شف دربك اللي جيت منه تدله ..
 

اعجبتني هذة القصيدة ولو أنها ممكن تكون قديمة نوعاً ما
ولكن القصيد مايقيم بالعمر بل بالموضوعية والجزالة

اتمنى ان تنال على اعجابكم.. وهي لكل من باع محبوبة..!!



سوى اللى براسك ولا تذكر اسباب ... لاصرت بايعني توكل على الله

مابيني وبينك مشاريه وعتاب ... شف دربك اللى جيت منه تدل

ما راح تغلبني لو الحب غلاب ... من حضرتك من شان قلبي تذله

فى ذمتى لااجعلك عبره للاحباب ... لين الحبيب يتوب عن جرح خله

زلاتك اللى مانفع فيهم حساب ... لاجيت اعددهم ثمانين زله

فضحتنى مابين القرايب والاجناب ... كن الجفا سيفٍ بوجهي تسله

ماكنت اصدق فيك من كثر الاعجاب... يومك تساوى عندى الكون
كله
خلاص لاترجع ترى خاطرى طاب ... الخاطر اللى كنت عايش بظله

رح واعتبرني واحدن اذنب وتاب ... مانى بثوبن تلبسه ثم تمله

ما يجتمع بالحب صادق وكذاب ... رزقك على ابليس وأنا رزقي على الله








وسلامتكم




منقول طبعاً
والأخير من عندي عشان يكمل الناقص

رد: شف دربك اللي جيت منه تدله ..
 

مشكور اخوي على النقل الرائع


وصح الله لسان شاعرها وكاتبها


اخترت فأحسنت الاختيار فنقلت فأمتعتنا بنقلك الجميل




فلا تحرمنا من مشاركاتك اخى الكريم

رد: شف دربك اللي جيت منه تدله ..
 

كلمات جميلةاخي الكريم يزاك الله خير على النقل


ولكن : أين اسم كاتبها الأصلي ؟؟

إذا ما عليك اماره تكتب لنا اسم الكاتب اخوي والسموحه منك


لا عدمنا تميزك


اختك

ظبية العين

رد: شف دربك اللي جيت منه تدله ..
 

حلوه هالقصيده لكنها قويه

و على فكره.. انته كيف نقلتها بدون اسم الكاتب؟؟؟؟؟؟

رد: شف دربك اللي جيت منه تدله ..
 

مشكور اخي على القصيدة الجميل

اليك جزيل اشكرا

تقبل مروري واحترامي

اخيك عاشق ليبي

رد: شف دربك اللي جيت منه تدله ..
 

:z0500: بحر الأحزان
لاحرمك الله خير إن شاء الله
<----- والأخ في طور التجديد والمتابعة بس ينتظر حماس اهل البيت على بيتهم

:z0510: ظبية العين
التميز والله بأسمك على الصفحة
بالنسبة للشاعر والقصيدة أعتقد والله أعلم من بحثي بالنت وقراءتي لبعض قصائد هذا الشاعر أنها من أسلوبه هو الشاعر عطالله بن فرحان وهذي بعض قصائده على هذا الموقع

إلقائه جميل وقصائده كثير قريبه من الموال هذا .. وهو شاعر وإعلامي كويتي
سوى اللى براسك ولا تذكر اسباب ... لاصرت بايعني توكل على الله
مابيني وبينك مشاريه وعتاب ... شف دربك اللى جيت منه تدل
ما راح تغلبني لو الحب غلاب ... من حضرتك من شان قلبي تذله
فى ذمتى لااجعلك عبره للاحباب ... لين الحبيب يتوب عن جرح خله
زلاتك اللى مانفع فيهم حساب ... لاجيت اعددهم ثمانين زله
فضحتنى مابين القرايب والاجناب ... كن الجفا سيفٍ بوجهي تسله
ماكنت اصدق فيك من كثر الاعجاب... يومك تساوى عندى الكون كله
خلاص لاترجع ترى خاطرى طاب ... الخاطر اللى كنت عايش بظله
رح واعتبرني واحدن اذنب وتاب ... مانى بثوبن تلبسه ثم تمله
ما يجتمع بالحب صادق وكذاب ... رزقى على الله وانت رزقك على الله




وهذي نقدر نقول نصف مجاراة أو إعادة صياغة لهذه القصيدة وحقيقة لا أعرف كاتبها

ابـعــد ولانـــي بـنـاشـدك وش الأسباب ****** لاصــــرت بـايـعـنـي تــوكـــل عــلـــى الله

مـاتـاقـف الـدنـيـا عـنــد فــقــد الأحباب ****** هــــذاك دربــــي وأنــــت دربــــك تــدلـــه

حـتـى ولــو طيـفـك مـعــي مـابـعـد غـــاب ****** حــبـــل عــقــدتــه يا عسى ما تحله

كنـت أحتـرق شــوق ومواعـيـد وأعـجـاب ****** هــــذاك يــــوم أن الــغــلا فـــــي مـحــلــه

كـنـت أتمـنـى شـوفـتـك لـــو ورى الـبــاب ****** والـحـيـن حـتــى خـطـوتــي لــــك مــذلــه

بـغـيـت أعـلـمـك الـجـفـا يـمـكـن أتــهــاب ****** بـــس أن عـيـنـي قـالــت أنـســى وخــلــه

زلاتـــك الـلــي ما تقع فـيـهــم أحــســاب ****** لا جــيـــت أعــددهـــم ثـمـانــيــن زلــــــه

غـربـتـنـي بــيــن الـقـرايــب والأحباب ****** أي والله أنـــك صـــرت لـــي غـيــر عـلــه

رح وأعـتـبـرنـي واحــــد أذنــــب وتــــاب ****** مــانــي بـثـوبــا" تـلـبـسـه ثـــــم تـمــلــه

:ah: حور الشارقة
مشكورة على مرورك الكريم
وأنا يوم قريتها أذهلتني وعلى طول نقلتها وكتبت منقول
ولو سويتي بأي محرك بحث عنها فلن تجدي كاتب القصيدة بسهولة في كافة المنتديات والمواقع

:z0540: أخوي عاشق ليبي
لك مني فائق الإحترام والتقدير على مرورك الكريم
(وعلى الله تفهموا الدارجة ديالنا)

وأتمنى أكون أفدت وما طولت
<--- مسوي رد أطول من الموضوع الأصلي ويقول ماطولت

بس والله ماتوقعت هالتواصل كله فيكم

الشكر للجميع على التواصل

رد: شف دربك اللي جيت منه تدله ..
 

حاولت أعدل الإضافة هذي بالموضوع ماقدرت
قلت أنزلها هنا بعد للتحميل



للإستماع

رد: شف دربك اللي جيت منه تدله ..
 

صح لسانك

رد: شف دربك اللي جيت منه تدله ..
 

ابيات معبره ومؤثره صادقه في حروفها
احسنت الاختيار وكذلك البيت الاخير جميل