الشعب المصرى شعب عريق فى الحضارة وهو يقابل دائما المحن والصعاب بالكثير من الضحك والسخرية والنكت...والسخرية والنكت قد تكون نوعا من انواع الحيل النفسية التى يقابل بها الانسان بعض المواقف النفسية وفى المثل (شر البلية ما يضحك) ....وفى هذا المعنى كان هذا الحوار الساخر بين اب وابنه عن الانتخابات المصرية فى عام 2055

**********

انه في يوم 1 سبتمبر عام 2055 وقد اقتربت انتخابات مجلس الشعب(البني ادمين) الجديد دار هذا الحوار بين أب وابنه

الابن : قريت جرايد النهارده يا بابا؟ مش الرئيس محمد مبارك أعلن في مؤتمر صحفي عن انطلاق الخطة الخمسينية الجديدة اللي هيستصلح فيها 10 مليار فدان زراعي ويبنى 150 مليون مصنع بكفاءة ، مصنع لكل مواطن وبذلك يكون وفر فرص عمل لجميع أفراد الشعب وأعلن أن ده برنامج الحزب الوطني في الانتخابات الجاية
الأب: ياه ، يا أبني ما تصدقش الكلام دة يا أبني ، دة كلام انتخابات
الابن : أزاى يا بابا ده اقسم بذلك أمام كل الناس
الأب: يا ابني سيبك من الكلام ده وخد الكلام منى أنا أدرى منك وافهم عنك في الحاجات دى ، يا ابني أنا مواليد القرن اللي فات.. الكلام ده باسمعه من أيام أول انتخابات وعيت عليها سنة 2005
انتهت الانتخابات دى وكانت نتيجتها أن حوالي 100 عضو من المجلس الجديد كانوا من جماعة تسمى الأخوان المسلمين وبقيت المجلس كله كان من الحزب الوطني باستثناء 7 أعضاء من المعارضة اللي لغوها بعد كده
الابن : مين كان رئيس مجلس الشعب ده ؟
الأب: كانوا بيقولوا انهم ناوين يعينوا واحد اسمه مصطفى الفقيه رئيسا لمجلس الشعب ساعتها بس ياعينى ملحقش لانه حصلته أزمة تزوير حادة نقلوه بسببها للمستشفى واحتاج نقل دم بسرعة ولما جم ينقلوله الدم كانت المفاجأة المدوية والاكتشاف العلمي الخطير وقتها إنهم اكتشفوا أن فصيلة دمه من نوع جديد اسمه
(M)
وهى اختصار
Mozawr
وكانت أول مرة يشوفوا النوع ده من الدم
الابن : وبعدين ؟
الأب : كان في وقتها الريس ماشى جنب مجلس الشعب بالصدفة فقال لما ادخل اصبح عالناس الحلوة بتاعتنا اللي جوه . ولما دخل فوجئ بالمنظر الرهيب دة وهو ان 100 عضو من المجلس كانوا ناس مش عارفهم وقال الله مش ده المجلس بتاعي!! .وساعتها وقف في وسط مجلس الشعب وقال الكلام دة تهريج، لا يا عم مش لاعب فقرر انه يقفل مجلس الشعب ويلغيه وحوله سوبر ماركت كبير يخدم منطقة شارع مجلس الشعب سابقا والقصر العيني وسموا شارع مجلس الشعب بعد كدة شارع السوبر ماركت

