 |
 |
 |
|
|
|
|
 |
 |
خـــــــــــدمات الأعضــــــــــــاء
|
|||||||
.::||[ آخر المشاركات ]||::. |
 |
 |
| نبض المشاعر خواطر ....قصص قصيرة وروايات .... |
 |
|
|
|
|
|
LinkBack | أدوات الموضوع |
|
المشاركة رقم: 181
01 / 12 / 2007, 37 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
النهـــــايهـ.,.
(الفصل الثالث والعشرون ) >>بيت فهد بالشرقيهـ<< قالت رنا لفهد :-فهد لاتنسى تجيب حليب لفرح ابتسم :-طيب يابنت الحلال والله فهمت رنا :-ههههههههههههههه من قلب طالعه فهد :-شسوي عشرين مره تكررينها على راسي رنا :-ههههههههههه طيب عجل فروحه مابقي لها الا رضعه فهد (يبي يقهرها) :-لعيون فروحه اروح للصين انقهرت رنا :-احلف بس فهد (بصوته العذب ههههههه) :-احلف ورب البيت ..غيرك ماحبيت .. وعمري ياغلاي ..فدوه لعيونك مهما كان صوته نشاز ويجيب احباط الا انها تحبه وتموت فيه.. ناظرته بغرور :-ايه رقعها فهد :-هههههههههههههههاي مشكلة الحلوين لازعلوا وش يرضيهم ماقدرت الاتبتسم ويالله بالغصيبه راح يجيب اغراض لفرح .. دخلت المطبخ ترتب وتحوس فيه وضاع الوقت فجاه الا وباب بيتها يدق . ابتسمت لانها عوايد فهد يتعيجز ينزل الاغراض ويفتح الباب زي خلق الله .. مسحت يدينها وطلعت لباب الشقه واحتياطآ سالت :-من .؟ "انـــــــــــــــــــا" انفجعت رنا وماتذكرت الا اهلها .. فتحت الباب بخوف قالت بلا سلام :-ناصر ابوي فيه شي اخواني امي رغم انه جاي مبوز ولا تكلم من صدمته برساله دانه الي طلبت منها توصلها الا انه جلس يضحك انقهرت رنا :-نويصرررررررررررر ناصر (باستهبال) :-وجعووووووووووووه طيب سلمي قبل قلطيني مو كاني جايك من الرياض مسافر تذكرت رنا وحمر وجهها من الفشله :-يويو نسيت ياخي شفتك قلت فيه مصيبه مد بوزه :-لها الدرجه وجهي وجه مصايب رنا :-ههههههههههههههههه لا محشوم تفضل ناصر (قلبه يتقطع والبروده بكل جسمه بس يكابر) :-هههههههه ايه خليك حرمه سنعه رنا وهي تغمز له :-حرمه سنعه من زمان ناصر :-ههههههههههه طيب يالخبله (جلس يصارخ) ياااااااااااااااااقلب خالو وراح يشيل فرح الي توها صاحيه من النوم حتى ما امداها تفتح عيونها زين جلست رنا تضحك من شكله ودخلت المطبخ تسوي قهوه ..لحقها ناصر وفرح بين يدينه :-فهد طالع رنا وهي ترتب البيالات والفناجيل :-ايه طالع يجيب مقاضي للبيت قال بجديه :-تمام اجل اتركني عنك هالبرابس وقوليلي وش السالفه ناظرته وقالت بعتب :-مالك حق تجي من الرياض عشان هالسالفه ناصر :-الا لي حق ونص انتي تعرفين معزتها بقلبي تضايقت رنا مايهون عليها اخوها :-دانه لراكان ناصر بقوه :-راكان متوفي له سنه ونص يعني دانه حره تتزوج بعده رنا :-ناصر البنت ما تبي تتزوج سحب نفس وقال :-الكلام بالمطبخ وحنا واقفين ما ينفع تعالي نتكلم بالصاله وقبل لا يجي فهد رنا :-معك حق فهد على وصول وماراح نتكلم براحتنا لا جاء طلعوا من المطبخ .. اخذت منه فرح وقالت :-ناصر عمي حالف عليها ان ماتزوجتك انها لا هي بنته ولا يعرفها انصدم ناصر :-ايش رنا :-الي سمعته ناصر بذهول :-مو معقول ما يسويها عمي رنا :-نفس الكلام الي قلته لدانه لكنها كانت شبه منهاره وحالتها حاله ناصر رفع راسه من تاملاته :-سمي رنا : -سم الله عدوك ناصر البنت ناخيتك وانت ولد عمها يعني بحسبة اخوها لو ما خطبتها قال بحميه عيال العم :-تبشر وانا ناصر .. ابتسمت بفخر وحزن عليه في نفس الوقت قال بهدوء :-كلميها وعلميها ماتشيل هم وماتنغصب على شي هي ماتبيه وانا موجود رنا :-ان شاء الله (قالت بتردد) بس وانت وش بيصير لك سوى نفسه مو فاهم :-شلون وش بيصير لي رنا بعصبيه :-ناصر لا تستهبل انت فاهم قصدي زين ناصر بابتسامه حزينه :-يابنت الحلال لا تشيلين همي رنا والدموع بعيونها :-شلون ما اشيل همك انت تعرف ابوي نفس تفكير عمي يعني بيتبرا منك ناصر :-مافيه ابو يتبرا من ولده رنا :-ناصر انت تعرف تفكيرهم من العصر الحجري والله يسويها ولا تقول مو مسويها عندك اكبر مثال ولد عمي سعود طرده عمي من الشركه وزوجه نوف غصب وابوي كان عارف ان سعود مغصوب وماعارض انت لو تفكر شوي تلقى انهم ثلاث رجال لكن تفكير ومعتقد واحد ناصر ان خايفه عليك ناصر تاثر من حزن اخته :-رنو بدل ما تفكرين فيني فكري في دانه ، دانه ارمله ام ايتام محتاجه اهلها حولها محتاجه من يوقف معها ان تخلى عمي عنها قلدوه الكل وتخلوا .. رنا بين نارين نار اخوها ونار بنت عمها الي تحبها.. كمل ناصر وهو يمسك يد فرح ويبتسم بحنيه :-انا رجال واقدر ادبر اموري .. ويا بنت امي وابوي انا مديون لراكان والحين وقت سداد الدين انصدمت رنا :-انت تتدين من متى ؟ ابتسم :-فهمتي غلط راكان مسويلي معروف ماسواه ابوي لي وانا مديون له ..مديون بوجودي مع اهلي بين ربعي اخوياي جماعتي مديون له بكل نسمه هوا اتنفسها هنا بالرياض ..راكان هو السبب في نقلي من تبوك للرياض تخيلي لولا مساعدته كان عشت في مدينه بلحالي لا ونيس ولا رفيق حتى اجازات زي خلق الله مافيها كلها يومين من كل عيد تخيلي هذا موت بطئ للواحد وخصوصا لي لانك تعرفين شكثر احب الرياض ولا استغني عنها مالقت رنا كلام تقوله ..لان كلام ناصر صح ميه بالميه .. رنا بغصه :- والسواة ؟ ناصر :-خليها على ربك الا وباب الشقه يدق وقفت رنا لكن ناصر قال لها تجلس وراح يفتح الباب وطلع له فهد مثل ماقالت له رنا .. فهد وهو منزل راسه يمسك الاغراض زين لاتطيح :-هاااااااي حبيبتي امسكي البيض لا يتكسر ناصر باستهبال :-طيب حبيبي تروع فهد وطاح طبق البيض من يده :-ههههههههههههههههه لابارك الله فيك من وين طلعت انت ناصر :-ههههههههههههه ياخي انت وحرمتك قليلين اصل سلموا اول سلم فهد عليه :-ههههههههههههه الحين جاينا في بيتنا في هالليول وتسب ناصر :-ههههههههههههه ذليتونا ترى ودخلوا داخل .. طبعا فهد كان مستغرب زياره ناصر بس ما علق على الموضوع على العشا قال ناصر لفهد :-اليوم جيت ازور واحد من خوياي مبطي عنه وقلت لازم امركم لاني بمشي الرياض بعد شوي انهبلت رنا :-تمشي الرياض الحين الساعه 11 باليل فهد بجديه :-مهبول انت ولا تقول دوام وخرابيط بكره خميس ناصر بعند :-عارف ان اليوم اربعاء وبكره خميس قالولكم ناسي التواريخ والايام رنا كاشفه حركته :- هاهاي علينا .. لا تجلس تستهبل الليله تنام عندنا وبكره براحتك ناصر :-لازم ارجع وبعدين كلها ساعتين ونص واكون هناك انهبلت رنا وتبققت عيون فهد :- مجنون انت انا اخبر المسافه حوالي اربع ساعات ..الا اذا كنت ماشي الطبلون جلس ناصر يضحك على اشكالهم .. ناصر :-عادي مو شي جديد رنا من قلب :-ياويلي اخوي موب صاحي فهد :-وانا اشهد .. وقف ناصر .. رنا :-هذا عشا ؟ ناصر :-شبعت كثر الله خيركم فهد ورنا :-صحه وعافيه ناصر :-يعافيكم غسل يدينه ثم رجع شرب بيالة شاهي على السريع ووقف يودعهم ..طبعا وكل الاعتراضات مانفعت فيه. قال فهد وهو نازل معه للمواقف تحت :-ايوووووووووووووووه نسيت ان الاخ بيخطب بكره انقبض قلبه وماقدر حتى يبتسم مجامله :-شفت عاد لازم ارجع بدري عشان انام واقوم مصحصح ما انتبه فهد لملامحه المتغيره وجلس يعلق شوي عليه ..بعدها ودعوا بعض وطلع ناصر للرياض .. كان مهموم وحزين ..ماتت فرحتي وهي مابعد شافت النور ما يفضح اللي حب الا آخر اللحظات لامد كفه بالوداع وصد بعيونه معاه رايات الاسى وجيش من العبرات وبين الحنايا صهيل خيول محزونه كنه على موعد معك يا هادم اللذات من شاف ما صابه يقول الله في عونه سلام ياللي ناوي الفرقى عدد مافات وتعداد ما مر السحاب وهلت مزونه سلام من قلب سكنته انت والحسرات غلاي تكفى يا مودع ناظري صونه ارحل وأنا برحل معي هم وتعب وسكات وأسرار ما بيني وين الروح مدفونه ارحل مادام الله كتب لك يالحبيب شتات مالي على حكم القدر راي ولا مونه مالي بعدك الاالصبر ومجاذب الونات وقصيدي اللي كل خلق الله يغنونه وان طالت الغيبه ابنعي الحب لو مامات عسى الهوى يشتعل بك وتردك ظنونه وباحاول أنسى لو يصيح الشوق بي هيهات وباحاول اسلى ولو يصيح القلب ما أخونه * كيف بنساك يادانه ..كيف ! جيتي على الجرح وطلبتي فزعتي .. "ناصر وانا اختك..مالي من بعد الله الا انت تكفى فكني من هالزيجه الي مانبيها" آآآآآآآآآآخ لو تدرين من انتي .. ومن الناس عندي لو غيرك طلب هالطلب ماعبرته لكنك دانه ..دانه كنت اعرف انك لغيري وحتى بوفاته .. حبه مقيدك ما تنلامين يا بنت العم راكان رجال صعب ينوجد مثيل له حتى انا الي احبك عرض السما والطول ماجي شي عنده قدمت لي معروف يبو فيصل وجاء الوقت الي ارده فيه .. وبرده القلب .. مايعشق غيرها وان ماكانت لي مابي غيرها .. وشلون ماحبها وكل هالوفا موجود بقلبها صانت بيتك ..حلالك..امهاتك وكافحت ومازالت تكافح عشان تعيش بامان الله بين ذكرياتك .. كنت عارف انها ماتحبني لكن الغرور اخذ مني الي اخذ ومن اعلى سما طحت وطيحتي كانت قويه منيت النفس ومنيتها ثم منيتها ..لكن باختصار مالي في الطيب نصيب \ / \
    
