تكفى أنا ضيعت دربي بحبك
ارأف بحالي صرت أنا شبه رحال


مشيت في درب الهوى قلت قلبك
عسى يقلطني على راحة البال

سريت في دمي وتطبعت طبعك
هقيت من أظمى الاقيك شلال


لك خافقي أشعلته شمع(ن) بدربك
حبيتك وحسبي.. العرب قول وأفعال


ما كنت أفكر شمسي تغرب بقربك
وأن القمر من قسوتك صار تمثال


حبيتك وصرت الامل صرت صبحك
مدري ترقصني على دمع همال


أهملت قول الواشي لعيون حبك
وقلت اصبري هرج(ن) عواذل وجهال


اثريك استاذ على كل ربعك
وانا طلعت بهلوى قلعة ارمال


ليمن صفعك الحر حرفي يبلك
خليتني ضامي وحرفينك أزلال



والحين يوم أن الوجع طال دربك
وتعثرت بك خطوتك شفت غربال

طفل عشقتك اتقي فيني ربك
ذليتني في محبتك أكبر اذلال

عافتك نفسي ما ابي اليوم حبك
ابعد تراني ما ابي لعب اطفال


لمسة نقاء

حبيتك وصرت الامل صرت صبحك
مدري ترقصني على دمع همال


أهملت قول الواشي لعيون حبك
وقلت اصبري هرج(ن) عواذل وجهال



والله انى احترت اى بيت او اى بتين اختار


لان كل الابيات تكمل بعضها البعض
وكل بيت احلى من اللى قبله



لكنى ما اقدر اقولج الا



صح الله لسانج مليار ولا هنتي


والى الامام دوما


وربي لا يحرمنى من كتاباتكم الرائعه


عيني عليكم بارده

صح لسانج اختي على هالقصيده الحلوه..

لك خافقي أشعلته شمع(ن) بدربك
حبيتك وحسبي.. العرب قول وأفعال

الله الله الله صح الله لسانج


روووووووووووووووعه واكثر من روووووووووووووعه

عيبتني واااااااااااااااااااااايد القصيدة وصدقيني قريتها كم مره ومااكتفيت منها

دمتي بود خيتو ولا تحرمينا من يديدج الحلو

تحيتي لج