يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..

ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..

وأقسى من جروح الزمان .. العطايب !!

وإن كان تنشدني فأنا .. مقدر أخفيك ..

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..


ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب !!

يا شمعه انتى كلك امل يجيك

كيف تشكين من كثر المصايب

ترا الحياه مره تاخذ ومره تعطيك
فلا تظني ان الحب فى ها الزمن صايب

الا من رحمه الله قلبه بيعطيك
وساعتها هى بتكون لك عز الطلايب


صح لسانك اختي


وتسلمي لى لنا على ما خطته يمناك


ونحن بانتظار مشاركتك الجايه بفارغ الصبر

بحر الاحزان

أسعدني هذا المرور العاطر والمتابعة المميزة

و ازدانت مشاركتي بوجود توقيعك ـ على صفحتي


فلا حرمنا الله من حضورك ومشاركتك الرائعه


ولك جزيل الشكر

تقبل عاطر التحيا .

(`'•.¸(` '•. ¸ * ¸.•'´)¸.•'´)

«´¨`.¸.*شمعة الامل . ¸.´¨`