أقوى النكت السياسية ... أرجو عدم التبليغ عنى

دعاء محمد · المشاركة رقم: 1 27 / 02 / 2006, 40 : 11 AM

دى بعض النكت السياسية لكن قد تجدون بعض الصعوبة فى فهم مغزاها لانها متعلقة بسياسة المصريييييييين

1- دى نكتة عن قانون الطوارئ فى مصر

كانوا بيمسكوا كل حمير الغابة ففي قرد لقي اسد بيجري
القرد : بتجري ليه يا اسد
الأسد : اصلهم بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد

2-احمد نظيف رئيس الوزراء راح يعمل عمره

ومعاه بعض الوزراء

فجه احمد نظف ورجم الشيطان 6 جمرات بس
فوزير قال ناقص جمرة واحدة

نظيف قال سيب الشيطان ده الوقت هنحتاجه بعد كدا

3-ودى نكتة عراقية ولكن التأليف مصرى

جورج بوش اتصل ببرنامج ما يطلبه المستمعون وطلب اغنية بابا فين واهداها لعدىبن صدام حسين، قام الصحاف اتصل في نفس الحلقة وقال بناء على طلب السيد صدام ارسل لبوش اغنية يالى بتسأل عليا ملكش دعوا بيا

4-فى حمار وحشى بيحرس كنز فالناس عملوا مسابقة اللى يجيب الكنز هياخذ نصه فراح واحد هندي وامريكى ويابانى الهندي دخل راح الحمار ناطحه مموته واليابانى نفس الكلام، جه الأمريكي دخل وخرج بعد نص ساعة شايل الكنز على كتفه وجارر الحمار فى ايده فالناس سالوه ازاى قدرت تجيب الكنز قاللهم ابدا انا قعدت مع الحمار كلمة منه على كلمة منى طلعنا قرايب. ....

ياريت تكونوا عرفتوا مين هو الحمار

5- مرة كان احمد نظيف رئيس الوزراء ماشي هو والمساعدين فى احدي القري فوجد تمثال لزعيم كبير (التمثال لزعيم وهو واقف ) فلقي احمد نظيف التمثال بيكلمه وبيقوله مش المفروض تشوفولى حصان اقعد عليه
بدل الوقفة دي ، نظيف استغرب راح يجيب حسني مبارك يشوف الحكاية فالتمثال قاله
انا قولتلك هات حصان جايب حماااار ليه ؟؟؟؟؟؟؟

6- زعيم سياسي في بلد متخلف، اقترح عليه أحد الحاشية اقتراحاً فقال : لماذا لا نسعى الى ان تستعمرنا دولة كبرى مثل أمريكا فتقيم لنا المصانع والطرق والمطارات والمستشفيات ثم نطردهم فيما بعد ؟
فأجب الزعيم : وكيف نجعلهم يأتون لاستعمارنا ؟

فرد عليه : لدينا طائرتين نرسلهما في غارة على أمريكا فتغضب أمريكا وتأتي لاستعمارنا

فرد الزعيم : واذا تمكنت الطائرتين من هزيمة أمريكا .. ماذا نفعل ؟؟؟؟

7-كان أحد الحكام ممن اشتهروا بالظلم والبطش يسافر على متن طائرة، فنظر من النافذة وقال لحاشيته: لو القيت مئة دولار من الطائرة ماذا يحدث ؟
فأجابه احد الحاشيه : سيجدها احد المواطنين ويفرح بها.

ثم سأل مرة اخرى: ولو القيت الف دولار ؟

اجابه اخر : سيجدها بعض المواطنين ويفرحوا بها .