|
|||||||||||||||||||||||||||||||||
|
المشاركة رقم: 182
01 / 12 / 2007, 38 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
><بيت راكان ><
؛؛اليوم الثاني؛؛ تعال............... تعال.......... طفي النار الي تسعر !!!!!! كانت جالسه على الارض في غرفة عيالها تلعب معهم ..العين عليهم والقلب مع الي اخذه وراح.. كيف تنساه وهي تشوف نسختين عنه ..العيون ..الحواجب .. متى بس متى هالالم يوقف ! متى يخف الشعور بالخساره ! متى النار تـــــــــبرد .. والقلب يرتاح ..والعين تغفى ضاقت فيها الدنيا وهي تتذكر ابوها وعمانها واجتماعهم الي اليوم.. يحسبونهم متفقين على خير ..لكنهم متفقين على اعدام انسان ليه مايفهمون ويستوعبون ويتيقنون ..ان في القلب واحد ..مامعه ثاني .. وانه لوبعد بعيد ..بعد نجم سهيل .. بعد الفضا .. والافلاك ..محبته ماتنقص تزيد زحام لكنك تحديت الزحام..ماشوف بحالي احدآ ســـــواك انت تعال لا لا تغيب عني حــرام ...ماللبشر قيمه الا من تبينــــت كل الوجيه تمرني مر الكـــرام ...وجهك سكن فيني انا وين ماكنت لو المســافه شاسعه يبقى الهيام ...بقلــبي ولو بآخر الكون ابتعدت همس القلوب يظل لو عز الكلام ...تسمع لي بصمتك واسمع لك بصمت ياعايش (ن) بنبضي وبعيوني تنام ... كل البشر غدو صوره الاصل انت دخلت ام راكان معها الخاله مريم غرفة عيال راكان ولقت امهم كالعاده تبتسم لهم وهي تمسح دموعها .. ناظرن في بعض لمتى لمتى بتظل على هالحاله لاطلعات لا دخلات بس حزن في حزن ودموع تداريها عن الكل لكن على مين . ام راكان بحنيه :-يمه انتبهت دانه واخذت منديل من جنبها بسرعه تمسح به وجهها ابتسمت :-هلا يمه ام راكان بحزن :-راحت عيونك من البكا يمه ماقدرت تمسك نفسها ونزلت دموعها غصب عنها ..ضمتها الخاله مريم ومسحت على شعرها :-بس يمه قطعتي قلوبنا والله نسينا حزننا من خوفنا عليك وعلى صحتك ناظري شكلك ذبلانه ونحفانه واكل مافيه اكل قالت بتاثر من النفسيه التعبانه :-اكل ايش يمه وراحة ايش نور حياتي راح ..ماعاد بقالي شي اعيش له قالت بقوه :-اعوذ بالله وحنا وين رحنا عيالك وين راحوا .. دانه :-انتم حياتي يمه .. لكن نورها راح تاثرن امهاته وجلسن يمسحن دموعهن ... حست دانه انها تقلب المواجع ..وخصوصا لامه الي مصيبتها بعظم الكون وكبره عرض وطول هذا وحيدها وحيدها ! مسحت دموعها .. قالت تصرف الموضوع :-يمه انا مسويه حلى تحت ننزل نتقهوى .. امهاته :-يالله .. سبقتهم الخاله مريم وهي شايله فيصل ..اخذت دانه محمد وقبل لا تطلع قالت لها ام راكان :-يمه التفتت يمها :-سمي يمه ام راكان وهي تحاول تبلع غصتها :-يمه لا تغضبين ابوك ولا تدفنين شبابك (جت دانه بتعترض لكن ام راكان سكتتها)...راكان مات عارفه انك تحبينه لكنه راح فكري في نفسك انتي صغيره والعمر قدامك يمكن تتزوجين الي ينسيك راكان .. انتي بنتي قول وفعل وعشان كذا اقولك هالكلام لو غيري كان اعترضت عشان احفادها وعشان ذكرى ولدها لكني في النهايه فاهمه ومتعلمه والاهم اني احبك ولو عندي بنت ماحبيتها كثرك وانا كلي ثقه انك ماراح تحرميني من عيالي ريحة الغالي وعارفه انك بتربينهم احسن تربيه .. بكت دانه غصب وقالت :-يمه لا تقولين كذا عساني الموت ان طلعت من باب هالبيت وعساني الموت ان تزوجت غير راكان يمه انا احببببببببببببببببه امووووووووووووت فيه بحياته وبموته وماعاش ولا كان الي يجي مكانه وعياله بيتربون هنا وبيبقون تحت جناحك ام راكان وهي تبكي معه :-يمه وابوك ؟ دانه بثقه :-ماعليك يمه ابوي خليه علي ام راكان بخوف :-يمه وش ناويه عليه دانه :-ولاشي خليها على الله .. وضحكت وهي تشوف محمد يصيح يبي اخوه ..ثم نزلن تحت .. * * *________________________________________ >>>>بيت ابو خالد بالمجلس... صرخ ابو احمد :-شتقول يا ولد ابو خالد وهو ماسك اعصابه :-يا نايف خلنا نفهم بالاول لاتعصب يرتفع السكر عندك ناظر احمد في اخوه بصدمه "انهبل ذا " ناصر بهدوء :-انا رجال ماني بولد ابو بعصبيه :-لا والله منت برجال ولا ماقلت هالكلام ناصر :-يبه مافيها شي انا ما ابي اتزوج دانه ابو سعود :-وليه لا لعب عيال السالفه ابو خالد :-طيب انت كنت موافق وش غير رايك ناصر :-ولاشي ياعمي اصلا انا ماكنت مقتنع ويوم فكرت لقيتني مابي اتزوج ابو خالد :-انت ماتبي الزواج ولا ماتبي تتزوج دانه ناصر :-كلهم قام ابوه بيضربه لكن احمد مسكه :-يبه هدي نفسك ابوه بعصبيه :-انت سامع اخوك وش يقول مايبي يتزوج دانه ناصر وهو يوقف :-ايه مابيها كل شي بالغصب الا الزواج ابوه :-البنت مانبيها تروح لغريب ولا واحد طمعان في حلال هاليتمان حزت بقلب ناصر .. وسكت مالقى كلام يقوله فعلا دانه مزوجينها مزوجينها وهو اولى بها من غريب ياخذها منه . ارتفع ضغطه وطلع من المجلس ..بسرعه ناظروا الشياب في بعض وكلن مرتفع ضغطه .. ابو خالد قام بتعصيبه :-البنت هذي بروح اجيبها من بيتها لو اسحبها سحب راعينا مشاعرها ولا نفع سكتوا الشياب لان معه حق البنت صار لها شهور من يوم ماطلعت من العده والموضوع زاد عن حده والي يقهر هالخطاب الي يخطبونها ! تدخل احمد :-عمي هدي نفسك شوي ما تسوى تحرق اعصابك ابو احمد بعصبيه :-سوايا اخوك تسود الوجه سكت احمد ومارد لانه عارف انهم بيقبون في وجهه ان اعترض ..واصلا اعتراضه ماله قيمه . ابو سعود :-ابو خالد ماينفع تتصرف وانت عصبي اصبر شوي وخلنا نشوف لنا حل . وبالعله رضى وجلس قال بعصبيه :-راح اسكت بس لين يخلص عرس سلطان وقمر ومن بعدها لا احد يكلمني لاني بتصرف معها بطريقتي احمد ما صدق خبر :-ماقصرت يا عمي العرس مابقي عليه الا اسبوع ومانبي مشاكل بالعايله نبي نفرح .. ابو سعود :-صادق وانا عمك نبي نفرح ناظرهم ابو خالد وسكت * * * >>> بالسياره دقت رنا على ناصر واعصابها محترقه :-الوو ناصر بهم :-هلا رنو رنا بدون مقدمات :-شصار ناصر :-سويت الي تبي ورفضتها بس شكلهم ناوين عليها (قال بعصبيه) شوفي رنو ان نوو يزوجونها غيري بتقوم مذبحه انقبض قلب رنا :-الله لا يقوله دانه ماراح تتزوج بعد راكان ناصر وهو يتنهد :-نشوف وسكر الخط. دقت رنا على دانه ..ارتجفت دانه يوم شافت رقم رنا قالت بخوف :-هلا رنا نفس حالتها :-اهلين ابشرك ناصر ماقصر وهو الي رفضك انهارت دانه على سريرها من الراحه :-اشواااااااااا رنا بتردد :-دانه يقول لي ناصر ان نووا يزوجونك غيره بيقوم مذبحه ارتجفت وقالت بثقه :-طمنيه وقولي مافيه غيره عاد مو حلى كل دقيقه يقول لي ابوي تزوجي فلان ولا تبريت منك رنا :-هههههههه والله وطلعتي منتي بهينه دانه بالم :-رنو لاتزعلين مني عشان ناصر عصبت رنا :-دانه لا تقولين كذا حنا خوات وهذا الشي ان دل يدل على طيب اصلك وعلى حبك الكبير لزوجك الي اعتبره حي بوجودك ووجود التويمز فصولي وحمودي غير انك لو ماتحبين ولد عمك كان تزوجتيه وانتي ماتبينه تاثرت دانه من كلام بنت عمها .. سبحان الله فرق عن امها .. قالت دانه وهي تتذكر :-رنو وش اخبار امك حزنت رنا :-والله يا دانه ماخلى ابوي واخواني مستشفى نفسي ولا شيخ الا ودوها له دانه :-لاحول ولاقوة الا بالله رنا :-الشغالات مايجي من وراهن خير الشيخ يقول انها مسحوره ولاتقولين مو اكيد من الشغالات الا منهن ونص امي كانت تضربهن وحتى ناصر قال لي كم مره يجي ويلقاها تضرب الشغاله ويضطر انه يتدخل آخر شي طلبت تسافر ويوم سفروها انتكس حال امي مره دانه تفكر في نفسها "اللهم لا شماته,,صدق انه يمهل ولا يهمل ..