:uuuo:
قالت الحقيقة فأضطهدت واتحرمت قالت ، قالت وياريتها ما قالت يتلاعب المدير ويوقع لزوجه مسئول كبير في دفتر الحضور و بتيجي في الشغل ساعة و بتغيب وبيمضي لها بالشهور والحوافز ماشيه وكمان الأجور قالت علشان قالت احتقرت واستهزأت واتهانت، قالت: لأ دول همه قالوا لها انه بيحبها من زمان ولا حد بالنسبه له قدها ولا زيها وسمي اسم بنته الكبيره كمان علي اسمها قالت قالت تعالوا يا مسئولين و انصفوا المظلومين ،هموا المسئولين واتوا المحققين واتقلبت المحافظه شمال ويمين بالتفتيش علي المكتب لقوا الموظفين ماضين الساعة 12 الظهر و معاهم المدير وما فيش غير اللي قالت ع التفتيش قاعده ياعيني وغيرها مافيش قالت : جري المدير الكبير يحمي ضهر المدير الصغير وقوام لم له الموضوع خايف الموضوع يوصل للبيه المسئول ووصي المحققين بشويش والنبي عليه وان والجزاء يكون تحت إيديه علشان يحكمه ويساويه وأخدوا الأربعه اللي مضوا كل واحد يوم جزاء ومنهم اللي قالت الحقيقه وكانت زعلانه ومتنرفزه علشان ده حرام لأنها قاعده في الشغل ومروحتش زيهم بيتها ومتعززه و هوه خد ست أيام بس علي كل ده وتقرير كفاية تلاته منهم أنكتب امتياز وتقريرها بس جيد جدا وعجبي عجبي علي اللي يقول الحق بالشكل ده قالت ان المدير الكبير ما عدهاش ما فتش أسبوعين وصدرلها قرار انتداب من غير ما تعرف بالتزوير والغش وأغمي عليها وراحت الإنعاش قالت قالت: حرمنا من حافز الاثابه علشان يوم واحد جزا وخالف القانون والقرار مافهوش كده قال لها بلاش المذكرة وبلاش الشكاوي والنيابة وها أديك الفلوس انتي بس علي جنب وانتظرت شهور من غير ذنب قالت قالت صبرت عليه كتير شهور وشهور ده مين ده المدير الكبير بيوزع الفلوس علي كيفه وبيدي المفتش ذي الغفير قالت قالت حرمني من أي فلوس بتتوزع كانت تتفرق علي ورق نتيجة والعامل بياخد أكثر منها وده المصيبه قالت قالت: ده حرام كده وأنا ست وأم عيال شقيانه ومحتاجه ومتبهدله قال لها مالكيش دعوه العامل بتاعي أديله كتير وكمان فلوسك وفلوس الغير قالت قالت: ليه الفلوس تتوزع بالشكل ده وإيه لازمه الكشوف المالية اللي متستفه في المديرية و كل عامل ياخد حقه ويوقع في كشفه قصاد اسمه قالت قالت: لهم كذا مره ليه... ليه الفلوس بتعتي تروح لغيري وأنا شغاله وده مجهودي قال اعملي اللي عندك وموش هاتخدي أي مبلغ لو حتي موتي قدامي ميت مره قالت قالت: كل اللي حصل في شكوي للمسئولين بالبرهان والدليل و الكشوف ثبتوا عليه المخالفه وشدوه وشدوه وعاقبوه لكن بين الجدران خبي اللي حصل وكتم ليـبان عليه الألم وشد الودان والندم، قالت قالت: وانا قاعده في شغلي في امن الله وبعد سنه ونصف لما اتلغي قرار الانتداب اللي كتبه هوه وواحد تاني في التنظيم .وده العذاب دخل العامل ومعاه القرار وبيقول لها يالا استلمي وده اخر قرار حيكون لك عندنا بنقلك من هنا و الأدهى من كده أن القرار فيه مخالفه باينه ومستعجله إن الوزاره غير الوزاره اللي ح يرموا فيها الست بالشكل ده وهيه محتاره ، اتاريه كاتب فيها مذكره بنقلها ودي المشكله قالت قالت: قرار ايه يادي المرار ولما قاريته صابها الجنان وقالت لنفسها لا لا موش حاتفيد الاشجان لازم اقف وقفة شجعان واثبت وجودى واخد حقوقي من أي مغتصب جبان هوه احنا في حرب يا ناس ولا ده اخر الزمان لما يتقتل الحق ويضيع الانسان في غمضة عين قالت
قالت تعيني هو هنا والقوى دي من ربنا عايزين تخدوها مني وتشطوني رغم أن عمري قرب علي نصف دهر لكن الشباب والرياضة عندي علي طول الدهر قالت000 قالت له ليه يا مدير ياكبير يا متصوف والمفروض انك من المتصوفين وشريكك في التنظيم له كتير مظاليم يا خساره علي الاسماء يا خساره علي الأسماء ده اسمه من اسم الرسول الكريم لكنه ظالم وكمان لئيم بيقولوا قرار محافظ لأ لأ و أنا احلف اليمين ان المحافظ راجل شريف وأمين و بيحافظ علي كل فرد وعيونه السالمه صاحيين وإنشاء الله ع الظلم ناوين يقطعوا رؤوس الفساد اللي علي المكاتب قاعدين و مالين جيوبهم فلوس الشقيانين 00 قالت د أنا مراه عامله وليا حق من حقوق الإنسان ولسه الخير موجود وربنا معايا والدنيا أمان ولسه في ضمير والناس عارفه الطيب من الشرير والحق لسه صاحي لو حتى غموا عنيه والإيد لسه ممدوده لو حاولوا قطع ايديه والودن لسه سامعه وبتحقق الخير والكلمة لسه حربه بيحارب بيها الأسير .

سوسن ...........

حكاية مؤثرة من حكايا الشقيانين

وربنا على الظالم قولي آمين ،،

يسلموووووووووووووووووووووو

بارك الله فيك سوسو



وننتظر منك الجديد والمفيد

برأيي أن الأحاسيس الدافقة التي لمستها بين سطور كلماتك هي لشيء عظيم بحق ..
كلماتك التي جاءت بشكل عفوي جميل يحكي حكاية نفس معذبة ..

برأيي أن الأحاسيس الدافقة التي لمستها بين سطور كلماتك هي لشيء عظيم بحق ..
كلماتك التي جاءت بشكل عفوي جميل يحكي حكاية نفس معذبة ..