بسم الله الرحمن الرحيم

السلام عليكم ورحمة الله وبركاته

امس الخميس طلعت مع ابوي وامي للسوبر ماركت ((( )))) >>>> يعني اسمه ما ابغى اقول علشان ماتعرفون انا وين ساكنه
المهم
قبل مانروح السوبر ماركت وقفنا بالاشارة من عادتي اذا وقفنا بالاشارة
انزل راسي تحت الكرسي الامامي >>> ماشاء الله كل ذا حياء >>>> لالا بس ما احب احد يناظرني مو حياء بس ما احب كذا
واذا افتحت اطلع خخخخ
وكان بالطريق نقطه تفتيش كالعاده
ابوي ماكان حازم الحزام وقاله الشرطي ياعم لازم تلبس الحزام قال ابوي طيب
وبس تعدينا شاله قلت ابوي ترى بعلمهم
قال هذا اللي ناقصني
وعندي عاده لازم احط سماعات باذاني واشغل ملفات فديو صور اغاني اناشيد ادعيه
اللي هو المهم شيء باذاني ويسرح الخيال الواسع الين نوصل
قالت امي تبغى تروح عالم ساكو
ورحنا هناك فله فله فله
مابقى شيء ماجلست فيه ولا شيء مالمسته
بس من جد في اشياء حلوة وشريت مدلك للرجلين المهم وش اللي صار نسيت انا وامي ناخذ سله من برى
وشفت فيه سله وفيها غرض واحد بس قلت يمكن حق المحل وشلتها واخذتها طبعا امي تنتظرني اجيبها قلت بدل ما اطلع واجيبها هذي اقرب >>>>> كسوله ذا البنت
امي راحت تشوف الصحون وغيرة وكنت واقفه جنبها وجاء واحد وزوجته قال للسكرتي انا حاط سله هنا وينها قال ما ادري السكرتي قلت بقلي ليكون سلته وقال لزوجته هذا الغلايه اللي حطيتها بالسله وين السله
وقام يطالع فيني انا وامي وانا فيني الضحكه بس ساكته
وقالت امي وش فيه ذا ما ادري اصكه بذا اللي في يدي قلت يدور سلته قالت امي مالقى يدورها الا هنا
انا حسيت انه شك انو حنا اللي اخذناها وانا مبرده ولا علامي شيء
جاء ابوي قال يلا تعالوا ليه طولتوا قالت امي خلاص قضينا بنمشي قلت امي امي امي قالت وش فيك قلت لها ابغى هذا حق الرياضه قالت عندنا بالبيت
قلت لالالالا هذا فيه مسجل احسن قالت بتلعبين يومين وبتطفشين قلت يلا مالي خلق اتكلم
وكان كتمه بالمحل
وطلعنا
وبعدها رحنا السوبر ماركت
اول ما دخلنا اذن قلت بنصلي وبنجي نلتقي بالسوبر ماركت قال ابوي اوكي
رحت انا وامي طبعا هذا السوبر ماركت كبيرررررر
وامشي وامشي وامشي
وامي تقول حشى ما وصلنا
ووصلنا وشفنا عايله مصريه
صلينا فيه واحد يدنن صغير دخل دورة المياه قال ماما هنا بالحمام فيه فاين قلبوووو يدنن
وكان يصلي جنب امه ويقلدها ذكرني بالطفوله
وطلعنا ركبنا اللفت
ونزلنا قالت امي من الحين اقولك اي شيء تاخذينه خذيلي مثله
قلت امي تعب خذي اللي تبين وخلاص
قالت لا حسبيني معك قلت طيب
دخلنا وكان فيه كريم انا احبه وماكان فيه مثله الا نوع ثاني
اخذته
قالت امي وين اللي اقولك جيبيلي مثله قلت امي مافيه الا هو قالت خلاص اختاري ثاني لي
قلت طيب
ومابقى شيء ماحطيته وبعدها تعبت رجولي خلاص ما اقدر اواصل التعب
تعرفون الخبز الطويل
جاء المصري اللي شفته بالمصلى
قال ماما ماما عاوز عيش طويل
قلت انا ماما ماما عاوزة خبز طويل
قالت امي لابوي فلان فلان عاوزة خبز طويل
انا وامي مانتبهنا انه ابوه ورانا وجاء واحد رافع خشمه فووووووق السحاب
وقال ابغى واحد من ذا وذا
ولمن مد يده اللي بيعطينا الخبزة الطويله اخذها بكل جراه ولا كانه شايفنا قلت ااااه لو لساني طويل كان شرشحته
وانتظرت وسكت ماقلت شيء
واخذتها
انا ماشريتها الا علشان ابغى اقلد الصغير
ورحنا قسم الفواكه وشفت وحده دلوعه وناااااااااعمه مرة
معها زوجها شعرها تقول شافطه كهرب ضارب شوط
قلت امي امي تبغين اناناس
قالت الناعمه
الله اناناس ابغىى قال زوجها خذي راحتك
خذي اللي تبين
وابوي يحب الافوكادو قالت افوكادو قلت يوة يوة لاتطيحين
قالت نعم
ماعطيتها وجهه
وشريت ورق عنب بس المشكله كنت خايفه يطلع مش حلووو
اللي يبيعه مصري
قلت لابوي اخاف مش حلوو
قال المصري على ضمنتي حلووو
قلت لابوي قله حامض
قاله ابوي حامض
قال اااه
قلت ابوي قال اااه اطلب له الاسعاف
وابوي قام يضحك
وبالصدفه شفت شيء احبه ممنوع الاقتباس مراح اقوله
قالت امي تحبينه قلت ايه قالت متى موعد الملكه قلت هاا
وقمنا نضحك
وعند المحاسبه طبعا سحبت نفسي >>>> ماتبغى تهزيء
وجلست على الكرسي
وشريت من زهور الريف عطري المفضل
وكنت ابغى العب بس قلت ماجاء اخوي الصغير معي يلعب مايصلح >>>>>خوااافه
ورحت ماكدونلز وطلبت وجبتي المفضله
سبايسي كبيررررر
يمي يمي
ابغاااااااااااااااااااااااااااااااااااهااااااااااا كل يوووووووووووووم
>>>>> شبعه هي
شريت شيء يذكرني بايام المتوسط
وبس وهذي رحلتي الى السوبر ماركت
طبعا بالسيارة نمت
من التعب لاني مشيت كثيرررررررر
وجيت البيت وكملت نووووووووم الى الساعه 11
وانتهت اتمنى تعجبكم قصتي

تحياتي
منى الاماني