تقوليم يا ام احمد ان الضرب يربي الحين الضرب هو السبب في حالتك الي انتي فيها" دانه :-والعمل! رنا بكآبه :-سوات الله ازين هي جسديا بخير بس عقليآ ماهي بالي ..بس تصارخ وساعات تهجد ..احسن شي انها ما تطيع الا احمد ولاتاكل الا من يدينه . دانه اكتئبت :-الله كريم .. رنا :-ههههههههههه يالله فروحه تصيح بروح لها دانه :-ههههههههههه بوسيها لي رنا :-تاااااااااامرين يالله سلام دانه :-سلاااااااااااااام. سكرت الجوال وهي تحس براحه ..فكرت طيب لمتى اليوم يبون يزوجونها ناصر وبكره من عريسهم الجديد .. وقفت ورجعت شعرها ورى ..كتفت يدينها ومشت للطاوله الي بين الصوفتين الي بغرفتها جلست على ركبها تناظر في صورته الي تعشقها ..والي مظلل بيده على عيونه عن الشمس .. وكالعاده ..نزلت الدموع بدل ما توقف ..والله لو نهر يمديه نضب وانتهى درب الحزن ماله نهايات ..وطريقه طويل ينتهي عمر الانسان وهو ما انتهى أفز من نومي وعلى الخد عبرات .. أقول لدموعي ترى ما نساني .. من يومها صرت أقضي العمر حسرات .. تمرني الذكرى تدمر كياني.. أحتاج لك دون البشر << أنت بالذات >>> أحتاج لك حاجة غريق للمواني.. وقفت ومسحت دموعها .. لازم تعيش وانا ماكان عشانها عشان عيالها ريحة الغالي .. طلعت تشوفهم وهي تمسح العبرات *
|
|||||||||||||||||||||||||||||||||
|
المشاركة رقم: 183
01 / 12 / 2007, 39 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
بيت ابو سعود
كانت منال نازله من الدرج .. صاااااارخت :-هلاااااااااااااااااااااااااااااااااااااااااااااااا ااااااااااااااااا مو معقوله انخرش قلب ام سعود ورجلها وطلعوا من الصاله .. ركضت منال الاوهي بحضن اخوها سلطان :-هههههههههههههههههه بسم الله علي خرعتيني منالوه منال بتكشيره :-هذا جزاي متحمسه لرجعتك ومشتاقه لك ما امداه يرد الا امه وابوه عنده وهاتك يا بكا واحضان... بعده بربع ساعه جلسوا ..بالصاله يتقهوون .. وهاتك يا سوالف ووناسه قال سلطان فجاه :-الا وش اخبار العايله سكتوا الكل واسودت وجيههم .. انسدت نفس سلطان عن الحلا الي ياكله وقال بترقب وخوف :-شصاير؟ الكل:-................ خاف سلطان :-يبه اخواني فيهم شي ................. انقهر سلطان ورحمته منال وقالت وهي مطنشه غمزات امها وجمود ابوها :-راكان بن عبدالرحمن يطلبك الحل طاح الصحن من يده وانكسر قال بذهول :-راكاااااااان .. منال :-ايه سلطان بصدمه :-متى ؟ منال بتردد :-له فتره سلطان :-متى؟ منال سكتت شوي ثم قالت :-قبل سنه ونص تقريبآ طلعت عيونه وقال كلمه كلمه بتعصيب :-يموت راكان ولا تعلموني ليه ماني ولدكم ماني من هالعايله اخيرا تكلم ابوه :-واذا قلنا لك بترد عنه الموت انقهر سلطان :-لا ماني براد الموت عنه لكن على الاقل اكون معكم في مصيبتكم .. ابوه :-اذا زواج هنادي مالقيت فرصه تحضره بتحضر عزاء راكان الا اذا ناوي تخربها سكت سلطان وفهم تلميح ابوه لان ماعنده اجازات واذا كان بيحضر فذا معناه انه بيكنسل دراسته كلها . ابوه :-المهم كل شي جاهز للعرس .. انا مدري ليه راسك يابس وماخليتني اعطيك المهر ابتسم سلطان هي الوحيده الي طاريها يشرح له قلبه :-ماعليه يبه انت الخير والبركه وانت ماقصرت كل تكاليف الزواج هديه منك عصب ابوه :-انت ولدي زيك زي اخوانك وانا مسؤول منكم ابتسم سلطان :-الله يخليك لنا يارب هههههه جا الوقت الي نعتمد فيه على انفسنا خلاص صرنا رجال وتعدينا الثلاثين ابوه :-بتظلون بعيني صغار لين اموت جلس جنب ابوه وحب يده :-الله يطول بعمرك يبه .. وضاع الوقت في السوالف والصدمات الي تتوالى على راس سلطان من حادث سعاد لموتت ام محمد .. وش الي صار للعايله ..مصايب في مصايب .. والقهر ان ما احد قال له بس لما رجع فكر فيها لقى معهم حق وما معهم .. لانه بيترك دراسته ويجي ..يكفي انه بقي له ست شهور وياخذ الدكتوراه وانهم بالعله عطوه اجازة شهر ...لكن في نفس الوقت منقهر لانهم استثنوه .. ابتسم ابتسامة فرح لقرب اليوم الي اخيرآ بيجمعه مع قمر في نفس الوقت حزين لموتة راكان من جد صـــــــدمه عظيمه لا والي حز بنفسه اكثر ان ربي رازقه بتوامين عيال .. سبحانك ياربي ..لك في كل شي حكمه * * * >>>بيت سعود.. قال سعود يستهبل :-انا لك يابريق الماس الماس :-ههههههههههههههه لا والله مو تو انا دوبه وشينانه عقب ولادتي لناصر قال بوله :-انتي شينانه ياشيخه ارحميني وقومي ناظري شكلك وربي قلبي من قو دقاته لاشفتك اخاف يوقف حمر وجهها .. وفي هالحظه صاح ناصر يبي يرضع .. كشر سعود :-الحين ولدك ذا ورى ما تحطينه بغرفته الماس :-هههههههههههه تعرفني ما اتحمل يغيب عني شوي قامت تسوي له رضعته .. اخذه من فراشه وجلس سكت فيه .. لين تجي امه .. ابتسم لولده الي جمع مابين ملامحه وملامح حبيبة قلبه تذكر كل المصايب الي صارت لهم ..بسبب موضوع العيال .. تذكر يوم الماس تتركه ، يوم انطرد من الشركه ، يوم يحسب الماس تحتضر كان يعرف انه يحبها ومتيقن من هالشي .. لكن الي ماتوقعه ان حبها يوصل لدرجة الجنون ..درجة ان كل حريم الكون ماقدرن يحلن بمحلها .. تعكر مزاجه يوم تذكر نوف وتذكر حقده عليها وكرهه اللامعقول لدرجة انه تمنى يوم شافها يخنقها ليلة الزواج يخنقها يذبحها يدفنها بالحيا ..انواع الاشمئزاز انواع القرف والحقد .. كيف بيحترم وحده متزوجته وهي داريه انه مايبيها .. كل هالمشاعر السلبيه بقلبه عليها من مو شهور سنين تفجرت ذيك الليله يوم طلعت اشاعه انها حامل منه ..في غمرة جنونه تعديه لمرحلة اللاتفكير .. سوا الشي الي عاهد الماس مايسويه ! صحيح ان الي سواه مو حرام ولاعيب ، لكنه خيانه لحبيبة قلبه .. والي مستغرب منه انه للان مو ندمان على هالشي ..هي الي جنت على نفسها كيف بالله بيصدقها يوم قالت له انها ماخانته وانها ماكانت فيوم لغيره .. الخوف من العار...ومصداقيتها الملغيه عنده كانوا من بين هالاسباب الي اجبرته يسوي سواته .. الي يريح في هالماسأة كلها انها تزوجت وشافت حياتها مع انسان مشهود له بالطيب والاخلاق .. ما انتبه الا الماس واقفه قدامه تبتسم له وبيدها رضاعة نصور الصغير .. نسوا الولد ..ولاقدر ينزل عيونه ولاهي قدرت تنزلها عنه .. سبحان الله الي قوى هالرابط الي جمعهم اقوى واقوى رغم المحن والمصايب الي مرت بحياتهم .. رجع ناصر يبكي وقطع هالاتصال الحسي بينهم .. الماس :-ههههههههههه نسينا الولد الله يخلف علينا من اهل سعود :-ههههههههههههههههههه انا ادري عنك انا كم مره اقولك لا تحطين روج يلمع حمر وجهها :-هههههههههههههههههه مدري متى بتترك حركاتك غمز لها :-ليه مو معجبتك؟ غمزت له وضحكت زينت الرضاعه بيد ناصر عشان يمسكها جلست تتامل ولدهم ضمها سعود وقال بحب :-ياما قلت لك ربك كريم بس انتي عقدتيني بهبالك ابتسمت وهي تحس بالدموع سبحان الله يغير الحال من حال لحال .. الماس برقه ودلع :-احبك شسوي سعود خق :-ههههههههه تحبيني تقومين تتركيني كشرت وهي تتذكر هبالها قبل :-شسوي انت كنت رافض تتزوج ومالقيت الا اتركك عشان يجليك ظنا سعود بجد :-اظن بعد كل البلاوي الي مرت علينا عرفتي اني يوم قلت ان نفسي ماتتقبل غيرك كنت صادق ابتسمت بحب وهي تمسك يده :-عارفه والله عارفه وانت عارف اني اموووووووت فيك وان مايملي عيني غير نظر عيني والي هو انت يكفي العذاب الي ذقته وانت بعيد عني .. خق من جد سعود ... *_^ * * * >>بيت ابو سعد كلمت ساره امها وهي تصيح وترتجف وتمسح الدم الي سايل من فمها :-يمممممممممه الحقيني تكفين انهبلت امها :-خير شفيك ساره بصراخ هستيري :-ابووووووووووووووي بيذبحني امها اختبصت من الرعبه :-شصاير ليه بيذبحك ساره صارخت :-يمه تكفين الحقيني جيبي احد من خوالي وسكرت الخط وهي ترجف .. جلست بزاوية الغرفه وهي تبكي وتلطم خدودها .. كيف صدقتك يا ماجد كيف ..