ايه ياربع اجل من يوم السبت عجرت ابيع سهيماتي
هذه ابيات متواضعة ارجو ان تنال بعضا من اعجابكم
وان كان فيها ملاحظة على القافية ولكن قد يكون من قوة الموقف

بديت باسم الله عظيم الجلالي=وماخاب والله من بدا باسم ربه

يا الله يا الوالي عليك التكالي=يدعيك عبد(ن)ضيع اليوم دربه

اقولها والله عالم بحالي=إي والله اني داخل(ن) وسط غبه

من سوق الاسهم قلتها عزتالي=سوق الخساير لعنبو جب جبه

السوق دحدر عقب ماكان عالي=في كل يوم(ن)نازل(ن)تحت نسبه

في سوق الاسهم شفت ناس(ن)هبالي=عقب الثنا والمدح كل(ن)يسبه

هامورنا بالسوق لا مايبالي=فرعون لو موجود خلوه لعبه

ياسوق الاسهم قلتها لك محالي=والله ماتضبط بضابظ وحسبه

اسهم حرام واسهم اخرى حلالي= واحترت انا مابين صدقه وكذبه

اول نروح الشيخ نطرح سؤالي = كل(ن)حريص ينتقي طيب كسبه

واليوم نادر ماتشوف المثالي =بعض الملا كنه رضع ديد كلبه

بعض الملا يشري بكل المجالي= عجبه وضع ذا الناس والله عجبه

ترى الطمع مذموم باول وتالي= مير الطمع مافاد وياه طبه

يامن يرجع ياملا راس مالي= واعطيه فوق الراس والخشم حبه

وصلاة ربي واختم ابها مقالي= على رسول(ن)كلبونا نحبه

وصلوا عيه اعداد حب الرمالي= واعداد ماخط القلم وسط كتبه

ما اجمل القصيدة عندما تكون نابعة من القلب

الله يعوض عليك اخوي دينو وعلى الجميع

الله يعينكم

شكراا لكم على تواصلكم

الله يعوض على الجميع..

وتفاءل بخير دام أبو متعب موجود ماراح يلحقنا ضيم بإذن الله..

وشوف السوق بداء في التحسن..

صحيح إنه ماهو اللي نتمنى لكن العوض ولا القطيعة..


أرجع وأقول كان الله في عون اللي في المستشفيات وأخرجهم مماهم فيه..

شكراا على مرورك هادي