:sm220:

انا داريه عنوان الموضوع مدري وش يبي

لان الكلام اللي بكتب بعد عنه مدري وش يبي

وكل شي في هالعالم صار مدري وش يبي ...

لانه شي يقهر ولا ادري بعد وش يبي

وحرقت قلبي تقول اكتبِ شي مدري وش يبي ...

وانا احب اذا طقت في راسي اكتب شي مدري وش يبي << خلاص طقت روحي ولا ادري

وش تبي ؟؟؟؟ :sm247:




ناس ... لاهيه بتقليب في القنوات الفضائيه ... وهالقنوات ما صار همها الا عرض كل ما هو

مخزي ومشين ... ستار اكاديمي ... نجوم الخليج ... مشن فاشن << اخر شي مدري وشو

بس عن اللبس والتفصيل معاد غير هالحرمه السعوديه اللي فيه لابسه العبايه ومتنقبه يعني اني

محافظه على البس الشرعي ... اقول يازينتس وانتِ قاعدتن ببيتس تغسلين هديمات رجلتس

وتطبخين له الغدا يجي ويلقاه بعد تعبن شاق ... ياللي انتِ اصلن مدري وش تبين



وناس متوسده مخدتها على شاشات الاسهم ... وخسرت الاسهم ولازال لديهم ايضاً آمال

ومتوسدين هالمخده رغم الخساره الفادحه ... الله يرحم حالتكم بعد هالخساره ما اقول غير

الله يعوض خسارتكم .... لكن المشكله ياليته على كذا بعض الناس ماتوا وبعضهم مرضوا

والبعض ايضاَ اصابه الجنون بسبب الخساره في الاسهم ...

المال ليس كل شيء في هذه الحياة ... وصحة الواحد اهم من كل شي ...

انت لن تحمل المال معك في قبرك ايضاً لن تحمل سوى عملك الصالح ...

واللي خسر بالاسهم معوض ان شالله ... والله عطاك ... ومثل ما عطاك ياخذ اللي عطاك

ربي وزع الرزق بهالدنيا ... ولا تقول علشان الاسهم هي السبب ... مكتوب لك رزقك

يعني لو ما شاركت في الاسهم وربي كاتب لك الخساره في هالاموال بتخسرها..

لانه هو الرزق العليم القوي المتين ....

ويبقى شيء واحد ان تؤمن بكل ما اعطاك الله من رزق ....




وناس اربعه وعشرين ساعه على الاربعه وعشرين ساعه في النت :sm283: ياليته على شي يسوى

والا مشاركات زينه بالمنتديات ... بعضهم تلاقيهم ما يطلعون من الشات ياكلون ويشربون فيه

النت قبل ما يكون ساعة صدر يكون فائده ... انا ما اقول لا تدخلون ادخلوا بس بحدود

اكتبوا في المنتديات ادخلوا اقروا عن الادباء في هالنت الشيء المفيد

مو كل شي سوالف سوالف ... الله لا يعاقبنا





وناس مغزلجيه سماعات التلفون ما تفارقهم ابد ولا تلقى معه جوالين والا ثلاثه .. وهو طفران

ويوزع على بنات خلق الله بطاقات شحن ... والا خواته طلبوا منه شي اف انواع الذل يذلهم

جيد على بنات الناس يوزع دراهم ذا الطفران ... ويقعد يفقش على هالبنات انا سيارتي همر

ولوحتها مكتوب عليها بعد همر 666 وانا ارقامي ما تلاحظين كلها مميزه وانا وانا وانا

المشكله ارقامه بس المميزه والا السياره ددسن ابو غمار ... ولوحته مدري وش تبي

وكل فلوسه متسلفها .. من واحد من الربع بس عشان يرز خشيشته عند هالبنات اللي ما يستحن ويكلمنه

وفي النهايه يجي الاب الكريم ويدفع الديون اللي على ولده الطفران << الله يرحم حالتك ايها الاب الكريم





وبنت تلقاها خرطي ما عندها ماعند جدتي تجيك تدوج بالاسواق وعلى بالي برستيج وما افطر الا بالمملكه

ولا اتغدى الا بالفيصليه .. واتعشى بصحاري ... وانا ما البس الا ماركات وخرطي تلقها شاريته من

سوق اوشيقر مطبع عليه انه ماركه يعني اني ... :sm227:

ولا تفطر الا فول وخبزه يابسه ... وتتغدى كبسه وتتعشى نواشف الله يكرم النعمه




وعندكم لا عبين المنتخب ... :sm168:

راحوا لألمانيا ... ولدينا فيهم آمال فشلونا الله يفشلهم ...