قلت لي ان الزواج العرفي زي أي زواج ويوم طلعت حامل تهج وتتركني .. ليه ليه !! صارخت بهستيريا "ذي تالية الدجه بالاسواق والسفور ، ذي تالية رمي الغطا والكشف عن وجه مزين بدقه وضمير حسبتني فوق المستوى ومحدن يضاهيني ذكاء وخبث لكني طحت بالي اخبث مني ..، لاحقني من مكان لمكان عرف عنوان بيتي ..عرف مواعيد طلعاتي وكثر الدق يفك اللحام انا الغلطانه الي وافقت اقابله بالكوفي شوب جلس يتكلم عن عشقه المزعوم لي واقنعني وقال لي بنتزوج زواج زي أي زواج بس سر وبعد تردد وافقت فتنتني وسامته سحره نبرة صوته وتزوجنا وبعد شهور من زواجنا ومقابلاتنا السريه دريت اني حامل ومن بعدها ماعاد شفته .." صرخ ابوها :-افتحــــــــــي يا ................ حطت يدينها على اذانها عشان ماتسمع هالكلمه الجارحه .. صرخت :-انا متزوجته مو ........... ابوها والقهر يطحنه طحن :-وين ورقة الزواج يا بنت الحمايل وينها هالشريفه وينها صرخت بجنون :-معه الورقه هو قالي بيحطها بالدرج دورتها ومالقيتها شسوي صرخ ابوها وهو يمسك صدره الي بدا ينغزه :-انت حامل بولد حرام يا بنت الاصل والفصل صرخت بجنون :-لااااااااااااااااااااااااااااااااااااااااااااااااا ا صرخ :-لووووووووووووووووووووووووووا نزل بسرعه وناداى الخدم يجون يكسرون له الباب .. وصلت امها بسرعه البرق ومعها اثنين من اخوانها .. وسمعوا صراخ ساره فوق .. ركبوا بسرعه يلحقونها قبل لا تنذبح ويروح ابوها في داهيه .. لقوه ماسكها ويضربها برجله على بطنها وهي تصيح :-جبتيلي العــــــار جبتيه لي وهي تصيح ..وتتوسله لانها تتالــــــــــم .. تدخلوا خوالها ويالعزره قدروا يبعدونه عنها ... صرخ :-بنت الكلب جابت لي العـ.......(ومسك قلبه) آآآآآآه وطاح عليهم .. انهبلت امها تشوف حمد الي طايح ولا تشوف بنتها الي تنزف مره ومغمى عليها .. المهم ...دقوا على الاسعاف واخذ ابو سعد للمستشفى اما ساره فطلبوا لها اسعاف خاص عشان الفضايح لان المستشفيات الاهليه تتكتم احيانآ على مثل هالامور .. وبالمستشفى الحكومي .. انتظر واحد من خوالها ..والثاني راح مع ساره وامها .. جلس على اعصابه ..وبعد نص ساعه طلع الطبيب ووجهه ما ينتفسر وقف خال ساره :-خير الطبيب :-عظم الله اجركم خالها :-لاحول ولاقوة الا بالله الطبيب :-الرجال كبير بالسن مو حمل صدمات ع العموم الله يتغمده برحمته الرجال توفى بسكته قلبيه انت اخوه خال ساره :-لا قريب له الطبيب :-اجل ياليت تعطيني ارقام اهله ولا تكلمهم يجون هنا عشان يوقعون الاوراق ويستلمون جثته خال ساره :-ان شاء الله راح الطبيب وعلى طول دق على ابو علي (محمد) وبلغه بالخبر .. × وصل ابو علي المستشفى مصدوم مذهول من الخبر .. دخل على اخوه المسجى فوق سرير ابيض ومغطين وجهه .. حب على راسه ومسح دموعه ,, وطلع ..شايل عتابه بقلبه ..اخوي مات وماينفع العتاب الحين وقع الاوراق .. وعلى اساس ان بعد صلاة العشاء اليوم يدفنونه بما انهم ظهريه الحين >>>>> بالمستشفى الثاني جلست ام ساره تمسح دموعها.. مايكفي انها اجهضت بعد شالو رحمها بسبب الضرب الي جاها من ابوها ياربي ليش سويتي كذا يمه ليش انتي مو قد الثقه الي عطيناها لك هذا وانتي بالثلاثين اجل غيرك ماينشره عليه ... الله يعينك على خسارتك يمه .. وانا اشك ان موضوع العيال يهمك ..يمكن ما تحزنين الا على نقص انوثتك بس لان من جد ذا الي يهمك انا مدري ليه تفكيرك مريض كذا.. هل هي احقاد ابوك الي زرعها في قلبك من الصغر ولا تربيته المتسيبه ودلعه الي ماله سنع ولا رفاق السوء مسحت امها دموعها ..وجلست تقرا قرآن &&& & *
|
|||||||||||||||||||||||||||||||||
|
المشاركة رقم: 184
01 / 12 / 2007, 43 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
&&&
<>بيت احمد <> كان احمد جالس مهموم .. من نظره لوجهه الحبيب تقدر تعرف اذا هو متضايق او سعيد.. قربت لمه وسالته :-حبيبي فيه شي ابتسمغصب والافكار تاخذه يمين ويسار :-هاااااه لا لا سلامتك ابتسمت بحب :-علينا احمد :-هههههههههههههه دايم تكشفيني سعاد :-ههههههههههه شفت عاد يالله وش مضيق صدرك احمد :--------- مسك يدها يحرك اسوارتها ..وبحركته كان فيه توتر .. قالت بالحاح :-احمد شغلتني سحب نفس طويل وقال :-سعاد قالت بابتسامه حلوه :-ياقلب سعاد احمد :-هههههههههههههه خليني طيب اهرج زي الناس سعاد بدلع :-ماسكتك انا احمد خق :-ههههههههههههههههههههه لا ما مسكتيني بس عن الدلع والتسبيل .. سعاد :-هههههههههههه طيب احمد بجد :-ودي اني انقل واسكن ببيت ابوي ما استوعبت سعاد كلامه .. فهم كلامها غلط :-انسي الفكره سعاد بعجله :-لا لا كمل انا بس تفاجأت احمد بحزن :-امي تعبانه حييييييييل وانتي تعرفين ما تاكل الا من يدي وربي وصانا ببر الوالدين حتى لو كانوا كفار .. سعاد بحب :-هنا يالغالي ما تشور هنا انت تامر ..والي مافيه خير باهله مافيه خير بالناس ابتسم براحه وسعاده عز الله سنين عمره الي حبها فيها ماضاعت هدر وتستاهل كل لحظة عاشها يحلم فيها ويتمنى قربها وشوف محياها احمد برقه :-ما اقدر اقول الا اني ما ندمت ولاراح اندم في يوم على محبتي لك سعاد :-الله يخليك لي .. وانا شقول عاد ..عساني اقدر اعوضك عن كل المعاناه الي سببتها لك احمد :-ههههههههههههههه احلى معاناه .. من جد جتني حالات تمنيت فيها لو اخنقك سعاد :-هههههههههههههههه اف اف للدرجه ذي احمد :-وازود بعد ههههههههههههههه من جد عنيده مدري طالعه على مين سعاد خزته وجلست تضحك .. فهم عليها :-هههههههههههههههههههه حرام عليك انا عنيد قالت ببراءه :-ابدآ احمد :-ههههههههههههههههه ايه على بالي وفجاه جلست تضحك بهبال (متعود على هبالها مافيه مشاكل) احمد بابتسامه (الله يريحك زي ماتريحيني دايم) :-خير وش ذكرتي بعد هههههههههه سعاد وهي تضحك بهستيريه :-تذكر يوم طاحت الدجاجه على رجلك احمد :-ههههههههههههههههههههههههههههههههههههه سعاد وهي متشققه من الضحك :-ااااااااخ ياقلبي ههههههههههههههههههههه احمد :-كنت بتفيلح واطبخ وابتسمتي وتخملت ايديني سعاد راح وجهها احمر من الضحك ..:-هههههههههههههههههههههههه احمد :-ايه اضحكي اضحكي موب انتي الي بغت رجلك تنكسر غمزت له :-عوضتها يوم زلقت ومسكتني حشا فلم هندي احمد :-هههههههههههههههههههههه احلى شي الصراحه (وغمز) حمر وجهها ..منه وكمل :-عسى الله يتمم فرحتنا علينا ولا يغير قولي امين سعاد وهي تضمه :-آمين ضمها وقال :-ترى بننقل لبيتنا هاليومين سعاد بمحبه صح ماتطيق امه بس لاجل عين تكرم مدينه وعشان عين احمد تكرم مدن مو مدينه :-تامر امر احمد بخبال :-هههههههههههه ترفقي سعاد بدلع :-وان قلت لا احمد وهو يغمز :-عارفه تاليتها حمر وجهها وماخاب ظنها *_^ * * * * >>>>>>>بيت محمد جابت هنادي القهوه لمحمد ..وجلست قال محمد بتفكير :-هنود دريتي هنادي :-خير محمد :-عم راكان سعد قالت بحقد :-علامه عساه الماحي محمد :-توفى اليوم انصدمت هنادي :-هاااااااااااااااااه محمد :-توفى بسكته قلبيه وبيصلون عليه العشا هنادي :-لاحول ولاقوة الا بالله محمد والنار قايده بقلبه بسبب فعايله مع رفيق عمره بس يالله مات وريح هنادي :-بتصلي معهم محمد :-مدري الي سواه براكان ماينسي (وغص بعبرته) انتبهت هنادي لمزاجه المتعكر وابتسمت :-خلاص حمودي عن الكآبه .. محمد :-ههههههههههههه اخ يازين اسمي ولع وجهها وجلس يضحك عليها .. قال وهو يغمز:- انا ماوريتك تذكار اثري عندي هنادي :-ههههههههههههههه لا دخل مكتبه وثواني ثم طلع رفع اسوارتها قدامها ..:-شرايك صارخت هنادي :-هههههههههههههههههههه مو معقوله عندك للحين محمد :-ههههههههههههههههههههه احلى شي بحياتي هنادي :-ماتوقعتك ماخذه محمد :-سبحان الله شي شدني له واخذته وماخاب شعوري صار له معنى حلو بحياتنا هنادي :-هههههههههههههههههههه أي والله عشان اتذكر رباشتي واعقل محمد :-ههههههههههههههههههههه احلى مربوشه بحياتي هنادي :-ههههههههههههههههه وفجاه دق جواله رقم غريب .. عقد حواجبه هنادي :-خير محمد :-رقم غريب رد عليه :-هلا عقد حواجبه ..