطبخ ترتب مقاضي البيت بالمستودع حاولت تشيل كرتون كبير وماقدرت لانها ضعيفه ...تركت نوف الي بيدها وراحت تساعدها ..
حاولت تعترض الشغاله لكن نوف ماعطتها وجه ساعدتها وشالت معها الكرتون الكبير لا وباقي الاغراض بعد ..
حست بظهرها يعورها لكنها طنشت ...دخلت هنادي المطبخ بعد ربع ساعه ولقت نوف بتخلص شغلها لكن وجهها ما ينتفسر
وقفت نوف وقالت والام ظهرها تزيد :-هنادي قضيت من لف السمبوسه بطلع اريح شوي وبرجع
هنادي :-براحتك
نوف :-بحطها بالثلاجه اوكي
هنادي :-يكون احسن
وصلت نوف لباب المطبخ وخمها الم ببطنها ماينوصف لاحظت هنادي ان نوف مو بخير :-نوف فيك شي !
كابرت نوف :-لا مافيني شي
وطلعت بسرعه .....
كملت هنادي شغلها وجت منال تساعدها ....
دخلت نوف غرفتها وبطنها شاب عليها نار والالام كل مالها تزيد ..
ماقدرت تتحمل اكثر ودقت على سعود ..بالعمل
ناظر سعود بالرقم غريبه نوف تدق عليه :-الو
نوف بالم وهي تبكي :-سعود الحقني بموت
سعود بخوف :-شفيك يابنت
صرخت :-الحقني بموووووووووووووووت
وقف سعود بسرعه وطلع من مكتبه وهو مرتبش ..
كانت هنادي سرحانه بالمطبخ والماس تكلمها وماهي معها
الماس :-هنوده الي ماخذ عقلك
هنادي :-هههههههههههه مره ماخذه
منال :-علامك سرحانه شفيك مو العاده
هنادي بتفكير :-بنات انا حاسه ان نوف فيها شي
منال :-شي ايش ؟
هنادي :-مدري كانت تساعدني بالمطبخ ورحت ورجعت لقيتها مخلصه شغلها ووجهها مشحب
الماس :-يمكن فيها نوم
هنادي :-مدري قلبي مو متطمن
منال بدون اهتمام :-على بالي عندك سالفه قلعتها
مرت خمس دقايق وماقدرت هنادي تتحمل الوسوسه :-انا بطلع اشوفها
منال تستهزء :-من متى المحبه ؟
سفهتها هنادي ..
طلعت هنادي فوق ...
دقت باب جناحها وماردت ، نادتها وماردت ..
وفتحت الباب ...
لقت نوف طايحه على السرير وماسكه بطنها تبكي من قلب
قالت هنادي بخرعه وهي تركض لها :-نوف علامك
نوف بصياح :-بموت ياهنادي بطنـــــــــــــــي بيموتني
اختبصت هنادي ماتدري شتسوي ..
وماتذكرت الا امها وركضت لها ..
امها وهي تشوفها مختبصه :-هنادي شفيك
هنادي برجفه :-يمه نوف تصيح بغرفتها وماسكه بطنها
ابو سعود الي تو داخل الغرفه :-نوف علامها
هنادي :-تعبانه يبه بالحيل
ابو سعود بعصبيه :-ورجلها وينه؟؟؟
ام سعود بقهر :-حنا بوادي وانت بوادي البنت تعبانه تودينا ولا نروح مع السواق
ابو سعود :-تعرفين سواقتي نبي نروح مع السواق
وركضت ام سعود مع هنادي لغرفه نوف
ام سعود وهي تجلسها بشويش :-بسم الله عليك يمه
نوف تبكي وعلى وشك تغيب عن الوعي ..
لبستها ام سعود عبايتها وساعدتهم هنادي
<
<<<<<<<<في بيت راكان
من يوم مارجعوا من السفر ناموا على طول وكل ما اذن صلوا ورجعوا نامو من التعب ..