قال قائد الطائرة وكان حاقدا عليه : ألق بنفسك من الطائرة وسيفرح كل المواطنين

انتظروا البقية .......
فالقادم اقوى ..............
وأرجو الا يبلغ احد عنى

دعاء محمد · المشاركة رقم: 2 27 / 02 / 2006, 13 : 12 PM

8- مرة الرئيس مبارك و بوش و جاك شيراك كانوا راكبين طيارة ف بوش مد ايده من الطيارة و قال احنا فوق نيو يورك قالو له عرفت ازاي قالهم أنا ماسك تمثال الحرية و بعدين جاك شيراك مد ايده و قال احنا فوق فرنسا قالو له عرفت ازاي قالهم أنا ماسك برج ايفل و بعدين الرئيس مبارك مد ايده قال احنا فوق مصر قالو له عرفت ازاي قالهم ............. الساعة اتسرقت

(اوعوا تفكروا المصريين كلهم كدة؟؟؟ )

9- كان القائد المشهور بالقسوة يستعرض جنوده فوقف أمام جندي وسأله: ما اسمك فقال : عبد الجبار يا سيدي.
وما الذي تمسك به؟ فاجاب بندقيتي يا سيدي، فرد عليه : ليست بندقيتك بل هي زوجتك وعرضك وشرفك

ثم انتقل الى الجندي الذي يليه : ما اسمك ؟ كامل يا سيدي .

وما هذا الذي تمسك به؟ فأجاب : زوجة عبد الجبار يا سيدي

10- فيه رئيس دولة فقيرة زار أحد الدول الخليجية فاستقبله الأمير ورحب فيه وقال خذوه لقصر الضيافة، فقال الضيف الزائر لا أنا عاوز بدل سكن

11- واحد صعيدى اتجند فى الجيش من هنا و قامت حرب من هنا فخدوه يحارب..... فى وسط الحرب سأل اللى جنبه انتا من ديشنا ؟؟؟ فالراجل قاله ايه؟ فقام الصعيدى قاله انتا من ديشنا فالراجل قاله لأ...... فقام الصعيدى قاله تبقى انت من ديش العدو وقام طخه طخ طخ طخ طيخ بووم طخ .

ملحوظة: ديشنا احدى قرى الصعيد فى مصر

12- مرة واحد بلديتنا في الحرب لقي الاعداء داخلين عليه
راح ساحب فتيل القنبلة ولسة حيرميها الاعداء قاموا الاعداء جريوا
قام حطها في عبه وقال اه يا جبناء.........

ملحوظة لغير المصريين وضعها فى عبه يعنى وضعها فى صدره او ملابسه)

13- ملحن دخل مبنى ماسبيرو( مبنى الاذاعة والتلفزيون) علشان يعتمدوه ملحن

فقالوله كل جمله نقولهالك لحنها .. قال ماشى

فقالو له..لحن( واحد حرامى ) راح ملحنها..

قالوله ( اتنين حراميه) .. راح ملحنها..

قالوله بقه لحن ( شله حراميه )

فقالهم

بلادى بلادى بلادى

14-بيقولك مرة مبارك رئيس الجمهورية بيحط ايده فى جيبه لقى 50مليون جنيه من فلوس الشعب فزعل اوى فقام راح للشيخ الطنطاوى وقاله على الموضوع رد الشيخ وقال بس كده بسيطة روح لف 50 لفة حول الكعبة راح الريس مكدبش خبر وهو هناك لقى عاطف عبيد رئيس الوزراء راح استغرب وقاله ايه اللى جايبك هنا يا عاطف؟؟راح رد عليه عاطف وقاله انا هلف 150 لفة راح الريس قاله الله يخرب بيتك انت سارق البلد فقاله عاطف انت جاى تكلمنى انا روح شوف ابنك علاء اللى جايب موتسيكل وبيلف حولين الكعبة:::::::::::::::::::::::::::::::::::::::::::: ::::::::::::::::::::::::::::::

عاشــ الريم ــق · المشاركة رقم: 3 27 / 02 / 2006, 13 : 12 PM

ههههههههههههههه

حلوة هذي

انا قولتلك هات حصان جايب حماااار ليه ؟؟؟؟؟؟؟

الله يسامحك حسني صار حمار

مالكيش حق؟؟؟

خخخخخخخ

<--- قلب مع النكت

دعاء محمد · المشاركة رقم: 4 27 / 02 / 2006, 25 : 12 PM

14- حسنى مبارك جاب عاطف عبيد رئيس الوزراء وسأله : مين احسن انا ولا الرئيس السادات؟؟؟
عاطف قاله انت طبعا يا ريس..... السادات كان بيخاف من الامريكان وانت ما بتخافش منهم
مبارك قاله طيب انا احسن ولا الرئيس عبد الناصر؟؟؟؟؟

عاطف قاله انت طبعا يا ريس .... عبد الناصر كان بيخاف من اليهود وانت ما بتخافش منهم

مبارك قاله طيب انا احسن ولا عمر بن الخطاب؟؟؟؟

عاطف قاله انت طبعا يا ريس .... عمر بن الخطاب كا بيخاف من ربنا وانت ما بتخافش منه.....