عقدها زود ...طلعت عيونه...شهق .....فز من مكانه فزت معه هنادي من الترويعه .. محمد :-انا جايكم الحين سكر الجوال ..وقال بسرعه :-هنادي جهزي لك اغراض بنزلك عند اهلك كم يوم تروعت :-ليه محمد بعجله :-بعدين بعدين ركضت وجهزت لها كم لبس طياري ..وطول الوقت كان محمد يكلم بالجوال وهنادي ترجف ماتدري وش الموضوع .. نزلها وقال بسرعه :-بكلمك زين واشرح لك كل شي الوقت عدوي الحين هنادي :-انتبه على نفسك محمد :-طيب سلام .. < < >>>>> بمطار الملك خالد .. دخل محمد بسرعه ومعه المحامي والاوراق الي طلبها ..منه حمد ربه انه لقى حجزلشخصين لرحلة رايحه للندن ... حمدان :-محمد وش صاير ليش طالب هالاوراق كلها محمد يرجف وشوي ويجيه انهيار :-بعدين بعدين سكت حمدان وركبوا الطياره ...لان رحلتهم بتقلع *
|
|||||||||||||||||||||||||||||||||
|
المشاركة رقم: 185
01 / 12 / 2007, 44 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
بذاك المكان
فتح عيونه وبهره النور...الااام مبرحه براسه وكل شي حوله ضبابي ماله ملامح "اه ياربي وش صاير لي راسي يوجعني وعظامي تعورني " حاول يتحرك وماقدر .. كانت تتكلم وتهذر على راسه ممرضه شعرها بني يلمع .. تذكر شي وماقدر يتذكره بنفس الوقت.. ملاك...ايه ايه يذكر ملاك شعره نفس اللون .. بس الملامح احلى .. ماقدر يستوعب الا وهي تنادي اسمه وتكلمه ...بالانكليزي طبعا حاول يتكلم لكن الكلام طلع منه متقطع ..كان وهو يتكلم يبذل مجهود كبير كبير .. عطته كاس ماء ومسكته له تساعده شرب وابتسم لها ابتسامه خلت وجهها يقلب احمر ,,, ساعدته وجلس رافع ظهره كانه احسن اليوم بكثير عن هالاسبوع الي استعاد فيه الوعي.. غمض عيونه لان النور مازال يبهره ويوجعه في راسه .. وطلعت الممرضه ..من الغرفه احتراما لخلوته بعد ماعطته محاضره عشان يناديها لا بغى يتحرك.. ناظر بساعه الجدار.. "اوف متي يجي المدلك الفيزيائي ويساعدني عشان استعيد لياقتي واقدر امشي مره ثانيه " وسرح في اعماق هالذاكره الي نامت ..مده طويله وتحتاج لوقت عشان يسترجعها كلها انقهر وهو مايتردد براسه الا صوت ضحكتها ,,ريحة عطرها .. غمض بقوه ومسك راسه بيده "منهي منهي " × × × عقب اسبوع{{ >>>>>> زواج سلطان .. بالقاعه ..* كانت قمر كاشخه ومتشيكه .. فستان نافش وشعر شنيون روعه ومكياج خليجي .. كان الكل كاشح حتى دانه متكشخه لعيون اختها ... كان الكل بالكوشه ..ابتسمت دانه للمهنين والي يسالون عن عيالها .. دربي طويل وتايه فيه ممشاي مثل الغريب اللي مضيع دليله يحدني وقتي على ضيم دنياي ورضيت بالمقسوم حتى قليله ياطول صبري وآآآه ياكبر بلواي أخفي عن العدوان همي وأشيله أخاف أبوح بسر قلبي وشكواي وتصير نفسي بين ربعي ذليله أضحك ودايم بسمتي تسكن شفاي ومن شاف حالي قال محد مثيله وأنا بجوفي هم والنار بحشاي والجرح ينزف والليالي طويله والعمر يمضي بي وحاير بممشاي محروم من طعم الحياه الجميله الياس حل وماتت اليوم رجواي ولاعاد لي غير الصبر من وسيله يالله ياعالم بسري ونجواي.. تشيل عن قلبي هموم ثقيله...!! ... تبتسم غصب عن العواذل وعن الشامتين لعيون اختها ولعيون من حبته فيوم .. الكل مجتمع والفرح عم ديارهم ..لكن القلب غزاه واحتله الحزن .. "ويني ووين الفرح عقب فرقاك يا ظنيني" دخل سلطان وتمت الزفه على خير .. عيونه بعيون حبيبة قلبه.. النظره الي ياما حلم فيها تجلت واضحه بعيونها ,,شوق لهفه وحنين .. جلس جنبها بعد ماسلم عليها ... وبعد الرقص والتصوير طلعوا ,, ،،،،، الساعه 3 الفجر رجعوا البيت ورجعت دانه معهم بناء على طلب من امها .. وما امداهم يوصلون الا هم نايمين .. ××× >>>>>>>اليوم الثاني بكت وشوي وتطيح على رجلين ابوها :-يبه تكفى مابي اتزوج تكفى ابوها بعصبيه :-بتتزوجين غصب عليك دانه وي شوي وتستخف :-يبه حرام عليك انا ام عندي عيال ابوها :-ايه وعيالك يبيلهم رجال يربيهم ويسنعهم دانه ودموعها تصب :-يبه تكفى لا تذبحني بالحيا ابوها قسا قلبه ولا دموعها مو هاينه عليه :-يرضيك كل يوم والثاني ادنى خلق يجون يخطبونك طمع في حلال هاليتمان ولد عمك اولا بك قالت بسرعه :-ناصر ما يبيني غصب طلعت عيونها وهي تو تنتبه للمصيبه الي قالتها .. مسكها مع ذراعها :-شدراك انه مايبيك دانه ماتعرف تكذب ووجهها حمر .. انصدم ابوها :-انتي قايله له مكلمته لوى يدها وصرخت :-لاااااااا يبه انا تربيتك لاااااااااا ابوها :-اجل علميني بالحقيقه مالقت لها مهرب لانه كشفها واضحه لسالفه لان رياجيل العايله مايتكلمون مع حريمهم بكلمه وحده عن الي يدور في مناقشات العيله .. علمته وانهبل منها ابوها .. عصب وقال :-احتراما لعيالك ماني ماد يدي روحي لغرفتك وتجهزي عرسك على ناصر الخميس صرخت وراحت لغرفتها القديمه تركض مثل المجنونه ودموعها تسيل... لحقتها امها عقب ماتهاوشت مع رجلها قالت تهديها :-يمه يمه هدي نفسك بحاول اكلمه (عارفه انه مستحيل يوافق بس وش تسوي دانه وصلت لمرحلة الهستيريا ) دانه بجنون :-لااااااااااااااااااااااا وربي لاذبح نفسي وغير راكان ما اخذ امها بدموع :-يمه تكفين لا تسوين مشكله بالعايله دانه بجنون ازود :-قلت لكم وربي الي خلقني ورب الكعبه ما اتزوج غيره فاهمين فاهمين دخل ابوها الغرفه لانه سمع صراخها قال بعصبيه :-تبين تتزوجينه غصب عليك والعرس مو الخميس العرس عقب 3 ايام شرايك .. دانه :-لاااااااااااااااااااااااا وطلع من الغرفه راحت ضمت عيالها الي حسوا بالمها وجلسوا يبكون معها ... وربي مابكت عيني على شئ فقدته وراح.......% وربي ماأنزل دمعتي ولاحتى علشاني وربي ماشعرت بيوم صدري ضاق بي أوصاح......% كثرماضاق هالمره علي وصاح حرماني وربي ماعرفت أن الدموع أذابكيت رماح.......% الإبعد من هوبفرقاه حيل بكاني""^ قضت الليل كله بكا في بكا وماغفى لها جفن ولا ارتاحت لها عين .. طبعا .. انهبل ناصر يوم كلمه عمه وقال له العرس عقب 3 ايام ولا طقطقه ولاشي سكيتي وعقب يسوون الي يبون جلس ناصر يضرب اسداس في اخماس جاء بيعترض وعطاه عمه كلمه قويه خلته يسكت شكل عنده خبر عن رساله دانه الي تستفزعه فيها ماغفا له جفن هو الثاني والعمل ..البنت ماتبيه ومغصوبه عليه ؟؟ مسح وجهه بيدينه وهو يفكر ويفكر في هالمصيبه ..صح يحبها ويبيها بس مو غصب .. /
|
|||||||||||||||||||||||||||||||||
|
المشاركة رقم: 186
01 / 12 / 2007, 47 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
