ملتقى النخبة - الــحـــلـــم **

:uu:

(( الحـــلــــم ))

من أول ما رجعت من السفر ما شفت لج بينه ** وأنا اللي كنت احسبج قبل أدوس أرض المطار
تجيني **

تكونين أنتي أول شخص عيني تحتضن عينه ** وكنت أتخيل لج من زود فرحة رجعتي تبكين **

وأشوف بدمعتج حكيك وأعرفه قبل تحكينه ** وأجيب أحلى من اللي بتحكينه ** وأتركك تحكين**

تقولين لي الوطن نور ** أقول بنور مضوينه** تقوللي غذيت أحلى ** وأقول عيونج الحلوين **

كلام نام بشفاهج وخفتي لا تصحينه ** ذخرتي الغرام اللي ينام ويتركك تصحين **

تاغنمتي غيابي** لين رجحتي موازينه ** تعلم من إيدج لمس الكفوف وعلمج تجفين **

وليتج لقيت به شيء ** فيني ما تلاقينه ** ما هو بغرور ** لكن خابرج مالك أمل تلقين **

تغافلتي بغلا والآ الحلا ما هو من زينه ** تزين ها الصور ** بس الصحيح أبن الحلال ازوين **

وأنا ماني ناقص عنه يوم أنج تبدينه ** نصيبي هو نصيبي لو يسددها من الصوبين **

قنوع بمظهري والسم ما يذبح ثعابينه **على قول المثل ما ني حلو لكن ما ني شين **

إذا اهداج الزهر مره ** فأنا أهديتج بستاينه ** وإذا لا هاج الفرح ليله ** فأنا نعت بكاءك سنين **

وإذا استضعفج أملاكه ** وشتتج ملابينه **

أنا حتى فتات الخبز أقسمها معج نصين .. طموحي بس أجيك واظفر بشيء تستحقينه **

تدينته ** تسلفته ** سرقته ** مو مهم منين !!!!! كأني من كثر ما أرضى بكل اللي تتمنينيه **

لو أنج تطلبين الله يعنينني بقول آآآمين **

أنا ما ألعب على الحبلين وقت الطيش وسنينه !! تبين الحين يوم أني كبرت ألعب على الحبلين !!

ترى عند البدو بالذات عيب اللي تسوينه **حلاتج لا عشقتني تعشقيني ليوم الدين ** غرام نسكن

ضلوعه ** حشيمه من مجانينه ** جفاء يجمع معزتنا ولا عشق يذل أثنين**

كثار اللي تحدوني وقالولي تحبينه ** أمانه لا تخليني صغير في عيونهم تكفين **

لأن كل ما قالوا تخون ** أقول مسكينه ** عليج الله وأمانه علميهم من هو المسكين **

أنا خايف لا طاح الجمل تكثر سكاكينه ** وأنا ما عادت ضلوعي تحمل طعنه السكين **

مثل ما قالوا المكتوب واضح من عناوينه لو أرحل منج للغربة أسافر من ظلامج وين ؟؟

كفاية كل حلم يمر في راقدي تزورينه ** كفاية من تفارقنا وأنا ما غمضت لي عين **

غريبة كل حلم يمر في راقدي تزورينه ** والأغرب كيف احلم الحلم ** وأرجع أحلمه بعدين**

قبل يومين شفتج في المنام وقمت من حينه ** ونمت أمس ورجع نفس المنام اللي قبل يومين **

للشاعر المعروف حامد زيد

:hhhh: