قصيدة ام اه يا القهر

ديــــــــــنو · المشاركة رقم: 1 04 / 05 / 2006, 52 : 01 AM

قصيدة مؤثرة جداً، وأوصي أي شخص والديه على قيد الحياة أن يبرهم

والدعاء لكل من فارق والديه الحياة.يا حظه ويا سعد عينه من كان أبوه وأمه راضين عليه

هذي قصيدة أم بعد أن أرسلها ولدها.. للمصحة ( دار العجزه ( ..
او كما يقااال ( دار النسيان(..

اترككم مع القصيده

وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا

حسبي الله ونعم الوكيل
:mad:

**اساور الماضي** · المشاركة رقم: 2 07 / 05 / 2006, 04 : 08 PM

حسبنا الله ونعم الوكيل

جزى الله حمدان ومن هم مثله بما يستحقونه من عقاب

سلمت دينـــــــــــــــــــــــــو

الذين يشاهدون محتوى الموضوع الآن : 1 ( الأعضاء 0 والزوار 1)

.::\|\|[ آخر المشاركات ]\|\|::.