>>>>>>> في لندن دخل محمد المستشفى رجلينه ما تشيله .. اسبوع على اعصابه وهم رافضين يخلونه يشوفه ... والحين وافقوا.. كانت يرتجف ويرتجف ويرتجف موت الامل مو مثل موتته بعد ماهو من اليأس حيا وبعد ربع ساعه وقف قدام باب الجناح.. ووراه الفريق الطبي والفريق السعودي الي لحقهم غير حمدان المحامي .. قال حمدان بتفهم:-ياليت لو نخليه يدخل بلحاله لين يستدعينا محمد كان في مرحله التفكير والحكمه ابعد مايكون شكر حمدان الي تولى هالشي بداله .. انتظروه وانتظروه....وماتحرك الخوف شاله شلّ قال حمدان بنبرة اخوه :-سم بالله وادخل هز محمد راسه ودخل ... مشى والباب سكر عقبه من نفسه.. كان جالس ومعطيه ظهره ..شعرها مقصوص لكن الوجه مو بين .. غرقت عيونه بالدموع التفاته وحده ..وحده بس لكن حياته وسعادته وقف عليها .. "طلبتك ياربي يكون هو ...بكل اسماءك الحسنى وصفاتك طلبتك يارب لاتخيب ظنوني" حس بحركه وراه ريحة عطر مالوفه ومو غريبه ... ما التفت ..لانه مصدوم بالبندانه الي بيده واسم صاحبتها .. ليش مايتذكر ليش يعرفها ويحس فيها بس مثل ماهي قريبه لنفسه بعيده.. كانها واقفه قدامه لكن ملامحها ضبابيه .. محمد بصوت فيه دموع :-ر..ر..راكان ضربه هالصوت على راسه زي ضرب العصا .. تسند على العكاز الي جنبه مؤقتا لي متى مايستعيد لياقته وتصير مرنه عضلاته عقب هالطيحه الطويله بالسرير . التفت شوي شوي .. صرخ محمد من كل قلبه ونزلت دموع الصدمه مدري الفرح مدري الخوف من ان الي يشوفه خيال ... قال راكان بصدمه :-مـ محمد قال محمد بهستيريا :-أي ايه .. خمه ذاك الصداع وطاح مغمى عليه... صرخ محمد واستدعوا الاطباء ... جلس ساعتين ينتظر وينتظر..وطلع الطبيب محمد :-هاه بشر ... قال الطبيب السعودي المرافق معهم :-لا لاتخاف شي طبيعي احتمال تكون ذاكرته رجعت وماتحمل راسه الضغط واغمى عليه محمد بذهول :-هو فاقد الذاكره .. الطبيب البريطاني تكلم وشرح له الحاله من قبل للان ... وانه جاهم منقول باسعاف لانه كان صادم شي قاسي ومسوي له ارتجاج قوي بالمخ ..ففقد الذاكره وراح في غيبوبه ..ولما صحى ما كان على لسانه الا محمد وبعد جهد جهيد وصبر اسابيع قدر بقدرة قادر يعطيهم رقمه (رقم محمد) واتصلوا فيه لانه مجهول الهويه ومحمد الخيط الوحيد للكشف عن هالغموض انهار محمد على اقرب كرسي وهو يسمع تهليل حمدان الهامس وتكبيره لها المعجزه الي صارت ... طلعوا من المستشفى ... وبالمساء رجع محمد وخلى حمدان يشوف المعاملات القضائيه لاثبات هوية راكان بمساعدة السفاره السعوديه بلندن ... دخل غرفه راكان ولقاه جالس يقرا قران .. وقف قرايه وابتسم بمحبه كبيره جاه محمد وضمه من قلب .. قال محمد :-انت بخير وجلس يتفقد شكله عموما .. ابتسم راكان :-نحمده على كل حال محمد وهو شوي ويرجع يبكي المفاجاه اكبر من احتماله :-طيب شلون كيف ماني فاهم كان راكان تعبان لكن بنيته القويه مساعدته :-السالفه كلها اني وانا رايح اشتري غرض اسرع السواق وقلبنا كذا قلبه شي ماتتصوره وسكت لانه تعب محمد وهو مو داخله مزاجه السالفه :-طيب شلون كيف ..؟ لقوا بالسياره جثتين واوراقك واغراضك ..كيف راكان :- حنا كنا ثلاثه بالسياره انصدم :-هاااااااااااااااااااااه من شهادات موظفيننا انك انت والسواق .. قال راكان بكآبه :-تعرف مات هيرلي محمد :-مدري مو غريب علي شفيه راكان :-هذا الي يملك محل المجوهرات الي دايم انا اشتري منه محمد :-طيب راكان :-انا دقيت عليه يجيب لي مجموعه خواتم بشتري هديه لزوجتي والي جابه ماعجبني ثم قلت له اجل امش رح معنا للمحل وورني غيرها محمد :-طيب ما صار شي وللان ماعرفت من الثالث راكان :-اصبر هو قال لي انت خلص معاملات الفندق وانا بنزل اشتري غرض وتلقاني انتظرك عند الاشاره الثالثه الي بنفس الشارع .. محمد بدا يفهم كمل راكان :-وصار هالترتيب ودعت الموظفين ومريته وركب معنا واسرع السواق مره واثناء التقلب انا طرت من السياره بعيد واذكر اني مشيت مسافه لكن فجاه اغمى علي ولاعاد دريت عن شي الا هالشهرين الماضيين ... مسكه محمد مع يده وقال :-نذر علي لا اكون مسوي لك حفله ماصارت ولذبح بمناسبه رجعتك خمسة بعارين وعشرة روس من الغنم راكان :-هههههههههه كل هذا محمد بكآبه :-انت ماتدري وش صار لنا بغيابك انقبض قلبه :-د..دانه فيها شي محمد بانقباض في صدره :-لا زوجتك بخير وماشاء الله عليها بنت رجال ماصله (وسكت ماعلمه بعياله مفاجأه ) ابتسم بحب ... لازم اقوله ولافات الفوت وماراح يسامحني كل العمر محمد :-راكان راكان وهو ينسدح من التعب :-هلا محمد بتردد :-زوجتك بيزوجونها غصب بعد بكره .. جلس من مكانه وطار التعب :-هااااااااااااااااااااااااااااااااااه محمد خاف من ثورته ذي تنعكس عليه سلبيآ :-هدي نفسك وقف وقال :-اليوم نرجع الديره محمد بذهول:-انت تعبان صرخ راكان :-بترجعني ولا رحت انا حي مامت وماقدر محمد يمنعه ... طبعا بعد هوشات مع الدكاتره .. وتدخل من السفاره مشا راكان الي براسه وقرروا يحجزون للسعووديه من بكره الفجر يعني الصبح في السعوديه يوم زواج دانه... كان طول الوقت على اعصابه ومن زود العناد رفض يرجع بطيارة الفريق الطبي الي جايه من الرياض ..لكن بعد تهديد انهم مايرخصونه اضطر يقبل .. قال محمد :-اهدا ان شاء الله بنوصل .. راكان بتوتر :-كيف اهداء الحين عصر بالسعوديه توتر محمد زيه بس الي يريح انه طلب من خالد يمنع الملكه لين يوصل ولا احد فاهم شي ..لا العيال ولا هنادي لانه متكتم على الخبر لين تضبط اوراقه الرسميه ومعاملاته برى ÷ ÷ ÷ ÷ >>>>بيت ابو خالد قالت قمر لاختها الي تلبس عباتها :-دانه انتي مجنونه قالت دانه :-ابوي وين قمر :-توه رايح للمسجد عشان يصلي صلاة العصر دانه :-وامي قمر :-طالعه تشتري ملبس مدري وشو مسحت دموعها ... واخذت عيالها وشغالتها معها تساعدها بكت وبكت قمر ..الي ماسافرت شهر العسل عشانها .. طلعت دانه صاروخ لبيتها ..وعيالها معها .. ركبت السياره وقلبها يرجف رجف .. جا وقت الملكه ..المغرب ودانه مفقوده .. دوروها امها وابوها ومالقوها .. قب ابو خالد :-وين البنت؟ ام خالد مصدمه :-يافضيحتنا وين راحت نزل ابو خالد معصب صارخ :-وين الزفت الثاني احمد احمد :-سم ابو خالد :-وين اخوك احمد :-مدري (ماسك نفسه لايضحك لقيتوا ندكم ياهالشياب) ابوه بعصبيه :-اسمع دور اخوك لا والله لتتزوجها انت طلعت عيون احمد قدام :-هااااااااااا ابوه –جاك العلم قم فز معجبك شكل عمك وضغطه مرتفع .. احمد ماصدق خبر وطلع برى المجلس .. دق على رقم صديق ناصر :-نويصر ناصر :-هلا احمد احمد :-ياشيخ ورطتني ناصر :-ليش احمد :-ابوي حلف انك اذا ماجيت بيزوجني بدالك ماقدر ناصر الا يضحك احمد :-احر ماعندي ابرد ماعندك ناصر بضيق :-يفرجها ربك احمد مع اخوه ان الزواج مو غصب بس مايصير يتهرب كذا .. حمد ربه ان الزواج عائلي ..ولا كان جد زوجوه دانه بدال ناصر .. كلم سعاد :-هلا حبيبتي لقيتو دانه سعاد بضيق على حال بنت عمها :-ايه في بيتها بس عمي لايدري احمد بتفهم :-مانهبلت للحين عشان اعلم على هالمسكينه مالهم حق الصراحه .. سعاد بضيق :-يهونها ربي احمد :-على قولتك ..يالله سلام سعاد :-سلام &&& >>>بيت راكان .. قالت ام راكان لدانه :-يمه غلط الي سويتيه دانه بانفعال :-يمه والي يسوونه هو الصح يعني مريم :-لا معك حق يستاهلون ام راكان :-مريم حنا مانبي الخطا يركبها مريم :-الخطا راكبهم من روسهم ام راكان سكتت لان مريم معها حق .. مسكت دانه نفسها لاتبكي لازم تكون ذكيه وقويه وتقدر تتعامل مع هالوضع ..الي يشوف حالها الحين مايصدق انها دانه شريكة محمد والي مقترحه اقتراحات حسنت العمل وصارت سمعتها مشهود لها ..حتى ان المجلات حاولت تاخذ لها لقاءت وحوارات وهي رافضه نهائيآ هالشي تنفست بقوه وهي تناظر في الثنين الي نايمين وحاظنين بعض .. "انتم قوتي ادعموني يا قطعه مني ادعموني " سمعت صراخ تحت وانفجر قلبها بصدرها ...نزلت ام راكان تشوف السالفه وبقت دانه ضامه امها _مريم_ تنتظر المجهول ... نزلت ام راكان لقت ابو خالد واقف تحت :-هلا ابو خالد قال وهو منزل راسه :-حياك الله ام راكان وين دانه ام راكان :-موجوده ابو خالد باحترام :-ماعليك امر ناديها خليها تنزل وتلبس عباتها المملك برا ببيت الشعر ويبي يسمع ردها ام راكان وقلبها يعورها :-البنت مو موافقه ابو خالد بدا صبره ينتهي :-طيب ناديها .. احترامآ لشيبته نادت دانه .. ناظرت دانه في ام راكان –مريم- نظرات كلها خوف مخلوطه بتصميم ونزلت .. عينها بعين ابوها .. قال بعصبيه :-وين عباتك دانه بتصميم ولاهي ترجف وميته خوف :-زواج مو متزوجه ابوها :-يابنت لاترفعين ضغطي دانه وهي تهزء نفسها لاتبكين لاتبكين :-زواج مو متزوجه صرخ :-داااااااااااااااااااااااااانه نطت من مكانها من الخوف من جد اول مره تشوف ابوها كذا .. ابوها :-انتي وولد عمك ناوين لي بنيه هذاك ساعتين لين لقيناه ولين جبناه هنا غصب وانتي تتنحشين مالك والي "مالك والي" ليش تجرحني يبه ..ليش يعني انا دايره على حل شعري بكل مكان .. انت عارف اني ماطلعت من بعد وفاة راكان لمكان ..الا يوم الورث ومراجعات عيالي .. كنه حس انه قسى عليها ..لكن مارق قلبه .. :_ قدامي دانه بعناد :-مابي اتزوج ابوها بقهر :-امشي قدامي وسحبها من يدها سحب وهي تصارخ .."مابي غير راكان مابي" ابوها يسحبها :-امشي دانه بدموع وهي تتفلت من يده :-تكفى يبه يحرمون علي الرياجيل عقب ابو عيالي ولااذن تسمع.. ولاعين ترا وتشوف ! "اتركها يا ابو خالد"
