على سطر الورق بكتب قصيدة قافها غنّـاج
وهي مثل العـروس اللـي تدلّلهـا لياليهـا


على كيفي بدلّلها وبصبـغ خدهـا مكيـاج
على كيفي بزينهـا علـى ذوقـي بحلّيهـا


بصحّي رمشها الناعس ولوّن فمّها بـرواج
بسرّح شعرها الثايـر بكوفرهـا وبكسيهـا


ابكسيها حرير ٍ غالي ٍ من سندس وديبـاج
بقلّدها ذهب صافـي مـن اولهـا لتاليهـا


بزيّن كِلْ ملامحهـا وخلّـي نورهـا وهّـاج
وبشعل شمعها الطافي واراهن من يطفّيهـا


بكحّل عينها السودا وبرفع راسهـا بالتـاج
على عرش الملك ناوي انصّبهـا واولّيهـا


بجهّز مهرها الغالي وبخطبها على منهـاج
بزف القلب واحساسه وهي تفـرح بغاليهـا


بدق الطبل واغني بمزماري بـدون ازعـاج
وبفرح من حشا جوفي ونون العين نهديهـا


وبمشي مع جموع الناس بين الورد والافواج
ومع كف الهنا كفي وبمشي مـع خطاويهـا


بناظرها بنظراتي ونظراتي بحـر وامـواج
سفينة نظرتي تسبح في ساحلها وشاطيهـا


على مبسم شفايفها بقبّلهـا بـدون احـراج
بذوّب قلبها الخايـف واطمّنهـا وواسيهـا


بحرّية نبي نكسر حديـد السجـن بالافـراح
بحرّية نبي نكتـب حـروفٍ مـع معانيهـا


بعايش عمرها الباقي وأقول اني لها محتاج
عروستنا قصيدة مـا نغيّـر فـي اساميهـا


وهي بلسم شفا شافي ومعناها عسل وعلاج
ترد الروح وانفاسـه وكِـلْ عِلـه تداويهـا

السلام عليكم ورحمة الله وبركاته


صــح لسانك اخوي ريان

ولا هنــت

قصيده في قمه الروعـه

فدمت مبدعا ومتألقا

يسلموا زهره انا من زمان أحتري واحد يرد

على المشاركه


مشكوره على المرور

بصراحة القصيدة روعة

بس في كلمات قوووووية

ههههه عشان كذا محد رد

يسلمووووووو ريان الجوف



اختكم
الجوهرة

خخخخخخخخخخخخخ



توني فهمت


الله يسلمك

ويسلمو على المرور

واو ولا أروع من هاذي القصيده تسلم اخوي

الله يسلمك البنت الحزن




يسلمو على المرور

روحي شمالية

.................................


الحرف والكلمة يعجزان عن وصف

معانيك الراقيه .. والكلمات تخجل

في مجارات عباراتك السامية ..

كلمات بإحساس مرهف تخــتال

بيننا ... ما أجمل تلك الكلمات التي

سطرتها لنا أناملك الراقيه .

كلمات في غايـــــة الابــــــداع

جميلة .. ومميزة .. ومشـــــرقة

كروعة أشــــــراقك .


لا تحرمينا إبداعــــــــــتك الرائعة



تحياتي لك ...

ـــــــــــــــــــــــــــــــــــــــــ
ريــ البوادي ــــم