الرضا بالمقسوم

عز الدين محمود · المشاركة رقم: 1 26 / 02 / 2006, 37 : 10 AM

إرضى يا نفس
************
إضحك ياصاحبى للدنيا و بالأمل و الحب عيش
و إن صادفك الحزن إجمد و أصبر و ماتبكيش
صحيح الدمع ساعات بيريح و ساعات مابتريحنيش
لما فى الضيقة تدور على صاحب ماتلاقيش
هى الدنيا كده غدارة بتاخد و ماتديش
مشيت فى شارع الحياة و فى حارة الدراويش
قابلنى راجل كبير وافق بيخبز عيش
قاللى نصيحة يا إبنى و روشته بيها تعيش
البسمة عالوش طلة و الضحكة ماتنطفيش
و الأمل فى بكره يفضل و يانفسى ماتيأسيش
الخير يا إبنى موجود مداريه شوية هيش
و الحب أقوى سلاح منغيره مأعرفش أعيش
سيبك من كل ظالم ده ربك مابيخليش
دولة الظلم ساعة و العدل لو حتى الحظة أبدا ماتنتهيش
حب الدنيا و الناس و أوعاك من نفخة الريش
ده الكبر أكبر جريمة لإبليس ما تتنسيش
إعمل الخير و إوعى فى البحر ماترميش
ده الخير لابد يرجع بالصحة و طيب العيش
عهد و كتبوا المولى فى كتابه على عباده مابيجيش
أصل رحمته واسعة و إزاى بعد ده كله يانفس ماترضيش

عز الدين محمود حامد

**شهد الحياة** · المشاركة رقم: 2 01 / 03 / 2006, 31 : 08 PM

والعقل نعمه للى يفكر فى اليوم وينسى بكرة يامين يعيش
واللى يرضى يتهنى واللى مايرضى فى الغم هيعيش
واللى يقرا كلامك يوصل لقلبه ومايبكيش
واللى يقول يارب يوصل لو حتى مفيش

هادي · المشاركة رقم: 3 08 / 03 / 2006, 05 : 01 PM

قصيدة ملئية بالحكم التي لو اتبعناها لما رأينا على الدنيا تعيس ومحروم..

ولاسادت المحبة والألفة بين أفراد المجتمع..

أعجبتني كثيراً كلماتها البسيطة في شكلها والبليغة في معانيها..

جميلة جداً هي تعابير اللهجة المصرية..

أخي عز الدين محمود أنت مبدع نتمنى مشاهدة إطلالتك البهية دائماً..

تقبل فائق تحياتي..

الذين يشاهدون محتوى الموضوع الآن : 1 ( الأعضاء 0 والزوار 1)

.::\|\|[ آخر المشاركات ]\|\|::.