تلميذ المحبة
الله أكبر يوم قالوا لي مرام
ذكروني بألف حرف في الغرام
ذكروني بأول أيام الهيام
وضحكة أيامي وأول دروس الغرام
من بديت ...
إتصفّرت ساعة حياتي
إنولدنا من جديد
وصار شوفه يوم عيد
صرت تلميذ المحبة
وابتدينا حبّه حبّه
بعد سحر في كلامه
صار همي كيف أشوفه
شفتها واحلى قمر
وأحلى من احلى بشر
في وصفها ماتت حروفي من الخجل
وبعدها حصتي في فنّ لمسه
ملمسه ناعم وحالم
لمسة أوصاف الكمال
شيء من ضرب الخيال
واستمر الحلم قائم
وهذي حصة وتاك حصة
وبينها أسمع واسمّع
مرّه اضيّع ومرّه اجمّع
وجاتني حصة مثيرة
بوسة خدود الأميرة
وانا من فترة طويلة
أنتظر لحظة جميلة
كيف تنباس ؟ هالمثيرة ؟!
من خدّها
من يدّها
من جيدها
من قدّها
والا شفايفها الرهيبة
بعد بوسات عديدة
شهقت من الفرحة وقعدت
أتذوق أطعم ماطعمت
انتهى وقتي وانا ياعمري انتهيت
ودعتها من غير وعي
مع السلامة ياأميرة
حرّكت برموشها كل ساكن في عروقي
واسمحت لي بالرحيل
وقالت لا تنسى الوعد
قلت لك مني عهد
نكون قلبين بجسد
قلب يحمي قلب دام نتنفس وعد ،،،،،،،،،،،،،،،،