الشتاء برد ! ... والشتاء في بعدك ابرد ..

حنين الماضي · المشاركة رقم: 1 31 / 12 / 2010, 19 : 05 PM

[الشِتَاء بَرْد ! ] / وأشتاقه /و اِحِنْ إله / وأخَافَه
و المِسَاء .. فيه / مُتْغَطْرِس / و مُتْكَبِر /واناني ..

و الليَالي فَـــ الشِتَاء / تِقْصَر .. ولو طال إنتصَافَه ..

بـــ السوالف / و الدِفَا / والبَرْد ! / ما بين المحاني !

و الـــ [ الحَنِيْن ] اللي مرافيَّه .. / تهَشّمها ضِفَافه ..
ما لقَى / في صَدْرِي إلا , حَسْرة ٍ بين / المواني ..

من يعَلِّم [ حَسْرَة الأيَّام ] / .. لا تِشِيل .. الـكَلافة ..
ما ذبَحْني / غــيـر .. مونْتها / و تَكْشِيرَة .. زماني ..

ومن يعلِّمْهَا , الوَطَنْ هذا ! خَذا رِيقي../ جِفَافَه !
وما تَرَكْ في [ فَمّي ] إلا .. غَصِة ٍ تَجْرَح .. لساني !!!

و من يعِّلمْها ,الشِتَاء هذا , وهَبْ كل إرتجافه !
لــ الحَنِيْن اللي نصاه .. الـ [ العَيْب ] .. بــ عيون الأماني !

و ما يحس بــ [ بَرْد قَلْبَكـ ] / غير من يَسكن شِغَافه ..!
كُلْ.. ما ./ .خَيَّم .. عليك الـــ بَرْد ! / جابته ,,الثواني ..!!

الدِفَـــا : ما هو بــ فَرْو ٍ .. / تَلبِسَه / وإلا لِفَافه !
الدِفَـــا : روحك تــضُمْه , من غلا .. / في روح ثاني !

والشِعْر..[ دَمْع الشِتَاء ] ../ بــالله وش عُذر إنجرافه ..!
لــ أندفق .. من عين قلبي .. دَمْع! / ضايقني .. مكاني !؟

و الزِمَنْ ! لو باعني للضِيق / ما الحقته .. حَسَافه .. !!
عَادِته ! فــ الناس , / يرميهم .. و أنا وقتي .. رماني !!!

ما علي! , معي [ النُوايا البِيض ] ,وَ الـ طُهْر وعَفَافَه ,,
و الزِمَنْ , وش عاد لو مرَّة , مثل غيري / نساني .. !!؟

و السَهَرْ , و الشِعْر الأرْعَنْ ! وأنت , و جِسْر الرِصَافه !!
مَوْطِن ٍ بَرْد الشِتَاء , , سمَّاه : / في صَدْرِي,أغَانَي ! )

مرجانه · المشاركة رقم: 2 24 / 11 / 2011, 36 : 12 AM

هيييييييييي والله صدقتي

صح السانج كلمات ولا اروع

والله يدفي القلوب المحبّه في برد هالشتا

ارق التحايا

**سفيــ الشوق ــر** · المشاركة رقم: 3 27 / 11 / 2011, 19 : 09 PM

حنين الماضي ............

جميل ماأجضرتي

بديع مانثرتي هاهنا

تسلم الأيادي

دمتي بكل الود

وباقة من أجمل ورد ،،،،،،،،،،،،،،،،،،،،،،،،،،

الذين يشاهدون محتوى الموضوع الآن : 1 ( الأعضاء 0 والزوار 1)

.::\|\|[ آخر المشاركات ]\|\|::.