|
|||||||||||||||||||||||||||||||||
|
المشاركة رقم: 187
01 / 12 / 2007, 51 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
.................................................. ... .......................................... .........................هدوووووووووء............. .............. ...................................... .................................. رفعت دانه راسها ، تصلبت يد ابوها جمود ...موت بطئ.. جلست ترجف وترجف وترجف وترجف..كانها محمومه ولا عايشه بالقطب الجنوبي .. يمكن ابوها معه حق يوم يبي يزوجها بما انها بدت تهلوس بسماع صوته .. ومارجعها للواقع الا ابوها يوم يقول :-لا اله الا الله لا اله الا الله رفعت راسها وطاحت عيونها بعيونه ... .................................................. ............... .............................................. قد سمعتوا بكلمة ويعجز الشرح عن التفسير وتعجز الكلمات عن الوصف" .................................................. ................ ............................................... لحظه فاقت الوصف والتبرير والتعبير ..يقف القلم امامها عاجزا حائرآ .................................................. .............. .................................................. . لما يموت القلب ..خلاص مات وماعاد هناك رجوى من رجوعه .. يظل ينبض وينبض وينبض نبضاته عذاب وقهر .. ليه لان الواحد يكون حي وهو اصلا مايبي لحياه الموت مره ارحم ولا الموت كل مره .. ناظرها ....بحنين والم وشوق واحتياج "تعالي لاحضاااااااااااااااااااااااااااني تعالي مشتاااااااااااااااااااااااااااق لك مشتااااااااااااااااااااااااااااااااااااااااااااااا ااااااق " ومافيه ردة فعل غير دموعها الي تسيل كانها انهار!! أنا عيوني حرمـــــت غيـــرك تشـــــوف .. والقلـــب حرم غيرك يحـــــب ثانـــــي .." كف الدمــــوع وأبعد الشــــك والخـــــوف .. القلـــب لك يا بعد عمـــــري موانـــــي .." دخيل قلبـــــك سو بي عــــاد معـــــروف .. لا تــذرف دموعـــك تبعثـــــر كيانـــــي .." إضحـــك أنا لضحتــك مشتاق ملهـــــوف .. يا من غرامــــك عن زمانـــي خذانـــــي .." ويا من بحبــــه صرت مغـــرم ومشغـــــوف .. للـــه درك ويـــــن حـــبـــــك رمانـــــي .." ماقول لك بالـــــروف ماقول بالـــــروف .. أقول زدنـــــي من الهـــــوى ماكفانـــــي .." أنت الوحيد اللي على القلـــب مألـــــوف .. وانت الذي أسقيـــه صافــــي حنانـــــي .." في وسط قلبـــي يالغلا أدخل وطـــــوف .. أنـــــا بحبـــــك يـا حبيبــــي أنانـــــي .." لني عطيتك في الهوى عهــد وحلـــــوف .. واعطيك قلبـي فوق عهـــــدي ضمانـــــي .." ويا خل غيرك حرمت عينـــي تشوف .. والقلـب غيرك حرم إيحــــب ثاااااااااااااااااااااااااااااااني .." * قال بمحبه :-تعالي .. لمني بشوق واحضني ..بعادك عني بعثرني صلبني في صقيع الموت ورد ثاني لهجير الشوق ذوبني تعال تعال طفي النار الي تسعر ! لمني بشوق واحضني ..عرقني فبحر عينك نسيني الالم كله تقرب والعتب خله اغسل كل شقى سنيني..وامسح دمعتي بعيني تراها جرحت جفني! لمني بشوق واحضني ..سكن رجفة ظلوعي كل خوفي من رجوعي ولاتطري سنين الظيم ..ذكر فرقاك يرعبني ولي لمني دفا حضنك وغفت عيني على صدرك احلفك لا توقظني احلفك لاتوقظني × تو تستوعب راكان حي حي مامات صرخت وركضت له باقصى ماعندها وضمته بكل قوتها ..تبي تحس انه حقيقه وانه حي حي حي قال راكان وهو يالله ماسك نفسه :-ترفقي يالغاليه ماودي اشوف دموعك عقب هالبعد كله ناظرت في وجهه الغالي الي مافارقها لا ليل ولانهار ..ماتغير عليها فيه شي غير انه نحفان والا العيون الذباحه ..والوجه السمح هو هو ! قالت وهي ترجف بقوه :-انت حي ولا اتوهم راحت لابوها تمسكه مع كم ثوبه :-يبه قلي تكفيى الي اشوفه صدق ولا خيال ابوها مسح دمعته بطرف شماغه :-لا يبه حي حي التفتت له وقالت وهي ترجع لحضنه :-مو مصدقه بغيت اموت يوم قالوا انك مت بغيت اموت .. راكان بهمس :-انا حي والحمد لله على كل حال.. نزلن امهاته من فوق ..لان ام راكان طلعت تنادي مريم تفزع لها لان اسلوبها فالكلام زين وممكن تقنع ابو خالد لا يزوج دانه غصب.. نزلن وهن مشغولات وماسكات بعض عشان الدرج عالي عليهن ومتعب.. واخر درجه سمعن ذيك النبره المميزه ... صرخت امه مريم :-ياووووووووووووووووووووووويلي هذا ناصر ام راكان :ماقدرت تشيلها ركبها وجلست على الدرج ركض لهن ضم امه ودفن نفسه في صدرها :-يمـــــــــه انهارت جنبهم الخاله مريم ورفعت راسه تلمس وجهه تتاكد منه من حقيقته .. موقف لا يسعني تجسيده بالكلمات ..دموع انذرفت سكايب وشهقات وصلت لسابع سما .. قال راكان يخفف هالالم عنهن :-خلاص كافي صار لنا ساعه نبكي يكفي خلاص امه :-اااااااااااااه يايمه ااااااااااااااااااه احس اني بحلم مو علم راكان :-وانا اكثر يمه والله العظيم انا مامت في الحادث كان غيري لكني كنت فغيبوبه ماصحيت منها الاقبل كم شهر امه :-ومادرينا عنك راكان :-يمه كنت تعبان وماقدر امشي غير ان الذاكره مارجعت لي الا يوم شفت محمد كنت اذكر اسمه ورقم جواله وبس ويوم اخذته السفاره السعوديه كلموه وجا..طبعا عرفوا اني سعودي من مفتاح الدوله الي بالرقم ومن هيئتي .. والحمد لله على كل حال امه :-ايه الحمد لله تذكرت دانه عيالها الا والشغاله جايبتهم من فوق لانه موعد اكلهم ومايحب ياكلهم الا دانه .. وقف مصدوم مشدوه يناظر في زوجته ووامهاته مو فاهم شي.. وقفن امهاته .. قالت امه :-سلم على فيصل ومحمد راكان بعدم فهم :-هااااااااااااه امه :-ههههههه عيالك راكان بصدمه:-هااااااااا اقبلت دانه لهم وقالت بحب وهي تاخذ فيصل :-هذولا عيالي وعيالك توام يوم سافرت كنت حامل مو مستوعب شي للان ..حتى يده وهو يمسك محمد بيشيله ترجف .. راكان :-عيالي دانه :-ايه راكان :-يعني انا ابوهم دانه بين دموعها وضحكاتها :-هههههههه ايه ابوهم .. ضمهم راكان ثنيناتهم مو مصدق انه ابو للحين .. يالله كل شي تغير وتبدل ... قال ابو خالد :-حمد لله على سلامتك ياولدي من كان يصدق قصتك راكان :-سبحانه ربي مايعجزه شي ابو سعود :-اهم شي رجعتك سالم ووقفوا عمان دانه وناصر واحمد وسعود وطلعوا .. مسك راكان ناصر قبل لا يطلع :-مشكور على كل شي ناصر بابتسامه :-الي سويته ولاشي قدام الي سويته معي راكان بتقدير :-عز الله انك رجال من ظهر رجال ابتسم ناصر :-ماعليك زود يبو فيصل اهم شي ماتزعل من شيابنا تعرف انت استبداديتهم راكان صح مقهور بس مو من طبعه التهور بالاحكام :-ماعليه انتهى كل شي الحين الله يوفقك ان شاء الله ناصر :-آمين كان الوقت قرابة عشر باليل .. وكالعاده نامن امهاته ..طلع غرفته وقلبه يرجف ياترى تغيرت يادانه ولا لا فتح باب الجناح .. صدمة عمره.. ولا كنه غاب يوم ولا كنه غاب سنه ونص ! الصور بمكانها ..ملابسه عطوراته اشمغته معلقه كل شي كل شي ... قالت له بهمس :-من يقول البعد يبعد القلوب كذاب التفت يمها حبيبة قلبه ام عياله رفيقة دربه قال وهو يجلس عندها ويضم ايدينها ويحبها اصبع اصبع :-سامحيني على كل العناء الي سببته لك قالت بهمس ودموعها تلمع كانها حبات الماس :-ماسببت الي الا كل خير يكفي وجود فيصل ومحمد بحياتي .. ابتسم بمحبه صادقه :-عمرك سمعتي عن صدمه حلوه دانه :-ههههههههههههههههههه رجعت تبكي وتمسح دموعها ..وخر يدينها ومسحها لها :-ليه الدموع قالت وهي تتامله تبي تشبع عينها من طلته الي انحرمت منها ، من خبث عيونه ابتسامته ..تعبيراته كل شي كل شي :-ابكي من فرحتي لاني اول مره طول بعادك اضحك من كل قلبي راكان بهمس :-عسى الافراح ماتفارقك دوم دانه :-بوجودك جنبي سند لي وحامي انا بخير ضمها واستكانت لصدره .. قال بيغير مود هالجو الكئيب :-اقول يادانه بعين راكانك.. دانه بابتسامه من القلب :-امـر راكان :-وش هالحلا الزايد حمر وجهها قال يستهبل :-ترفقي كشرت:-