دعاء محمد · المشاركة رقم: 5 27 / 02 / 2006, 27 : 12 PM

شكرا على مرورك عاشق الريم

دعاء محمد · المشاركة رقم: 6 27 / 02 / 2006, 12 : 03 PM

مسؤولا كان يجلس مع معاونيه، وقال: «بيننا خائن وسوف أقتله، وأول حرف من اسمه طاء». فوقف أحد

مساعديه يرتعش ويقول: «لست أنا الخائن». فقال له الزعيم: «اسمك ليس أوله حرف الطاء، لماذا تنفي

التهمة؟»، فرد عليه مساعده: «لكنك تناديني دائما يا طرطور».

ندى أحمد كابلي · المشاركة رقم: 7 27 / 02 / 2006, 55 : 03 PM

دعاء محمد

أسعد الله قلبك وأضحك سنك كما أضحكتني

دمت بسعادة وراحة بال

دعاء محمد · المشاركة رقم: 8 27 / 02 / 2006, 06 : 04 PM

شكرا يا ندى على مرورك أتمنى انهم يكنوا عجبوكى

SALMAN · المشاركة رقم: 9 28 / 02 / 2006, 13 : 12 PM

ههههههههههه

جميلة جدا ومضحكة واكثر من ذلك لها غالبها له معنى

شكرا دعاء محمد على امتاعنا بهذه النكت

دعاء محمد · المشاركة رقم: 10 28 / 02 / 2006, 57 : 12 PM

العفو

شكرا على مرورك ابو يوسف

عاشــ الريم ــق · المشاركة رقم: 11 28 / 02 / 2006, 19 : 03 PM

مايحتاج نبلغ عنك

تعرفين أبو زعبل وين بالضبط

ولا أرسل لك كروكي للموقع

خخخخخخخخخخخخخخخ

حرام عليك حسني مايخاف من ربنا؟؟؟

دعاء محمد · المشاركة رقم: 12 28 / 02 / 2006, 02 : 04 PM

شكرا يا عاشق الريم على مرورك وانا اعرف مكانه بالظبط وشكلى كدة فى طريقى اليييييييييييييييييييييييه

**اليتيم** · المشاركة رقم: 13 02 / 03 / 2006, 54 : 02 AM

ههههههههههه نقره لعرض الصورة في صفحة مستقلة

شكرا اختي على النكت نقره لعرض الصورة في صفحة مستقلة

دعاء محمد · المشاركة رقم: 14 02 / 03 / 2006, 44 : 03 AM

العفو وشكرا على مرورك الكريم

هادي · المشاركة رقم: 15 03 / 03 / 2006, 09 : 08 AM

ههههههههههههههههههه

ثم

ههههههههههههههههههه

ثم

هههههههههههههههههه

طبعاً أنا دخت من كثر الضحك..

ياهي والله نكت من جد حلوووووووووووووه..

أما من ناحية التبليغ فوالله لاتباعدين..

خصوصا اذا كان فيه جائزة مالية..

فانا اول من يطمر ويبلغ عليك..

العذر والسموحة بس هاذي الدنيا الحلو مايكمل..

لاتستغربين ماسمعتي بشي اسمه نذالة..

وماتزعليش راح ادور لك احسن محامي عشان يترافع عنك طبعا اقبض الفلوس بالأول..

واحد نذل وغبي في نفس الوقت..

ربنا يديك الصحه وطولت العمر فات لي زمان ماضحكتش زي كدّه..

دعاء محمد · المشاركة رقم: 16 03 / 03 / 2006, 10 : 05 PM

شكرا يا هادى على مرورك
وانا موافقة انك تبلغ عنى لو فيها مكافأة .... بس بشرط نقسمها بعد ما اخرج من ابو زعبل
ده لو خرجت........ هههههههههههههه
الحمد لله ان النكت عجبتكم