قصيدة مصرية ....
 

على شط النيل ماشية الجواميس .........بتقول ياجميل أنا عايزة عريس



يطلع فييس ويحل الكيس.............. نتغدى حشيش ونحلى دريس



هاتغذى حشيش واتعشي حشيش ........واقفل على نفسى الباب والشيش



لو غيط فدان وحده ما يكفيش .............. فدان ده يادوب أول سرفيس



والبقرة تقول أنا عايزة التور ............ مايكونش مهندس ولا دكتور



ويجر الساقية بفور باى فور........... ويجيب بيتى فور اربع وخميس



والنعجة تقول انا طالبة خروف........... مالهوش اخوات ولاعنده ظروف



كسيب وامسكلوه انا المصروف ...........ويكون حيوان جنتل وحسيس



والفرخة اشترطت قال عالديك.............. انها ماتحبش اى شريك



وقالت له اتحضر خليك شيك............. ودينى ارقد عالبيض فى باريس

مشاركة: قصيدة مصرية ....
 

قصيدة ظريفة تحمل النكهة المصرية الجميلة..

ويظل الشعب المصري شعب النكتة بلا منازع..

أشكرك على هذه القصيدة الخفيفة الظل..


تقبلي فائق احترامي..

مشاركة: قصيدة مصرية ....
 

شكرا لك يا هادى على مرورك
ولك السلام من كل المصريييييييييييييييييييييين