|
|||||||||||||||||||||||||||||||||
|
المشاركة رقم: 188
01 / 12 / 2007, 54 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
شسويت راكان :-لاتسبلين بعيونك دانه :-هههههههههههههههههههه راكان :-احذرك مو من صالحك همست بدلع :-احلف راكان بملامح عناد :-تتحدين دانه وهي تغمز :-ايه *_^ * * انتشر خبر رجعه راكان في العايله وكانت صدمه عظيمه .. قد سمعتوا بميت يعود!!!! اذا لا فالجواب (ان الله على كل شي قدير) عمت الافراح بيوتهم ... واخيرا استقرت النفوس واستكانت ..الحياه دولاب يتقلب على بني آدم .. لكن والى هنا نوقف .. صفت القلوب وعادت لاوطانها ... ونال الخبيثين جزاءهم .. وربي يرحمهم برحمته من عذاب الاخره لانه اقسى وادهى .. عشنا قصص حب كثيره ..من واقعنا ومن حياتنا .. لكننا تعمقنا في اسرار هذي العلاقه الساميه ..اسمى العلاقات بين البشر &علاقة حبيبين تحت اطار الزواج& وتشاركنا في كل دمعة حزن وبسمة فرح ..مرت في احداث القصه بنشتاق لابطالنا ...فردآ فردآ .. راح نشتاق .. للاضداد دانه وراكان ..لو نرجع ورى نتذكر ماساة دانه الي تزوجت من شخص مايستحقها وعينه مايملاها الا التراب دمرها وزعزع ثقتها لكن هنا تلعب الاخوه والمحبه والصداقه الحسنه لعبتها عقلتها هنادي وخلتها اخيرا تتحرر من مجاهل هالتجربه القاسيه ، ونتذكر اعتراضات راكان عليها ورفضه للزواج ..لكنه سلم بالواقع وتزوجتها .. شوي شوي..جذبته كشكلا ..وخلته يحبها بكل جوارحه كانسانه ارق من نسمة الهوا واقسى من الالماس .. نتعلم ان مو من تجربه وحده تنتهي الحياه.. جمعهم عامل مشترك..تجارب سابقه نتيجتها الخيانه .. ومنهم نتعلم اصول الحب والتضحيه والثقه بين اهل الثقه.. صانت بيتها واهله في غيابه ونظرته وثقته لما سلمها حلاله ماراحت هدر ... ومن قال ان الحب يموت لا ..الحب الحقيقي خالد! × راح نشتاق للارادات الصلبه سعاد واحمد.. البدايه كانت سوء ظن..تطور الامر ووصل لمرحلة الالم والتحدي .. لكن في النهايه الحب يغلب والكبر يجي له يوم وينكسر للتواضع × راح نشتاق للمغلوب على امرهم سعود والماسته الحياه ماتكتمل ..جمعهم زواج تقليدي فجر بينهم مشاعر الحب اللامحدود.. يقولون صعب الرجال يكون وفي لزوجته لو كانت عاقر واقول لهم ليش لا ليش نخلي الخونه مقياسنا لكل شي .. وعندنا سعود والماس الي مر عليهم مامر على احد ومع كذا صمدوا وكافحوا .. وتكللت حياتهم بالشي الوحيد الي كان ناقصها (ناصر) × راح نشتاق لهنادي المرجوجه ومحمد الوفي .. نعم الصديق والاخ واذا تبون تعرفون معنى الصداقه احسن مثال محمد × راح نشتاق .. لرنا وصاحب الصوت العذب فهد ههههههه تزوجها شفقه ونخوه ..والحين يحمد ربه مليون مره انه رحوم ههههههههههههه لانه لولا رحمته ماتزوج نظر عيونه رنا .. رنا ماكانت تحلم تعيش بسعاده عقب الي شافته لكن الله كريم وماضاقت الافرجت × راح نشتاق لامهات راكان مصدر ابتساماتنا راح نشتاق لقمر وسلطان العاشق الهيمان وحبيبته الي حبته زود و زود وهي تشوف غلاها شكثر عنده خالد وايمان حب يمين ويسار لكن النصيب مايعلم به الا الله راح نشتاق.. لطلال ومنال والي زواجهم عقب كم سنه بينما يكون نفسه وتتخرج من الكليه .. راح نشتاق لناصر ... الله اكبر ياعيونن ناظرني..ساحرات ناعسات فاتناتي طاح في الحب من نظره واقسم مايخونه فيوم يمكن يكون انظلم لكنه راضي وقانع وان تزوج يوم وانا اقول لو بيتزوج عشان يجيه عيال يشيلون اسمه ولا القلب اوصد ابوابه عقب دانه .. × وراح نشتاق لشيابنا راعين الاكشنات بالقصه هههههههه × وطبعا ماراح نشتاق لام احمد الي تحت رعاية احمد وزوجته وسبحان الله الجبروت له حد وينتهي وطيحتها كانت قويه اسئتي معاملة الناس واهنتي الامانات الي بين يديك وفرطتي فيها والحين ذوقي جزاء افعالك × ماراح نشتاق لساره الي صارت ذليله وهي تحت نظر خوالها فقدتي كل شي بطيشك فقدتي الستر وفقدتي امكانيه الامومه .. هذي نهايتك وخلي السفور ينفعك الحين × ابو سعد & ابو علي & بدر الموت ..تردي الحال نوعا ما .. السجن هذا جزاء من حاول ياكل اموال الناس بالحرام ويقطع بارحامه ويمهل ولايهمل × نوف خسرتي احترام اهلك لك .. لكن الرسول صلى الله عليه وسلم قال (ان الله يقبل توبة العبد مالم يغرغر) انتي اخذتي جزاء افعالك بالي صار لك والضربه الي ماتقتل تقوي.. تبتي وجازاك ربي خير تزوجتي انسان متدين خلوق وعادل اغناك عن الكل وعلمك معنى الحب والعشره الطيبه × وهنا وصلت لمني بشوق واحضني..بعادك عني بعثرني لنهايتها ... وتنتهي الكلمات لكن قلوب ابطالنا نابضه والحب يبقى ! الكاتبه/ أميرة الورد25 1/9/1427 هـ ما اقدر اقول وداعآ .. لاني اكره الوداع.. راح اقول الا لقاء آخر قريب... اشكركم من كل قلبي سواء كنتم اعضاء قدم جدد وضيوف... عشت معكم احلى ايامي واحلى صيفيه .. نفسي اذكر اسماء بس اخاف اذكر ناس وانسى ناس .. لكن الغالين يعرفون معزتهم وحبهم عندي اشكر الي دعموني ساعدوني وقفوا جنبي ... اتمنى تكون قصتي لاقت القبول عندكم حتى ولو لجزء بسيط.. سامحوني ان كنت قصرت او اخطيت او تجاهلت دون قصد.. همسه/ النواقص بتكون كثيره ولا احد خلقه ربي بذا الكون كامل .. هذي القصه قطعه مني ..عاشت معي اكثر من 4 شهور .. حبيتها بكل جوارحي ..وماظنتي بحب غيرها .. اتمنى تكون وصلتكم احاسيسي.. اعذروني على كل قصور ..كل لا معقول..وكل حلم او مثاليه .. لان مافيه شي مستحيل ابدآ بشتاق لكم ولـ (لمني بشوق واحضني..بعادك عني بعثرني) محبتكم واختكم أميرة الورد25
كانت هذي قصة اسمها لمني بشوق واحضني للكاتبه اميرة الورد الله يعطيها العفايه وتألف لنا قصة بقمة الروعه جديده باحداث شيقه طبعا شكري موصول للاخت الغاليه على قلبي ظبية العين وعاشق ليبي على حسن متابعتهم وتشجيعهم لي بالاستمرار وترقبو القصه الجديده مختلفه ومميزه وتخبل بس رايح اعطيكم المجال تعطوني وقت يناسبكم نبدأ فيه قصة جديده
|
|||||||||||||||||||||||||||||||||
|
المشاركة رقم: 189
02 / 12 / 2007, 12 : 06 PM
|
|||||||||||||||||||||||||||||||||||
|
|||||||||||||||||||||||||||||||||||
|
رد: قصه جديده لعيون ظبية العين
آآآآآآخ يا ختي
والله ما ادري شو اقول شو اوصف اقولج اني عشت وياهم بكل احداث القصة يمكن شي قليل فكل مكان اتكلم عن القصه واضحك وياهم واصيح وياهم في لحظاتهم انا وياهم ليش ما ادري تسلمين على هالاختيار الرائع دائما تذهلينا بحسن انتقائك وروعة اختيارك اسمحيلنا على التعب إلي تعبناج فديتج والله ربي يحفظج يا الغاليه وفي انتظار المزيد والمزيد منج وإلي يريحج يريحنا غناتي دمتي بخير وعافيه
|
|||||||||||||||||||||||||||||||||||
|
المشاركة رقم: 190
02 / 12 / 2007, 26 : 11 PM
|
|||||||||||||||||||||||||||||||||
|
|||||||||||||||||||||||||||||||||
|
رد: قصه جديده لعيون ظبية العين
ياعمري ياظبية العين والله انا اختار القصه الي اسافر معها بكل حواسي علشان تعيشون الي انا عشته
|
|||||||||||||||||||||||||||||||||
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يا حظ من تعرف على ظبية العين | Clear sky | منوعـــــات 2005-2010 | 15 | 22 / 08 / 2007 34 : 09 PM |
| سراير أطفال وغرف نوم.... لعيون بحر الحنان | دعاء محمد | مجلس اساور الماضي | 6 | 30 / 03 / 2006 33 : 04 AM |
 |
 |
 |
 |