**********

الابن : طب وعمل إيه في الدستور ؟
الأب : ما هو علشان ما يدايقش الدستور أسس مجلس جديد سماه مجلس البنيأدمين مكون من 100 عضو : 70 عضو بالتعين منه شخصيا و 27 عضو بالتزوير والثلاث أعضاء الباقين يقسمون كالتالي : نصف عضو من القاهرة ، نصف عضو من الجيزة ، نصف عضو من الاسكندرية ، نصف عضو من محافظات البحر الأحمر، نصف عضو من الصعيد ،نصف عضو من بره مصر وعلشان برضه يحكيلنا إيه اللي بيحصل بره
الابن : طب ومدة المجلس ده كام سنة ؟
الأب : 50 سنة
الابن : طب والكلام دة مادايقش الأمم المتحدة ؟
الأب : طبعا دايقهم بابني
الابن : طب وعملوا إيه ؟
الأب : بدأت أمريكا تفتح ملفات التلكيك وبخاصة أنها كانت مجهزة ملف لمصر عشان تقدمه لمجلس الأمن عشان يفرضوا عقوبات على مصر زي ما عملوا مع إيران في ملفها النووي
الابن : وايه هو الملف دة يا بابا؟
الأب : الملف الزراعي ياحبيبي
الابن : طب وده كان ماله بالعقوبات ؟
الأب : أصلهم اكتشفوا أن في مصر شخص إرهابي كبير اسمه يوسف والي كان بينفذ مخطط بأنه يحول الشعب المصري لشعب نووي عن طريق تغذية الشعب بطعام مشع من اللي بيتزرع في مصر
الابن : طب وعملوا يه في يوسف والي دة يا بابا؟
الأب : اعدموه في ميدان عام بأنهم مشيوا علية بدبابة
الابن : يعنى إيه دبابة يا بابا؟
الأب : دي آلة عسكرية تستخدم في الحرب وكان عندنا منها في مصر قبل ما أمريكا الله يسامحها بقى تأمّم الجيش المصري وتصادرة بعد هذه الأحداث و احتلت أمريكا مصر في عام 2008
الابن : طب والاحتلال دة استمر كام سنة؟
الأب : استمر 75 يوم يا ابني
الابن : ياه ده على كدة بقى المصريين دول كانوا جامدين آوي ساعتها
الأب : الحكاية مش زي ما أنتا فاكر ياابني.. الحكاية أن بعد احتلال أمريكا لمصر بشهر وبعد ما رجع الظباط الأمريكان في إجازات لأمريكا بدأ يظهر تأثرهم بالحياة في مصر على المجتمع الأمريكي فبدا يظهر تيارات وأحزاب في أمريكا تطالب بتقنين الرشوة وتطالب بتفعيل قانون الإكرامية والفهلوة لما وجدوا أن الحكاية وصلت لكده قرروا فورا الانسحاب من مصر

**********

الابن : طب والريس كان فين ساعتها ؟
الأب : الريس ساعتها اخذ الكرسي وهرب والحكاية دى عملت أزمة سياسية خطيرة في العالم خلت شعوب العالم تتنبه للحركة دى وقرروا لزق كراسي الحكم بتاعتهم في ارض القصر الجمهوري أو الملكي في هذه البلاد..و فضلت مصر من غير حاكم ولا كرسى للحكم وده خلى أمريكا ما تعرفش تعمل في مصر زي ما عملت في العراق بأنها تجيب حاكم جديد بعد هروب صدام لان الريس خد كرسى الحكم معاة فالحاكم الجديد مش هيلاقى كرسى يقعد علية
الابن : وبعدين ؟
الأب : بعد محاولات مستميتة من الأمم المتحدة استطاعوا أن يقنعوا الريس بأنه يرجع للحكم علشان يمنعوا الفوضى في المنطقة ومن ساعتها الريس ومجلس البني أدمين بتاعه هما اللي بيحكموا مصر
الابن : وايه اللي حصل في مجلس البني أدمين ده ؟
الأب : مارس المجلس مهامه من سرقة ونصب واحتيال على الشعب المصرى الغلبان وتعاقب عليه اكثر من رئيس أشهرهم احمد محمد احمد فتحي سرور، واحمد محمد كمال الشاذلي واحمد محمد صفوت الشريف

**********

الابن : طب وانت إيه رأيك في اللي بيحصل واللي حصل ده ؟
الأب : يا ابني اللي نعرفه احسن من اللي مانعرفوش وربنا يخلي مصر لمبارك

**********


منقوووووووووووووووووووول:sm4:

الله يعطيك العافيه

شكرا على مرورك يامنى الابتسام