انكبت عليهم هالفلوس من بعد اول مباره كل واحدن مية الف .. وروقو عليها ولاعاد لعبوا زين في

مبارتهم ضد اوكرانيا ودكم من يذلهم ويسحب هالميه الف منهم مرتن ثانيه عقب هالخساره الفادحه

اجل مية الف هينه ... هذي ما يجمعها موظف في بداية حياته ... ماودكم تصيرون يا شباب المنتدى

لاعبين كوره ترى مهيب شينه على الاقل تحصل لك في مبارة وحده مية الف اجل لو انهم فايزن

على اوكرانيا مية الف ثانيه صارو ميتين الف .. وعلى اسبانيا صارن ثلاث

هذي تزوجك وتسكنك وتعيشك احسن عيشه :sm113:

ترى ماهيب شينه انك تصير لاعب ... <<< تبي تدخل الفكره بروسكم



بزران آخر زمن ... :sm285:

هذولي مشكلتن عظيمه معاد فيه برائة مثل اول وين برائة الطفوله امحق برائه تلقى الطفل

اول ما يدخل اول ابتدائي معه جوال ولا مهوب اي جوال اخر مديل ولا ويليته اخر مديل وبس

لازم البلوتوث فيه والا يزعل على ابوه ويجي هالابو العطوف ويعطيه الجوال وافتح الجوال

وشفه معه الله من البلاوي ... ويليته على كذا يتكلم كلام كبار هالطفل الصغير ... ولا بعد

صاروا يتكلمون عن الاسهم ...



اما السحالي الصغيرات ... تلقى الوحده فيهن من يوم عمرها سنه تقول ما بي اكرر لبسي مابي

يعني ما بي << شف حتى اللبس ماتبي ولا بعد وتصيح اذا ما شريتوا لها لبس جديد ... كل فتره

وفتره وتشقق كشرتها لما يشترون لها ملابس من صغرها فيها حب اللبس وتبذير الاموال

وان راحت السوق تتنح عند محل الاطفال ... وعند فساتين هالبنات وهاللبس اللي مافيه ازين

منه


وين برائة اول يجيك هالولد الصغير يشتري من البقاله ببس ( بيبسي ) ومع الببس يشتري ريكو

ويقعد ياكله قدام بقالة السعاده ثم يجي صديقه يروح هو ويا صديقه طردي في الحارات

ويجي ابوه ويمعط اذينته ويوديه معه لمجالس الرجاجيل << ايه الرجاجيل خخخخخخخخخ

والبنيه الصغيره مع اميمتها تجدل هالشعر الطويل الزين وتقعد تصلح مع اميمتها المرقوق

مهوب مثل الحين البنت حتى الشاهي ما تعرف تسويه ...


هذاك زمان اول الله يازمان اول << كني عجيز ... :sm97:



هناك الكثير والكثير في خاطري .... ولكن .. ان كتبت .. فالكلام يطول ...


ولا ابي اطول عليكم ...


مااقول غير الله لايلهينا الا في طاعته ...





دمتم .... سالمين ...

السلام عليكم ورحمة الله وبركاته

الحمد لله على السلامة اختي الفاضلة اولا

ثانيا يالروعة موضوعك اسلوب جميل في طرح وخفيف على من يقرا الموضوع

القنوات الفضائيه

اللبس الشرعي ...

الاسهم ...

ادمان الانترنت



المغازلة


البنات والاغراء

الكرة


اطفال اخر زمن


موضوعات مهمة جمعها موضوع واحد


ابداع**ابداع


اشكرك على الاجادة في الكتابة واتمنى الاكثار من هذا النوع من المواضيع

طرح جميل وباسلوب بسيط وموصل

سلمت الأيادي

دمتي بكل الخير ،،،،،،،،،،،،،،،،،،،،،،،،،

لو تفكرنا فيما قلتي حرفاً بحــــــــرف لأدركنا الصله المتقاربه
بين هذه المقتطفات الجميــــــــــله التي تضرب على الوتر الحساس
لاعدمنا هذا القلم المتميز حنين الذكريات

أشكرك جزيل الشكر حنين الذكريات

لما قدمتي من روعة في مضمون الموضوع القيم

والمفيد بكل ما جاء به

لك تحياتي

همسة حب

ابو يوسف ..

حياك الله اخوي ..

وشاكره لك مشاركتك الطيبه ...


\


سفير الشوق ..

هلا فيك اخوي .. شاكره لك مشاركتك الطيبه ...




/



بحر الحنان

هلا فيك اختي الغاليه ..

شاكره لك تواجدك الطيب ...




/



همسة حب

حياك الله .. شاكره لك مشاركتك الطيبه ..

حنين الذكريات..

قلم ساخر يكتب عن قضايا معاصره بأسلوب محبب للنفس..

أجدتي أختي الفاضله في طرحك وأوصلتي المعلومه بأسهل الطرق..


كلنا شوق لجديدك..لاتبخلي علينا..


تقبلي فائق احترامي..

سلمت يداكى على هذا الكلام الجميل

وياريت حد يسمع ويستفيد

ولكى منى تحية عطرة