يا لعبة الإشاعات
***********

عينى عليك يا مصرى يا غلبان
يابو قلب طيب صحيح بس حقيقى جبان
راحت فين يا مصرى الجدعنة بتاعة زمان
أيام الفتونة و القوة فى الجسم و الإيمان
( ( دلوقت ياعينى عليك يا لعبة الإشاعات ))
مرة جنون البقر خلاك منعت اللحمة
و شوية قالوا الخضار و خلاص مافيش رحمة
والفاكهة مرشوشة و بلاش تاكل منها ولا قطمة
و الحل أصبح حجاب عملاه الشيخة فاطمة
و أنفلونزا الطيور أوعى تاكل أى نوع طيور
يقوم السمك يغلا و يرخص لبن العصفور
و يغللى عليك اللحمة شيطان ف إيده ساطور
و إنت يا غلبان حاتفضل كدة مطيور
آخرتها قالوا النيل و ميته إتلوست
إشاعة ملت البلد خللت الناس هلوست
ملايين المكالمات و آلاف قوام مسجت
و آل إيه ف 6 ساعات تكون إتنضفت
إجرى بسرعة قوام هات لنا كرتونتين مية
و ياريت تلاقى ذمة ماهى فرصة للحرامية
صدقنى دى الإشعات بقت مافيا دولية
خليك راجل ف البيت و قول لها إهمدى ياولية
إرجع يامصرى لإيمانك و ثقتك برب العباد
مصر حا تفضل محروسة و للتاريخ أشهاد
لسة من كام شهر قالوا كارثة جراد
بشوية مطر من ربك حمى كل البلاد
يا مصرى .. لازم نمسك شوية نفسنا
و نرجع لقيمنا و شيمنا و لديننا و لربنا
و مش كل من قال إشاعة بكلمة يهدنا
يالا بينا نلحق قبل الخراب نلملم شملنا
عزالدين محمود

بسم الله الذى لا يضر مع اسمه شيىء
بسم الله على الاكل سمى وكل
الناس غلابه والموت قطمه ظهر ليهم
وفى رقبته رزمه عيال راميهم
العيش غالى عليهم تقول لهم طيور ولحمه وسمك
دا حلم ليهم ورغم كل التعب والقله بالكرم تلاقيهم
زعلت منك لما قولت على المصرى جبان
اللى يخاف من الموت لجل يربى عياله ماجبان
الجبن مش انك تصدق اشاعه دى سذاجه وطيبه
الجبن انك تبعد وتسيب الميدان
والفقير يااخويا عمرة ماعاش جبان
عاش ومات وعمر ربه مانسى الغلبان

شكرا لك عز على كلماتك

أخي عز الدين..

أضم قلمي لقلم الأخت شهد..

فليس كل فقير جبان..

فعزة النفس مع الفقر أفضل بكثير من الذلة والهوان مع الغنى..

ومعروف عن الشعب المصري العزة والشهامة والإباء..

والتاريخ يشهد بذلك..




أما بخصوص كلماتك عن الشائعات..

فلا يكاد مجتمع أي مجتمع يخلو منها ومن تداعياتها..

فهي آفة كل العصور والمشكلة الأزلية التي لم ترضخ للحلول..

وأعتقد أن السبب يعود لعدم وجود الوعي الكافي بين أفرا دالمجتمع..

كذلك عدم صراحة الوزارات والهيئات مع المجتمع بإصدار بيانات توضح الحقيقة من الزيف..

فالمواطن البسيط يجلس مع جيرانه وأصحابه ويتحدثون والكل يبدي رأيه ووجهة نظره التي سرعان ماتصبح حقيقة يؤمن بها كل من هو حوله وهكذا تستمر الشائعات بدون رادع..

ونظراً لإرتباطه بمصيره تجده يحاول أن يتحدث بها في كل محفل عله يجد إجابة شافية لتساؤلاته..

وهذا ليس بذنبه إنما ذنب الذين لم يوضحوا الحقائق ويستمرون في جعل الشعب في حالة استنفار دائم ومحاصرين بإسئلة ليس لها نهاية..




حقيقة أخي عز الدين أنت جسدت مشكلة اجتماعية تعاني منها كل الشعوب في كلمات صادقة ومعبرة..

أجدتي أختي شهد في إضافتك..


أرفع قبعتي احتراماً للشعب المصري الأبي..

اشكرك اخى هادى
لان عز الدين رمى الاشاعه وساب الميدان

شكرا لكلماتك يا عز الدين التى جسدت المأساة التى يواجهها الشعب المصرى وبعض المشاكل التى يعيشها وبعد كل الكلام ده مش لازم نقول على المواطن المصرى جبان احنا المفروض نقول عليه بطل على كل ما يتحمله من ضيق العيش وقصر ذات اليد و انفلوانزا الطيور وبعدين الحمة القلاعية فى لحم البقر وبعدين غرق العبارات ......... الخ

ورغم كل هذا فهو صامد محتفظ بروحه الفكهة وحسه الدعابى

حد غيره كان مات بحسرته

السلام عليكم و رحمة الله و بركاتة
أشكر لكم مشاركتكم و نقدكم الجميل .. و حقيقة الأمر أننى أرد إستفزاز مشاعر القراء نحو المصرى البسيط و نقدكم قد أثلج صدرى فلو كنت كتبت (( إنسان )) لكان الأمر عاديا - أعتذر بشدة عن وصف (( جبان )) و أكرر شكرى

اشاعة تفضل اشاعة
ما اعرفه عن شعب مصر شعب طيب مجتهد ما يعرض بافلام ليست واقع الحقيقي لها شعب الطيب

تسلم اخي الكريم على هذي الكلمات الجميله

وتسلم الانامل اللى خطت هذي الكلمات الرائعه


المصريين في منهم لحد الان جدعان

صدقني


في كل مكان في الكويس وفي الشيطان


عموما اشكر مره ثانيه على هذه الخاطره الرائعه


ولا تحرمنا من مشاركاتك اخي الكريم


ودمت لنا بود وسعاده

ونحن بانتظار جديدك بفارغ الصبر

الاشاعات صارت في كل بقعه وفي كل مكان

مو بس في مصر

وصارت الاشاعات تجارة جديده وفن جديد

والله يعينا ما بنصدق في هالزمن احد

ارق التحايا