قالت دانه بهمس في اذن راكان :-ركوووووووني
صحى بسرعه على انغام هالصوت الي يحرك شعوره ويتغلغل بالوجدان :-يالبيه
ابتسمت :-شرايك تقوم تقرا قرآن مابقى على اذان المغرب غير ساعه
راكان :-ان شاء الله
دانه وهي توقف :-جهزت لك الحمام اذا تبي تاخذ شاور عشان تصحصح وعلى فكره محمد دق يسال عنك
راكان :-ههههههه سحبت عليه والا انا قايل له بجي الشغل العصر
دانه :-حرام عليك
راكان :-ههههههه والله انك رايقه
دانه بوعيد :-هين نتفاهم عقب الفطور
غمز لها :-قد كلامك
ووووووووووولع وجهها ضو ..
راكان :-هههههههههههههه ممكن تطلعين من الغرفه
دانه :-هههههه طرده صريحه
راكان :- دانوه لاتخربين صومـي
وووووووووووولع وجهها وهجت من الغرفه
راكان :-ههههههههههههه ياحبني لها
ووقف عشان ياخذ شاور ويجلس يقرا قرآن لين يأذن !
نزلت دانه ووجهها للان احمر من كلامه ...
[مايدري انه يعلقها فيه اكثر واكثر واكثر ،مايدري انه النفس انه الهوا وانه الروح والحياه لها ، مايدري انه باسلوبه يزيد من حبها له من غيرتها من خوفها عليه ]
قاطع تفكيرها صوت الخاله مريم :-الوجه شاب ضو اخبرك قلتي بصحيه مو شي ثاني
دانه :-هههههههههههه يمه حرام عليك
امه :-[سيماؤهم على وجههم ]
دانه استحت :-ههههههههههههه يمه ترانا صايمين
امه :-ههههههههههههههههههه والله مدري عنكم ..
ام راكان :-مريم خلي البنت بحالها
الخاله مريم :-هههههههههه جت عجوز البيت
ام راكان :-لا تتشققين يالصغيره
امه (مريم) :-اصغر منك
دانه :-ههههههههههههههههه يااااااربي بدينا المناقر
امه مريم :-هههههههههه تكلمت الحين حرم راكان من جد
دانه بحب :-آآآآآآآآآآآآخ ركووووني
امهاته :-ههههههههههههههههههههه
ام راكان :-الولد ذا مسويلك سحر اكيد
دانه وهي تغمز لها :مرررررررررررره
امهاته :-ههههههههههههههههههههههه
دانه :-انا بروح المطبخ بسوي حنيني لراكان
انصدمن امهات راكان :-حنيني
دانه ببراءه :-ايه حنيني
ام راكان :-تعرفين تسوينه
دانه :-طبـعا
امه (مريم) :-ههههههههههه شجابه على بالك الحين
دانه بابتسامه :-امس رحنا تسحرنا بمطعم يقدم اكلات شعبيه سعوديه وراكان جلس ينتقد اكلهم وانه مو مثل طبخ البيت وخصوصا الحنيني عاد انا قلت بسويه له مفاجاه لان شكله يحبه
مريم وهي تكلم ام راكان :-ههههههه تذكرين يوم جته فتره وازعجنا فيها تقولين منقلب شايب يوم يبي جريش يوم يبي مرقوق
ام راكان :-ههههههههه ايه اذكر كرفنا كرف
مريم :-ههههههههههه الله يسلم عمره ..
دانه وهي تنزل :-يالله العجين يمديه انفجر
امهاته :-ههههههههههههههههههه
وراحت دانه للمطبخ ...
قالت ام راكان بحب :-ياهالبنت تحب ولدنا حب ما ينوصف
مريم بتاثر :-الله يخليهم لبعض ويكفيهم شر من فيه شر وعلى راسهم سوير
ام راكان :-الا ماتلاحظين انهامختفيه من زمان
مريم بشماته :-ابركها من حزه كسر راكان شوكتها بعد سواتها بدانه
ام راكان من قلب :-الله لا يوفقها وين ماراحت
مريم :-امين ..
*
*
*