|
ام لسانين والاسراف
السلام عليكم يا احلى اعضاء وعضوات
شرات ما انعرف كلنا عندنا فلوس معاشات الحمد لله والدولة ما قصرت اتوفر لنا كل شي نبا بس انأشر بصبعنا الصغير لكن ها الشي مب معناته انه نلعب بالنعمة امبونا الرواتب لاعبين فيهم لعب مرة تنزل رواتبنا ناقصه ومرة زايدة ارسوا على راي يا عالم يا ناااااااااااااااااااااااس صح رمستي ولا انا غلطانة؟؟ يمكن اتقولون هاي اشعنه ترمس جيه او شلها تتدخل في حياتنا لكن يقول لكم النعمة زواله والواحد لازم يعرف قيمة النعمة والله لو ينقطع عنكم الماي مب اسبوع خلوها يوم واحد شوفوا حالكم كيف بيستوي والله لتيلسون تتشفعون وتنذلون عسب قطرة ماي وتنباع دبة الماي مب بريال بألف درهم لكن الواحد يقول الحمد لله ويا الله بالاقتصاد (كأني بعدت عن الموضوع شوي؟؟) اليوم الله يسلمكم وانا نازله المطبخ حصلت الوالد فديت روحه ساير سوق الخضرة والحبيب نفذ أوامر الملكة فيكتوريا الوالدة وياب خضرة وفواكه اتقولون للفريج كله لييييييييييييييييش كل هذا؟؟ لا اتقولون عن ام لسانين بخيله لا حشى علي لكن سوق الخضرة قريب وما اعتقد انه ها الكمية كلها بناكلها والله بتخيس وبتعفن في الثلاجة قسم بالله انه ثلاجتنا بتنفجر شوفوها عسب اتصدقوني http://img14.imgspot.com/u/05/83/10/...7708229963.jpg ليش الواحد يشتري أكثر حاجته ؟؟ هل المسألة فشخرة او توفير للوقت عشان محد يرجع للسوق مرة ثانية او شي ثاني؟؟ صدقوني الخضار والفواكه ما بتطير من السوق بالعكس بتطيح في جبودكم لانه لو تفتحون الكرتون بتحصلونه نصه خايس ومعفن بسبب الغش التجاري (هذا بنتناقش فيه في مرة ثانية ان شا الله) اتمنى النظر في مسألة المشتريات هذي مرة ثانية لأنه سالفة سوق الخضرة مجرد مثال بسيط عن اللي انسويه في الاسواق والجمعيات تحياتي لكم ام لسانين (انتظروا المشكلة الثانية قريبا) |
مشاركة: ام لسانين والاسراف
ايه صدقتي والله يالرحيق
لو تشوفين وش عندنا ملياااااان وبعدين ينكبببببببببببببببب لانه يبطي على ان جميع طرق حفظ الخضار نسويها لكن عاد محد ياكله في بيتنا مدري وش قصتهم ماياكلون بس بقالات مسنترين عندها ويا هالمطاعم 000 بس الله يديم النعمـــــــــــــه امين الحمدلله يارب على هالنعم والشكر لله |
مشاركة: ام لسانين والاسراف
السلام عليكم
صراحة معك حق اختي في الي قلتيه وهذا اشوفه في بيوت الجيران لما ازورهم وكيف تتكدس الاغراض في ثلاجتهم الحمد لله رب العالمين انا الي اشتري كل شيئ يعني كل شي بحدود واحاول قدر الامكان على هذا والله يحفظ لنا النعمة من الزوال تحيتي لك |
مشاركة: ام لسانين والاسراف
والله
الله يسلمك هذا مهي من اسبابناا هذا كله منكم يافكتوريااات الدنيااا صجيتونا طلباااتكم ماااتخلص واذا مالقيتوا طلب قلنا نروووح للسووووق ماااصارت المهم من ناحيتنا والله ماحنا فاااضين كل يوووووم سوق الخضرة ورانا اشغاااال وموااعيد وحوسة وانتم ماعندكم غير اليبت ناااقص كذاا <====== اي شي الموووووهم يااام لسااانين <===== جبتي اسمك والله خخخخخخخخخخ خففوا الطلبااات وبعدين تراانا يالخليجيين نبلع بلع مهو صاااحي الوااحد منا لو يجي عند الأوربيين طفرهم لكن الله يخلف عليناا وفي النهاااية نتمنى لكم وقتاا سعيدا في قضاااء هذا المنتدى الرااااائع |
مشاركة: ام لسانين والاسراف
اشكر كل من نجمه وزهرة وابوفيصل على المرور
الكل بين رايه وعبر عن المشكلة بشكل واقعي وصريح لكن محد بين لنا الحلول المتبعة لتفادي تلك المشكلة وبعدين يا ابوفيصل شرات ما نحن عندنا لسان اترومون اتقولون لاااااااااااا لنا والله بنسمع رمستكم ولا بنعلق عليها جربها وبتشوف ان نفعت ولا لا تحياتي ام لسانين |
مشاركة: ام لسانين والاسراف
وعليكم السلام ورحمة الله وبركاته .. استفتح ردي عليك اختى الغاليه ام لسانين بقول الله عز وجل (((إن المبذرين كانوا إخوان الشياطين وكان الشيطان لربه كفورا )) سورة الاسراء.. ان من طرق الابتعاد عن الاسراف هي: أ- تعويد النفس على الاقتصاد والرضي بالقليل .. ب- تذكر اخوانك في بقاء العالم لا يجدون كسره خبر .. وقال الله تعالى : ((وفي أموالهم حقّ للسائل والمحروم)).سورة الذاريات.. شاكره لك هذا طرح رائع |
مشاركة: ام لسانين والاسراف
يامرحبا وسهلا بالغالية عنود
بس ليتج خبرتينا شو الحلول المناسبة للحد من تلك الظاهرة المنتشرة؟؟؟ |
مشاركة: ام لسانين والاسراف
:confused: :mad: :mad: :confused:
اربع ردود بس؟؟ ليييييييييييييش عاد؟؟ اكيد ما عيبكم الموضوع صح؟؟ |
مشاركة: ام لسانين والاسراف
ههههههههههههههههههههههههههههههههههه
لا ام لسانين عاجبنا الموضوع ولا يهمك نرد المبذرين مثل ماتعرفون اخوان الشياطين وعشان عرف ان الله حق ونعرف قيمة النعمه نشوف الجوعى ونحاول نحس فيهم ونخفف من التبذير الي على غير سنع لكن فعلا مايحس بالنار الا واطيها |
مشاركة: ام لسانين والاسراف
اشكر عاشق على مروره وتحليله المختصر
لكن ما بين لنا كيف القضاء على هذي الظاهرة؟؟ |
رد: ام لسانين والاسراف
خخخخخخخخخخ
يسلموووووووووووو |
| الساعة الآن 56 : 09 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.5.2 TranZ By
Almuhajir
ملتقى النخبة 2005