القاعدة الأولى: لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!! ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!
--------------------------------------------------------------------------------


القاعده الثانيه: البوز بيز Booze Base: اللي يدخل ببوز عربيته الأول
للتقاطع هو صاحب أولوية المرور! احرص على أن تكون صاحب أول بوز. ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.
--------------------------------------------------------------------------------


القاعدة الثالثة: الإشارات تكشف نواياك للأعداء، أياك أن تستخدمها!
--------------------------------------------------------------------------------


القاعدة الرابعة: لا تترك مسافة للأمان بينك و بين السياة التي أمامك فهذا له عدة مخاطر: 1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.
2. حتدي فرصة للعيال يعملوا غرز قدامك.
3. كل المشاة حيغمضوا عينيهم و يعدوا من الحته دي.
4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص
- و دول مفيش حد منهم مؤدب -. الإشارات مش معمولة علشان تنظم المرور ، معمولة علشان شكل القاهرة يبقى متحضر بس! اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).
--------------------------------------------------------------------------------


القاعدة الخامسة: اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!
--------------------------------------------------------------------------------


القاعدة السادسة: معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!
--------------------------------------------------------------------------------


القاعدة السابعة: الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.
--------------------------------------------------------------------------------

القاعدة الثامنة: من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟
--------------------------------------------------------------------------------


القاعدة التاسعة: من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع،
أي حد ماشي في الشارع لازم يقف لك فوراً، راجع البند السابق.
--------------------------------------------------------------------------------


القاعدة العاشرة: إحترس من ثلاث أنواع من السائقيين بيسوقوا و كأنهم مش ممكن يموتوا: 1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع. 2. موتوسيكلات توصيل الطلبات ( Home Delivery ). 3. سواقين الميكروباص. ملحوظة: إوعى تحاول تثبت لحد منهم إن فكرته غلط. فاهمني!!!.
--------------------------------------------------------------------------------


القاعدة الحادية عشر: لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.
--------------------------------------------------------------------------------

القاعدة الثانية عشر: الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.
--------------------------------------------------------------------------------

القاعدة الثالثة عشر: لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).
--------------------------------------------------------------------------------
القاعدة الرابعة عشر: من حقك أن تعبر الشارع في أي وقت و من أي مكان.
--------------------------------------------------------------------------------
القاعدة الخامسة عشر: اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟
--------------------------------------------------------------------------------
القاعدة السادسة عشر:
اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.
--------------------------------------------------------------------------------
القاعدة السابعة عشر: حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟ عرض قفاك و سيبه يتفلق.
--------------------------------------------------------------------------------
القاعدة الثامنة عشر: الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان، راجع القاعدة السابقة.
--------------------------------------------------------------------------------
القاعدة التاسعة عشر: إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة
الهز يدور على لوري يخبطة....

ولكم منى تحية عطرة

علـــــــــــــــــــم وينفذ
هههههههههههههه
لى عوده لااسجل تجربتى الشخصيه مع الميكروباظ
على مايتصلح
ههههههههههههه

شكرا لمرورك يا شهد الحياة

ههههههههههههههههه

حقيقة أنا من كثر ماأشوف الأفلام المصرية واللي لابد تجيب سيرة المواصلات في الرايحة والجاية..

كأني عشت هناك ولما نزلت مصر للمرة الأولى وجدت كل اللي شفته في الأفلام موجود بكافة تفاصيله..

ربنا يعينكم وإن شاء الله مايجرالكم حكاية فيلم إحنا بتوع الأتوبيس..

وأتوقع بعد كم سنة تصبح الرياض مثل القاهرة ساعتها راح أكتب لكم قواعد قيادة السيارات في الرياض..

ههههههههههههههههه

موضوع طريف أختي دعاء كعادة طلتك خفيفة الظل دائماً..

تقبلي فائق احترامي..

شكرا لمرورك يا هادى
حقا ان الزحام والمواصلات من المشكلات الرهيبة فى مصر وخاصة فى العاصمة ( القاهرة )
ولكن احمد الله على اننى اعيش فى مدينة دمياط الجديدة التى تتسم بقلة السكان لانها مدينة من المدن الجديدة حيث يمكنك ان تسير فى الشارع بدون ان تقابلك حتى اى سيارة اخرى فى طريقك
ولكن المشكلة هى سوء وسائل المواصلات حيث الميكروباصات الخربانة منتهية الصلاحية
فقد تركب احد الميكروباصات وتفاجأ عند نزولك ان باب الميكروباص لا يفتح و يضطر الركاب للنزول من الشباك

وقد تركب الميكروباص و تفاجأ بانك وقعت من الميكروباص اثناء السير لعدم وجود باب .......

وقد يقف الميكروباص فى منتصف الطريق ( فى صحراء قاحلة ) وتضطر لاكمال المشوار على قدميك ...... وهكذا

اللهم ارحمنا من هذا

لية بس نطلع اسرارنا كدة

و بعدين يعنى فى ناس كويسة احم احم :)

ههههههههههه

اكيد فى ناس كويسة ... حد قال حاجة ؟؟؟